Rhyfall

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Blick uf dr Rhyfall
Uf dr Felse befindet sich e Ussichtsplattform

De Rhyfall bi Schaffuuse isch e grosse Lauffe vom Rhy.

Er isch gmesse an dr Wassermengi dr gröschti Wasserfall vo Europa. Er lit zwüsche Neuhuuse uf dr Nordsyte, also am rächte Flussufer, und Laufe-Uuwiise uf dr zürcherische Süüdsyte, wenigi Kilometer underhalb vo dr Stadt Schaffuuse.

Uf em Wäg vum Bodensee nooch Basel stelle sich im Hochrhy herti Jurakalche in Wäg, wo s Flussbett verenge und wo dä Fluss in Stromschnelle oder Wasserfälle wie im Rhyfall tuet überwinde. Noch em Rhyfall sind das bsunders no dr middler Lauffe bi Choblez und dr Lauffeburger Lauffe, wo hüt wägem Stusee vom dörtige Chraftwärch nümme z gseh isch.

Bi middlerer Wasserfüehrig vom Rhy stürzed im Rhyfall 750 Kubikmeter Wasser pro Sekunde über d Felse. De Rhyfall hät e Höchi vo 23 Meter, ä Breiti vo 150 Meter und d Wassertüüfi grad noch em Rhyfall isch 13 Meter. Die höchst Abflussmengi isch anno 1965 mit 1250 Kubikmeter, die gringst Abflussmengi anno 1921 mit 95 Kubikmeter in dä Sekunde gmesse worde.

Dr Rhyfall chönd d Fisch ufwärts nit überwinde, usser dr Aal. Dä schlänglet sich sitwärts über d Felse ufe.

Bi Uuwiise isch näbem Rhyfall es Chraftwärch.

D Turischte fahre mit eme Böötli zum Felse, wo zmitzt im Wasserfall stoot und en Uussichtsposchte het.

Zitat[ändere | Quälltäxt bearbeite]

«Halte dein Herz, o Wanderer, fest in gewaltigen Händen! Mir entstürzte vor Lust zitternd das meinige fast. Rastlos donnernde Massen auf donnernde Massen geworfen, Ohr und Auge, wohin retten sie sich im Tumult?» Eduard Mörike

Literatur[ändere | Quälltäxt bearbeite]

  • Claudia Heitmann (Hrsg.): Der Rheinfall: Erhabene Natur und touristische Vermarktung. Schnell & Steiner, Regensburg 2015, ISBN 978-3-7954-2978-2. (Ausstellung: Der Rheinfall – Erhabene Natur und Touristische Vermarktung: 7. März bis 7. Juni 2015 in Mittelrhein-Museum Koblenz.)
  • Heinrich Gebhard Butz (Hrsg.): Sie waren am Rheinfall: der Rheinfall in der europäischen Literatur. Texte vom Mittelalter bis in die Gegenwart. Anthologie. Chronos, Zürich 2009, ISBN 978-3-03-400918-8.

Weblink[ändere | Quälltäxt bearbeite]

 Commons: Rhyfall – Sammlig vo Multimediadateie