Kuwait

Us der alemannische Wikipedia, der freie Dialäkt-Enzyklopedy
Hops zue: Navigation, Suech
دولة الكويت

Daulat al-Kuwait
Schdaat Kuwait

Flagge Kuwaits
Wappen Kuwaits
Flagge Wappen
Amtsschpraach Arabisch
Hauptschtadt Kuwait
Schtaatsform konschtitutionelli Monarchii
Schtaatsoberhaupt Emir Scheich Sabah al-Ahmad al-Dschabir as-Sabah
Regierigschef Scheich Nasir al-Muhammad al-Ahmad as-Sabah
Flächi 17.818 km²
Iiwohnerzahl 2.460.000 (2004)
Bevölkerigsdichti 138,1 Iiwohner pro km²
BIP/Iiwohner 22.470 US-$ (2003)
Währig 1 Kuwait-Dinar (KD.) = 1.000 Fils
Unabhängigkeit 19. Juni 1961 (vo Grossbritannie)
Nationalhymne an-Naschid al-watani
Nationalfiirtig 25. Februar (Rückeroberig vo Kuwait im Zweite Golfchrieg)
Ziitzone UTC+3
Kfz-Kennzeiche KWT
Internet-TLD .kw
Vorwahl +965
LocationKuwait.png
Ku-map.gif

S Emirat Kuwait (arabisch الكويت al-Kuwayt, dütsch au: Kuweit) lit in Vorderasie. Es gränzt im Norde und Weschde an Irak (240 km gmeinsame Gränzverlauf), im Süde an Saudi-Arabie (222 km) und im Oschde an Persische Golf (499 km).

Bevölkerig[ändere | Quälltäxt bearbeite]

D Bevölkerigsschdruktur vo Kuwait isch vom sehr hoche Adeil vo usländische Arbetschreft und vo ihre Agehörige brägt (rund 60 % vo alle Iiwohner). Der Adeil vo de Manne isch mit 57 % dütlig höcher as dä vo de Fraue; 24,5 % vo der Bevölkerig isch 2004 under 15 Johr alt gsi. Kuwait isch eins vo de Länder mit em höggschde Verschdedterigsgrad (2004: 96 %); d Lebeserwartig isch 2004 bei 77 Johr gläge. S Bevölkerigswaggstum isch zwüsche 1994 und 2004 im Durchschnitt 4,1 % gsi. D Amtsschbrooch isch Arabisch, d Umgangsschbrooch vo de Kuweiter unterenander isch Irakisch-Arabisch. Persisch wird in Kuwait as Zweitschbrooch bruucht. D Handelsschbrooch isch Änglisch.

Vo de rund zweiehalb Millione Iiwohner si nume öbbe 40 % Kuwaiter (drvo 150.000 bis 180.000 Beduine). Die übrige Iiwohner si us em Iran, Indie, Pakistan, und viele andere – hauptsächlich arabische und südoschdasiatische – Länder zuegwanderet und hai die kuwaitischi Schdaatsbürgerschaft nit. D Zuewanderer si de Iiheimische gegenüber gsellschaftlig benochdeiligt. D Bevölkerig isch überwiegend muslimisch, drvo si 65 % Sunnite und 35 % Schiite. Der Islam isch Schdaatsreligion. Der römisch-katholische Chille ghöre 6 % vo der Bevölkerig a. Die räschtlige 9 % umfasse vor allem anderi chrischdligi Konfessione, Hindus und Parse.