Gemeinschaft Unabhängiger Staaten

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Содружество Независимых Государств
Gmainschaft vu Uuabhängige Staate
Flagge vu dr GUS
Commonwealth of Independent States members.svg
0 Vollmitglid
0 Mitglid, wu dailnimmt
0 Mitglid, wu byygrodnet isch
0 ehmolig Mitglied
Arbeitssproch Russisch
Hauptquartier Minsk, Wyssrussland
Executive Secretary Sergei Lebedew
Flechi 21.543.238 km²
Bevelkerig 268,59 Millione
Grindig 21. Dezämber 1991
Wehrig E jedes Land het syy aige Wehrig
Zytzone UTC +2 bis +12
Websyte www.cis.minsk.by

D Gmainschaft vu Uuabhängige Staate (GUS; russisch Содружество Независимых Государств (СНГ) / Sodruschestwo Nesawissimych Gossudarstw (SNG)) isch e Zämmeschluss vu verschidene Noofolgestaate vu dr Sowjetunion (UdSSR) syt em 8. Dezämber 1991. D GUS isch dur d Staatsoberhaipter vu Russland, Wyssrussland un dr Ukraine grindet wore. Sitz isch di wyssrussisch Hauptstadt Minsk, d Versammlig dagt im Taurische Palais z St. Petersburg.

Entwicklig[ändere | Quälltäxt bearbeite]

Dr Hauptgrund fir d Bildig vu dr GUS isch s Sträbe vu verschidene ehmolige Dailrepublike vu dr Sowjetunion noch eme gmainsame Wirtschafts- un Sicherhaitsruum gsii. Vor allem Kasachstan het d Art un Wyys vu dr Uflesig vu dr Sowjetunion kritisiert un d Notwändigkait vun ere Zämmearbet vu dr ehmolige Sowjetrepublike betont.

D Gmainschaft vu Uuabhängige Staate (GUS) isch im Dezämber 1991 dur e Veryybarig vu dr Staatsoberhaipter vu Russland, dr Ukraine un Wyssrussland un dur dr Byydritt vu acht wytere, churz dervor vu dr Sowjetunion uuabhängig worene Sowjetrepublike grindet wore.

Anne 1993 isch au Georgie byydrätte, wu zerscht Abstand vu dr GUS gnuu ghaa het. Syt em Februar 2006 isch dää Kaukasus-Staat aber nimi bi dr Sitzige vum Verdaidigungsminischterrot vu dr GUS derbyy. As Folg vum chriegerische Konflikt um Sidossetie het Georgie am 14. Augschte 2008 syy Uusdritt us dr GUS verchindet, wu zum 18. Augschte 2009 rächtsgiltig woren isch.

Turkmenistan isch syt em 25. Augschte 2005 nume no byygordnets Mitglid.

S Biro vum ukrainische Staatsbresidänt het im Augschte 2008 verchindet, d Ukraine sei kai GUS-Mitglid me, wel s Land d GUS-Satzig nit ratifiziert heeb[1], dr Bresidänt sälber het doderzue nyt gsait. Unter em Yydruck vum Konflikt zwische Russland un Georgie hän Abgordneti vu dr Regierigskoalition aber au formal e Gsetzentwurf iber d Ufchindig vu dr GUS-Mitglidschaft ins ukrainisch Barlemänt yybrocht.[2] No Artikel 9 vum GUS-Statut isch e Uusdritt erscht 12 Monet no dr schriftlige Aachindigung bim Depositar vum Statut (Wyssrussland) megli.[3] Offiziäll wett d Ukraine aber vorerscht wyter im GUS-Exekutivrot mitschaffe, so s ukrainisch Usseminischterium.[4] Noch em ehmolige Usseminischter Wolodymyr Ohrysko isch d Ukraine ne Dailnehmerstaat – kai Mitglidstaat.[5]

Bim EU-Gipfel z Prag am 7. Mai 2009 hän di sechs GUS-Mitglider Armenie, Aserbaidschan, Georgie, Moldawie, Ukraine un Wyssrussland mit dr Europäische Union di „Eschtlig Partnerschaft“ gschlosse. Russland het gege dää Schritt broteschtiert.[6]

Gruppefoto bim Dräffe 2008 z Bischkek

Mitglider[ändere | Quälltäxt bearbeite]

Mitglider
vu dr
„Gmainschaft vu Uuabhängige Staate“
Hauptstadt
Bevelkerig
(Mio.)
Flechi
(km²)
Armenien Armenie Jerewan 2,99 29.800
Aserbaidschan Aserbaidschan Baku 8,47 86.600
Weißrussland Wiissrussland Minsk 9,85 207.595
Kasachstan Kasachstan Astana 15,23 2.717.300
Kirgisistan Kirgisistan Bischkek 5,08 198.500
Moldawien Moldawie Chișinău 4,46 33.843
RusslandRussland Russland Moskau 142,40 17.075.400
Tadschikistan Tadschikistan Duschanbe 7,32 143.100
Turkmenistan Turkmenistan (byygordnet Mitglid) Aschgabat 5,04 488.100
Ukraine Ukraine ¹ Kiew 46,30 603.700
Usbekistan Usbekistan Taschkent 26,49 447.400
GUSGUS GUS insgsamt ² Minsk 268,59 21.543.238
Zum Verglyych
SowjetunionSowjetunion Sowjetunion (1990/91) Moskau 289,94 22.402.223

¹ D Zuegherigkait vu dr Ukraine isch zurzyt in Frog gstellt.
² Ohni Turkmenistan, wel des nume e byygordnet Mitglid isch.
³ Mit Georgie, wu offiziäll syt em 18. Augschte 2009 kai Mitglid vu dr GUS me isch.

Fueßnote[ändere | Quälltäxt bearbeite]

  1. Pressemäldig „Juschtschenkos Sekretariat hält Ukraine für kein GUS-Mitglied“, RIA Novosti, 13. August 2008.
  2. „Ukrainische Parlamentarier wollen GUS-Abkommen aufkündigen“, RIA Novosti, 14. Augschte 2008
  3. GUS-Statut
  4. „GUS ohne Georgien: Gut oder schlecht?“ RIA Novosti, 14. August 2008
  5. „Ukraine überprüft Teilnahme an GUS-Projekten“, RIA Novosti, 19. Augschte 2008
  6. „Spannungen zwischen EU und Russland“, Euro News, 29. April 2009

Weblink[ändere | Quälltäxt bearbeite]

 Allmänd (Commons): Gmainschaft vu Uuabhängige Staate – Album mit witere Multimediadateie
Dä Artikel basiert uff ere fräie Übersetzig vu dere Version vum Artikel „Gemeinschaft_Unabhängiger_Staaten““ vu de dütsche Wikipedia.

E Liste vu de Autore un Versione isch do z finde.