Rickebach (Hotzewald)

Us der alemannische Wikipedia, der freie Dialäkt-Enzyklopedy


Wappe Dütschlandcharte
Wappe vo dr Gmei Rickebach
Rickenbach (Hotzenwald)
Dütschlandcharte, Position vo dr Gmei Rickebach fürighobe
Koordinate: 47° 37′ N, 7° 59′ O
Basisdate
Dialekt: Alemannisch
Hauptvariante: Hochalemannisch
Regionalvariante: Hotzewälderisch
Bundesland: Bade-Württebärg
Regierigsbezirk: Fryburg
Landchreis: Waldshuet
Höchi: 696 m ü. NHN
Flächi: 34,7 km²
Iiwohner:

3916 (31. Dez. 2021)[1]

Bevölkerigsdichti: 113 Iiwohner je km²
Poschtleitzahl: 79736
Vorwahl: 07765
Kfz-Chennzeiche: WT
Gmeischlüssel: 08 3 37 090
Adress vo dr
Gmeiverwaltig:
Hauptstraße 7
79736 Rickenbach
Webpräsenz: www.rickenbach.de
Burgermeischter: Dietmar Zäpernick
Lag vo dr Gmei Rickebach im Landchreis Waldshuet
KarteAareLandkreis Breisgau-HochschwarzwaldLandkreis LörrachLandkreis KonstanzLandkreis TuttlingenSchwarzwald-Baar-KreisAlbbruckBad SäckingenBernau im SchwarzwaldBonndorf im SchwarzwaldDachsberg (Südschwarzwald)DettighofenDogernEggingenGörwihlGrafenhausenHäusernHerrischriedHöchenschwandHohentengen am HochrheinIbach (Schwarzwald)JestettenKlettgau (Gemeinde)KüssabergLauchringenLaufenburg (Baden)LottstettenMurg (Hochrhein)Rickenbach (Hotzenwald)St. BlasienStühlingenTodtmoosÜhlingen-BirkendorfWaldshut-TiengenWehr (Baden)Weilheim (Baden)Wutach (Gemeinde)WutöschingenSchweizRhein
Karte
Dialäkt: Markgräflerisch (Lörrach)

Rickebach isch e Gmeind im bade-württebergische Landchreis Waldshüet.

Geografy[ändere | Quälltäxt bearbeite]

Geografischi Lag[ändere | Quälltäxt bearbeite]

Rickebach, als Erholigsort staatlig aerkännt, litt im Vordere Hotzewald am südlige Rand vom Schwarzwald zum Hochrhy. Di hügeligi Hochebeni wird durch s steilwandig Dal drännt, wo s Flüssli Murg durefließt. 'S hät Wälder mit me große brozäntuale Adeil an Fichte, wo durch Wyse, Äcker und Weide underbroche werre. Bi chlarer Sicht cha mer bis zu de Alpekätte seh. S Gmeindegebiet litt uff 700 bis 900 Meter über em Meer.

Geology[ändere | Quälltäxt bearbeite]

'S hät sure Bode, wo Heidelbeere güet druff chönne wachse.

Nochbergmeinde[ändere | Quälltäxt bearbeite]

D Gmeind gränzt im Norde an Herrischried, im Oste an Görwihl und d Stadt Laufeburg, im Süde an Murg und Bad Säckinge und im Weste an d Stadt Wehr.

Rickebach bstoht uss sechs Gmeinde, wo friehner selbständig gsi sin und insgsamt uss 13 Ortschafte bstönn. Zu de hüttige Gmeind ghöre Rickebach, Alteschwand mit Glashütte und Strick, Hottige, Willaringe mit Egg, Jungholz, Lähnhof, Schwykhof, Wylandige und Wickartsmiehli, Bergalige und Hütte mit Rüttehof.

D Wappe vo de Ortsdeil

Klima[ändere | Quälltäxt bearbeite]

S Chlimadiagramm vo Hottige (1961-1990)

Wäge de Höchi isch's im Summer und im Winder öbbe 5 Grad chieler wie im Rhydal in de Nöchi. Im Januar und Februar litt normalerwis Schnee. De Näbel vom Rhydal chunnt aber numme sälte bis in sälli Höchi, sodass d Sunne öfter schynt. S südwestlig Eck vo Dütschland griegt sowiso am meiste Sunne ab.

Gschicht[ändere | Quälltäxt bearbeite]

Hottige

Di hüttigi Gmeind Rickebach isch erscht 1975 durch d Gmeindereform entstande; in sällem Johr hän sich d Gmeinde Bergalige, Hottige, Rickebach und Willaringe zämmegschlosse. Alteschwand und Hütte hän sich scho 1973 an Rickebach agschlosse gha. Rickebach und sini Ortsdeil sin scho in de zweite Hälfti vom 13. Johrhundert besydelt gsi.

