2022
◄ |
20. Jahrhundert |
21. Jahrhundert
◄◄ |
◄ |
2018 |
2019 |
2020 |
2021 |
2022
| 2022 | |
|---|---|
 24. Februar: Russischi Druppe fange aa mit eme velkerächtswidrige Aagriffschrieg gege d Ukraine. |
| 2022 in andere Kaländer | |
|---|---|
| Ab urbe condita | 2775 |
| Armenische Kaländer | 1470–1471 |
| Ethiopische Kaländer | 2014–2015 |
| Buddhistische Kaländer | 2566 |
| Chinesische Kaländer | |
| – Ära | 4718–4719 oder 4658–4659 |
| – 60-Joor-Ziklus |
Metall-Rind (辛丑,
38)– |
| Hebräische Kaländer | 5782–5783 |
| Islamische Kaländer | 1443–1444 |
| Thai-Solar-Kaländer | 2565 |
Was isch bassiert?[ändere | Quälltäxt bearbeite]
- 1. Jänner: Dr Ignazio Cassis wird Bundespresidänt vu dr Schwyz.
- 1. Jänner: Frankrych ibernimmt d Rotsbresidäntschaft vu dr EU.
- 1. Jänner: Pole ibernimmt d Bresidäntschaft vu dr OSZE.
- 4. bis 20. Februar: XXIV. Olympischi Winterspiil z Peking, China
- 13. Februar: Bi dr Volksabstimmig in dr Schwyz stimme 56,61 % vum Stimmvolch un s Mee vu dr Ständ (15:8) fir d Volksinitiative «Ja zum Schutz der Kinder und Jugendlichen vor Tabakwerbung (Kinder und Jugendliche ohne Tabakwerbung)».
- 13. Februar: D Bundesversammlig bstetigt dr Frank-Walter Steinmeier as dytsche Bundesbresidänt. Am 19. Merz dritt er sy zwooti Amtszyt aa.
- ab Februar : Noch eme wuchelange Ufmarsch vu russische Druppe an dr Gränze zue dr Ukraine un diplomatische Krisegspräch uf internationaler Ebeni, duet Russland am 21. Februar d Unabhängigkait vu dr ukrainische Provinze Luhansk un Donezk anerkänne. Am 24. Februar fange russischi Druppe aa mit eme velkerächtswidrige Aagríffschrieg gege d Ukraine. Di russisch Armee versuecht Kiew yyznee mit em Zyl di ukrainisch Regierig z stirze. Wel di ukrainisch Armee un Burgerweehrdruppe aber massiv Widerstand laischte, zien si d Russe ab aafangs April zrugg un kunzäntriere si uf d Eroberig vu dr ukrainische Provinze Donezk, Luhansk, Cherson un Saporischschja im Oschte. Rund zwelf Millione Ukrainer sin uf dr Flucht vor em Chrieg, iber e Viertel vu dr Gsamtbevelkerig, dodervu sin fimf Millione in s Uusland gflichtet. D USA un d Länder vu dr EU verhänke Sanktione gege Russland un hälfe dr Ukraine mit Waffe un humanitäre Hilf, anderi Länder schließe si aa. Ab Ändi Augschte chenne di ukrainische Druppe großi Biet im Ruum Charkiw zrugg erobere. No uudemokratische Pseudoreferände in dr Provinze Donezk, Luhansk, Cherson un Saporischschja iber dr Aaschluss het Russland am 30. Septämber die vier Provinze velkerwiderrächtlig annektiert.
- 21. Merz: Dr China-Eastern-Airlines-Flug 5735 stirzt bi Wuzhou ab. Alli 132 Passagier chemme um s Läbe.
- 27. Merz: Bi dr Landdagswahl im Saarland gwinnt d SPD mit dr Spitzekandidati Anke Rehlinger di absolut Meehait.
- 8. Mai: Bi dr Landdagswahl z Schleswig-Holstein wird d CDU mit 43,4 % sterkschti Bartei. Di Griene cheme mit 18,3 % uf ire bescht Ergebnis in dr Gschicht z Schleswig-Holstein. D SPD chunnt mit 16 % uf ire schlächscht Ergebnis in dr Gschicht z Schleswig-Holstein. Au im Landdag sin d FDP mit 6,4 % un dr SSW mit 5,7 %. D AfD blybt mit 4,4 % an dr Fimf-Brozänt-Hurd hange.
