Lottstette

Us der alemannische Wikipedia, der freie Dialäkt-Enzyklopedy


Wappe Dütschlandcharte
Wappe vo dr Gmei Lottstette
Lottstetten
Dütschlandcharte, Position vo dr Gmei Lottstette fürighobe
Koordinate: 47° 38′ N, 8° 34′ O
Basisdate
Dialekt: Alemannisch
Hauptvariante: Hochalemannisch
Regionalvariante: Hotzewälderisch
Bundesland: Bade-Württebärg
Regierigsbezirk: Fryburg
Landchreis: Waldshuet
Höchi: 433 m ü. NHN
Flächi: 13,4 km²
Iiwohner:

2294 (31. Dez. 2021)[1]

Bevölkerigsdichti: 171 Iiwohner je km²
Poschtleitzahl: 79807
Vorwahl: 07745
Kfz-Chennzeiche: WT
Gmeischlüssel: 08 3 37 070
Adress vo dr
Gmeiverwaltig:
Rathausplatz 1
79807 Lottstette
Webpräsenz: www.lottstetten.de
Burgermeischter: Jürgen Link
Lag vo dr Gmei Lottstette im Landchreis Waldshuet
KarteAareLandkreis Breisgau-HochschwarzwaldLandkreis LörrachLandkreis KonstanzLandkreis TuttlingenSchwarzwald-Baar-KreisAlbbruckBad SäckingenBernau im SchwarzwaldBonndorf im SchwarzwaldDachsberg (Südschwarzwald)DettighofenDogernEggingenGörwihlGrafenhausenHäusernHerrischriedHöchenschwandHohentengen am HochrheinIbach (Schwarzwald)JestettenKlettgau (Gemeinde)KüssabergLauchringenLaufenburg (Baden)LottstettenMurg (Hochrhein)Rickenbach (Hotzenwald)St. BlasienStühlingenTodtmoosÜhlingen-BirkendorfWaldshut-TiengenWehr (Baden)Weilheim (Baden)Wutach (Gemeinde)WutöschingenSchweizRhein
Karte
Dialäkt: Markgräflerisch (Lörrach)

Lottstette (dt. Lottstetten) isch e Gmeind im bade-württebergische Landchreis Waldshüet.

Geografy[ändere | Quälltäxt bearbeite]

Lag[ändere | Quälltäxt bearbeite]

Lottstette litt im üsserschte Süde vo Bade-Württeberg am Hochrhy öbbe 9 Kilometer vom Rhyfall eweg. D Gmeind isch vo de Lag her eimolig z Dütschland; si litt zämme mit Dettighofe und Jestette im "Jestettener Zipfel", wo uff 55 Kilometer Längi vo de Gränze zu de Schwiz umschlosse isch und numme über e Stroß vo Dütschland diräkt cha erreicht werre.

De Bahnhof vo Lottstette isch mit em Zug numme über s Schwizer Staatsgebiet erreichbar und wird sällewäg numme vo de SBB im Korridorverchehr bedient; dodeby gältet numme de SBB-Tarif.

Nochbergmeinde[ändere | Quälltäxt bearbeite]

D Gmeind gränzt im Norde an Jestette, im Oste an d Schwizer Gmeinde Rhynau und Marthale im Kanton Züri, im Süde an Rüdlinge im Kanton Schaffuse und im Weste an Rafz ZH.

Gmeindglyderig[ändere | Quälltäxt bearbeite]

Zu de Gmeind Lottstette ghöre d Dörfer Lottstette, Balm und Nack, d Wyler Dietebärg, s Ghöft Hardtwäghöf und d Hüser "Lottstetten-Landstraße, Zollamt" und "Nacker Mühle". Im Gmeindegebiet liige di abgangene Ortschafte Blitzbärg und Gaißbärg.

Gschicht[ändere | Quälltäxt bearbeite]

Lottstette isch im Johr 827 zum erschte Mol erwähnt worre und hät im Chloster Rhynau ghört. S Dorf hät e baar Mol de Bsitzer gwechselt, bis en 1806 zum Großherzogtum Bade cho isch.

Wyl d Gränze zimlig kombliziert verlauft, isch s Gebiet vom Jestetter Zipfel im Johr 1840 zum Zollusschlussgebiet erchlärt worre; dodurch isch d Gränze vo 55 uff 6 Kilometer verchürzt worre. Sälli Regelig, wo bis 1935 gültig gsi isch, hät de Ywohner e gwüsse Wohlstand botte, wo si jo ihri Brodukt z Dütschland und in de Schwiz zollfrei hän abiete chönne. Aber au am Schmuggel, wo's ab und züe gee hät, solle si bedeiligt gsi sy.

Bim Ortsdeil isch di mittelalterligi Burg Balm gläge, wo s Rhydal kondrolliert hät.

Es Rothuus vo Lottstette

Bolitik[ändere | Quälltäxt bearbeite]

De Bürgermeister isch dr Jürgen Link.

Wahle[ändere | Quälltäxt bearbeite]

Ergebnis vo dr Landdagswahle sit 2006:[2]

Johr CDU SPD FDP Griene Linke1 AfD Sonschtige
2016 31,1 % 9,5 % 6,8 % 32,3 % 2,6 % 12,9 % 4,8 %
2011 42,1 % 18,5 % 6,5 % 24,9 % 3,3 % 4,7 %
2006 45,4 % 20,2 % 14,3 % 12,8 % 3 % 4,3 %

1 2006: WASG, sit 2011: Die Linke

Suschtiges[ändere | Quälltäxt bearbeite]

Z' Lottstette gits e regionali Internet-Zytig und die nännt sich „Hierzuland“.[3] Sie isch fir d Region Chläggi und de ganz Oste vum Landchreis Waldshuet, also d Gmeinde Lottstette, Dettikofe, Klettgau, Hochetenge am Hochrhy und Küssaberg.

Fueßnote[ändere | Quälltäxt bearbeite]

  1. Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2021 (CSV-Datei).
  2. Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
  3. D Website vo HierzuLand.info

Weblink[ändere | Quälltäxt bearbeite]

 Commons: Lottstetten – Sammlig vo Multimediadateie