Tadschikistan

	Ҷумҳурии Тоҷикистон (kyrillisch); Dschumhurii Todschikiston ; جمهوری تاجکستان‎ (persisch); Republik Tadschikistan
{{{ARTIKEL-FLAGGE}}}	{{{ARTIKEL-WAPPEN}}}
Amtsspraach	Tadschikisch
Hauptstadt	Duschanbe
Staatsoberhaupt	Emomalii Rahmon
Regierigschef	Kochir Rasulsoda
Flächi	143.100 km²
Iiwohnerzahl	7.320.815 (Juli 2006)
Bevölkerigsdichti	51,2 Iiwohner pro km²
Bruttoinlandsprodukt pro Iiwohner	330 US-$ (2004)
Währig	1 Somoni = 100 Diram
Unabhängigkeit	vo der Sowjetunion am 9. September 1991
Nationalhimne	Surudi Milli
Zitzone	UTC+5
Kfz-Kennzeiche	TJ
Internet-TLD	.tj
Vorwahl	+992

Tadschikistan (tadschik. Тоҷикистон/Todschikiston (kyrillisch) oder تاجکستان‎ (persisch); amtlig Republik Tadschikistan, tadschik. Ҷумҳурии Тоҷикистон/Dschumhurii Todschikiston (kyrillisch) oder جمهوری تاجکستان‎ (persisch)) isch ä zentralasiatische Schdaat. D Hauptschdadt vo Tadschikistan isch Duschanbe.

Geographii

Tadschikistan isch ä Hochgebirgsland, wo an Afghanistan, Usbekistan, Kirgisistan und d Volksrepublik China gränzt. Mehr as 70 % vo der Flechi si Hochgebirg. Fascht 50 % vom Schtaatsgebiet liege uf erä Höchi vo 3.000 m über NN oder no höcher. Dr Oschte vom Land wird vom Pamir-Gebirg und em gröschte Deil vom Pamir-Hochland brägt. Dört befindet sich au dr höggscht Bärg vom Land, dr 7.495 m hochi Pik Ismoil Somoni (früehner Pik Kommunismus). Im Norde vom Land erschtreckt sich d Gebirgschetti vom Alai. Nume im üsserschte Norde het Tadschikistan mit em Ferghanatal Diefland Gebiet, wo vom gröschte Fluss vom Land, em Syrdarja, chan bewässeret wärde und wo für intensivi Landwirtschaft bruucht wird. Dr gröscht Deil vom Land cha wäge der Höchi und em Relief nur extensiv mit Vehzucht gnützt wärde. Dr gröschti See isch dr Kara-Kul (380 km²) im Oschte vom Land; wiiteri grossi Seä si der Saressee (~ 80 km²) und der Zorkulsee 38,9 km². Dr gröschd Schtausee isch der Kairakkum-Schdausee (520 km²) am Syrdarja.