- 24. April: Dr bishärig Bresidänt Emmanuel Macron wird bi dr Bresidäntschaftswahl z Frankrych in ere Stichwahl gege d Marine Le Pen fir e zwooti Amtszyt gwehlt.
- 15. Mai: Bi dr Landdagswahl z Nordrhy-Weschtfale verliert d Koalition us CDU un FDP iri Meehait. D CDU wird mit 35,7 % sterkschti Bartei. D SPD chunnt mit 26,7 % uf ire schlächscht Ergebnis in dr Gschicht z Nordrhy-Weschtfale. Di Griene cheme mit 18,2 % uf ire bescht Ergebnis in dr Gschicht z Nordrhy-Weschtfale. Au im Landdag sin d FDP mit 5,9 % un d AfD m,it 5,4 %.
- 18. Juni bis 25. Septämber: documenta fifteen
- 1. Juli: Tschechie ibernimmt d Rotsbresidäntschaft vu dr EU.
- Dr Summer 2022 isch dr haißescht z Europa, syter ass s Wätter ufzaichnet wird.
- 9. Oktober: Bi dr Bundesbresidäntewahl z Eschtrych wird dr Alexander Van der Bellen im erschte Wahlgang mit ere absolute Meehait im Amt bstetigt.
- 9. Oktober: Bi dr Landdagswahl z Nidersachse verliere d SPD (33,4 %; - 3,5 %) un d CDU (28,1 %; -5,5 %), wu bishär zäme regiert hän. Di Griene (14,5 %; +5,5 %) un d AfD (10,9 %; + 4,7 %) cheme uf iri beschte Ergebnis in dr Gschicht vu Nidersachse. D FDP (4,7 %; - 2,8 %) isch nimi im Landdag verdrätte.
- 21. Novämber bis 18. Dezämber: 22. Fueßballwältmaischterschaft vu dr Manne z Katar
Gstorbe[ändere | Quälltäxt bearbeite]
- 20. Jänner: Heidi Biebl, dytschi Skirännfahreri
- 1. Februar: Endo Anaconda, Schwyzer Singer-Songwriter
- 2. Februar: Hans-Peter Bärtschi, Schwyzer Autor un Fotograf
- 12. Februar: Gundi Scharpf, dytschi Dierbflägeri
- 14. Februar: Uli Sckerl, dytsche Bolitiker
- 14. Merz: Paul Gugelmann, Schwyzer Chinschtler
- 9. Juni: Fritz Brühlmann, Schwyzer Fahrradmechaniker
- 18. Juni: René-Nicolas Ehni, elsässische Schriftsteller
- 8. Juli: Shinzō Abe, japanische Bolitiker
- 9. Juli: Alois Schätzle, dytsche Bolitiker
- 28. Juli: Ursula Andermatt, Schwyzer Schauspileri
- 2. Augschte: Friedrich-Wilhelm von Herrmann, dytsche Philosoph
- 19. Augschte: Felix Huby, dytsche Autor
- 22. Augschte: Fredy Studer, Schwyzer Jazzmusiker
- 30. Augschte: Michail Gorbatschow, russische Bolitiker
- 1. Septämber: Hermann Schaufler, dytsche Bolitiker
- 4. Septämber: Ernst Pfister, dytsche Bolitiker
- 5. Septämber: Mariella Mehr, jenischi Schriftstelleri
- 11. Septämber: Alain Tanner, Schwyzer Regisseur
- 13. Septämber: Heiderose Berroth, dytschi Bolitikeri
- 5. Oktober: Georg Beis, dytsche remisch-katholische Gaischtlig
- 6. Oktober: Günter Vetter, eschtrychische Bolitiker
- 10. Oktober: Harold Haefner, Schwyzer Geograf
- 11. Oktober: Peter Dombrowsky, dytsche Bolitiker
- 16. Oktober: Thomas Ammann, Schwyzer Bolitiker
Rund um di alemannische Dialäkt[ändere | Quälltäxt bearbeite]
- 30. Septämber bis 2. Oktober: 21. Internationales Walsertreffen, Urnafaasch
Weblink[ändere | Quälltäxt bearbeite]
Commons: 2022 – Sammlig vo Multimediadateie