Armenie (armen.ՀայաստանHayastan) isch ä Binneschdaat im Kaukasus (Vorderasie). Es lit im Bärgland zwüsche Georgie, Aserbaidschan, em Iran und dr Türkei. S Land entschpricht mee oder weniger em nordöschtlige Deil vom hischtorischen armenische Siidligsgebiet, (lueg Armenistan), wo früehner viil grösser gsi isch, und het mit dr Uflösig vo der UdSSR 1991 si Unabhängigkeit übercho.
Armenie het öbbe drei Millione Iiwohner, drvo si noch dr Volkszelig vo 2001 97,9 Prozent Armenier, 1,3 Prozent jesidischi Kurde, 0,5 Prozent Russe (drunder au Molokane), dr Räscht Aramäer. Bis 1990 (vor em Berg-Karabach-Konflikt) hai au vili Aserbaidschaner z Armenie gläbt. Z Armenie isch d Bevölkerigsentwicklig rückläufig (–0,4 Prozent pro Jahr). Zwüsche 1991 bis 1998 si öbbe 750.000 Armenier vor allem noch Russland und in andere Schdaate vo dr GUS emigriert.
Commons: Armenie – Sammlig vo Multimediadateie
