Wiissrussland

Us der alemannische Wikipedia, der freie Dialäkt-Enzyklopedy
Рэспубліка Беларусь

Respublika Belarus
Wiissrussland

{{{ARTIKEL-FLAGGE}}}
{{{ARTIKEL-FLAGGE}}}
{{{ARTIKEL-WAPPEN}}}
{{{ARTIKEL-WAPPEN}}}
Amtsspraach Wiissrussisch
Hauptstadt Minsk
Staatsoberhaupt Aljaksandr Lukaschenka
Regierigschef Roman Haloutschenka
Flächi 207.595 km²
Bevölkerigsdichti 47 Iiwohner pro km²
Unabhängigkeit erklärt am 25. August 1991
Nationalhimne My Belarusy (Мы, беларусы)
Internet-TLD .by und .бел
Vorwahl +375

D Republik Wiissrussland (amtlich Belarus) isch es oschteuropäischs Land. Im Norde grenzt Wiissrussland an Lettland und Litaue, im Weschte an Pole, im Süde a d Ukraine und im Oschte an Russland. Zuägang zum Meer hät Wiissrussland kaine.

Sümpf by Minsk

D Houptstadt und gröschti Stadt isch Minsk mit chnapp 2 Millione Iiwohner. Anderi wichtige Städt sind Homel, Mogilew und Wizebsk. Mit öppe zäh Millione Iiwohner hät s Land echli meh Iiwohner als d Schwiiz, wo sech über en öppe föif Mal so grossi Flächi verteilet.

Gschicht[ändere | Quälltäxt bearbeite]

Bis zum Erschte Weltchrieg isch Wiissrussland immer e Teil vomene mächtigere Land gsi, öppe vo der Adelsrepublik bzw. em Chönigriich Pole, vom Grossfürschtetum Litaue oder vom Russische Kaiserriich. Noch em Erschte Wältchrieg isch es as Unionsrepublik en autonome Teil vo de Sowjetunion worde, und noch em Zweite Weltchrieg häts e Vergrösserig uf Chöschte vo Zwüschechriegs-Pole überchoo.

Usbreitig vor Radiation in Wiisrussland u dr Ukraine

Wäg sirä Nöchi zum ukrainischä Tschernobyl isch dr südlech Teil fo Wiisrussland o dür d Katastrophe vo Tschernobyl betroffä gsi.[1]

1991 isch es vo de Sowjetunion unabhängig worde. Sit 1994 wird s Land vom Aljaksandr Lukaschenka (russisch: Alexander Lukaschenko) regiert. Noodernoo isch es zunere Diktatur verchoo.

Nach de Präsidäntschaftswahle 2020 isch ä grossi Oppositionsbewegig gäge dr Alexander Lukaschenko entstande. Si wärfe dr Regierig Wahlbschiss vor. Bi de gröschte Demonstratione i Minsk si bis zu 100.000 Mensche drbi gsi.[2]

Verwaltigsgliderig[ändere | Quälltäxt bearbeite]

Wiissrussland isch in sächs Verwaltigsbezirk (Woblast) mit 118 Kreis (Rajon) glideret. D Hauptstadt Minsk het e Sonderstatus und ghört zue keim Woblaste aa.

D wiissrussische Verwaltigsbezirk
  1. Stadt Minsk
  2. Woblast Brest
  3. Woblast Homel
  4. Woblast Hrodna
  5. Woblast Mahiljou
  6. Woblast Minsk
  7. Woblast Wizebsk

Weblink[ändere | Quälltäxt bearbeite]

 Commons: Belarus - Wiissrussland – Sammlig vo Multimediadateie

Fuessnote[ändere | Quälltäxt bearbeite]

  1. https://www.daserste.de/information/politik-weltgeschehen/weltspiegel/sendung/weissrussland-tschernobyl-und-die-folgen-100.html
  2. Artiku über d Proteste uf merkur.de