De Ort Rickebach isch zum erschte Mol im Johr 1257 erwähnt worre und hät sich zu einem vo de wichtigste Ört vom südwestlige Hotzewald entwickelt. Als Pfarrort isch Rickebach s Zändrum vo me usdehnte Chirchspyl gsi. Bis zu de Gründig vom Land Bade im Johr 1805 hät de Ort als Einigs- und Grichtsort zu de Grafschaft Hauestei ghört.

Alteschwand isch als Streusydlig entstande und isch um 1300 zum erschte Mol i-n-re Urkunde erwähnt worre. Mit sinem Wyler Glashütte isch's eini vo de ältste Glasmachersydlige vom Schwarzwald.

D Gmarkig Bergalige isch wohrschints scho in de Jungsteizit bsydelt gsi. S hüttig Dorf isch im 13. Johrhundert entstande.

Uss de glyche Zit chömme au di erschte urkundlige Hywys uff d Sydlige Hütte und Rüttehof, wo uss Einzelhöf füregange gsi sin; Hütte isch aber bis 1973 e selbständigi Gmeind gsi.

De erscht Hywys uff Hottige findet mer erscht im Johr 1416.

Zu Willarige zälle mit de Streusydlige Egg, Jungholz, Schweikhof, Wyladige und Wickartsmiehli vyli rächt verschydeni Wyler. Wyladige, Schweikhof, Egg und Jungholz sin di ältste Sydlige vo de Gegend, wo urkundlig nochgwyse werre chönne. Si sin scho zwüschem 8. und em 10. Johrhundert als Rodigssydlige vom Chloster z Säckinge entstande. Bis ins 14. Johrhundert sin d Ortschafte vo de Ritter vo Wyladinge uff de Burg Wyladinge vo dört verwaltet worre. Nochdem s Rittergschlächt arm worre vo de Region eweggange isch, isch Willarige mit sine Wyler zu de Einig Rickebach cho.

Bolitik[ändere | Quälltäxt bearbeite]

D Gmeind isch e Mitglyd vo de Veriibarte Verwaltigsgmeinschaft vo de Stadt Bad Säckinge.

Bürgermeister[ändere | Quälltäxt bearbeite]

Am 17. März 2013 isch de Dietmar Zäpernick mit 50,05 % vo de Stimme zum neue Burgermeischter gwählt worre.

Wahle[ändere | Quälltäxt bearbeite]

Ergebnis vo dr Landdagswahle sit 2006:[2]

Johr CDU SPD FDP Griene Linke1 AfD Sonschtige
2016 30,3 % 11,1 % 7,5 % 29,4 % 2,5 % 13,7 % 5,3 %
2011 38,9 % 20,5 % 5,7 % 26,5 % 2,7 % 5,7 %
2006 37,4 % 17,2 % 6,8 % 11,4 % 2,8 % 24,5 %

1 2006: WASG, sit 2011: Die Linke

Partnerschafte[ändere | Quälltäxt bearbeite]

Sit 1980 git's partnerschaftligi Beziehige zu de Gmeind Plombières-les-Bains in de Vogese, Frankrych.

Kultur und Seheswürdigkeite[ändere | Quälltäxt bearbeite]

Museee[ändere | Quälltäxt bearbeite]

Sit 2001 git's in de Gmeind e Energymuseum, wo bi Hottige isch. 'S wändet sich de heimische Energyquälle züe. De Schwerpunkt isch d Wasserchraftnutzig. Denäbe werre au land- und huswirtschaftligi Grät zeigt, wo durch Dransmussione adrybe werre.

Bauwerch[ändere | Quälltäxt bearbeite]

De Hochrhysänder vo de Dütsche Telekom lit zwüsche Bergalige und Jungholz; sy Sändemast isch 184 Meter hoch. Mit ihm werre Fernsehbrogramm verbreitet.

Sport[ändere | Quälltäxt bearbeite]

  • E Golfblatz (18 Loch Par 70) litt am Ortsusgang vo Rickebach Richtig Alteschwand.
  • E Minigolfblatz isch am Hirschgartehüsli z Rickebach bi de Golfalag in de Nöchi.
  • Innerhalb vo de Golfalag z Rickebach hät's 4 Tennisblätz.
  • E Segelflugblatz litt im Ortsdeil Hütte.
  • Vyli usgschilderti Wanderwäg, zum Bispyl de Murgdalpfad.
  • De Sportblatz vom FC Bergalige isch im Johr 1979 vom Bruno Müller gründet worre.

Fueßnote[ändere | Quälltäxt bearbeite]

  1. Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2021 (CSV-Datei).
  2. Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

Weblink[ändere | Quälltäxt bearbeite]

 Commons: Rickenbach (Hotzenwald) – Sammlig vo Multimediadateie



Dä Artikel basiert uff ere fräie Übersetzig vum Artikel „Rickenbach_(Hotzenwald)“ vu de dütsche Wikipedia. E Liste vu de Autore un Versione isch do z finde.