Mongolei

	Монгол Улс; Mongol Uls; Mongolei
{{{ARTIKEL-FLAGGE}}}	{{{ARTIKEL-WAPPEN}}}
Amtsspraach	Mongolisch
Hauptstadt	Ulaanbaatar (russ. Ulan-Bator)
Staatsoberhaupt	Uchnaagiin Chürelsüch
Regierigschef	Luwsannamsrain Ojuun-Erdene
Flächi	1.564.116 km²
Iiwohnerzahl	3.179.997 (Stand Juli 2012)
Bevölkerigsdichti	1,9 Iiwohner pro km²
Bruttoinlandsprodukt	5.8 Mrd. US-$ (2006)
Bruttoinlandsprodukt pro Iiwohner	2000 US-$ (2006)
Währig	Tögrög (2007: 1 EUR = ca. 1600 MNT)
Nationalfiirtig	11. Juli, („Naadam“, mongol. Festschbiil)
Zitzone	UTC + 7, UTC + 8
Kfz-Kennzeiche	MGL
Internet-TLD	.mn
Vorwahl	+976

D Mongolei (mongolisch Монгол Улс/Mongol Uls; /mongɣol ulus, wörtlich Mongolische Staat) lit zwüsche Zentral- und Oschdasie und isch ä dünn besiidlete Binneschdaat. Si gränzt im Norde an Russland mit 3.485 km Gränzlängi und im Süde an d Volksrepublik China mit 4.677 km Gränzlängi.

In eltere Atlante findet sich no der Name „Üsseri Mongolei“ (im Unterschiid zur Innere Mongolei, wo as Autonoms Gebiet zur Volksrepublik China ghört). Bis zur Verfassigsänderig im Juli 1992 het d Mongolei dr Name Mongolischi Volksrepublik gha.

Bevölkerig

Die groossi Mehrheit vo der Bevölkerig vo der Mongolei (ca. 85 %) ghört zum Volk vo de Mongole. D Untergruppe vo däm Volk wärde im Wäsentlige dur ihre Dialekt underschiide. Vor allem im Weschde vom Land (Bajan-Ölgii-Aimag und Chowd-Aimag) läbe Minderheite us verschiidene Turkvölker, wie Kasache und Tuwiner (Urianchai). Zuegwandereti Russe und Chinese läbe vorwiegend in de Schdedt oder as Fachchreft im Bärgbau. Der Adeil vo de Russe isch noch der Demokratisierig allerdings schdark zruggange.

Die ethnische Gruppe vo dr Mongolei (2000)^[1]
Ethnie	Zahl (in Tausend)	Adeil (%)
Chalcha	1934.7	81.5
Kasache	103.0	4.3
Dörwöd	66.7	2.8
Bajad	50.8	2.1
Burjate	40.6	1.7
Dariganga	31.9	1.3
Zachtschin	29.8	1.3
Urianchai	25.2	1.1
Anderi	82.6	3.5
Usländer	8.1	0.3
Total	2373.5	100.0