Gruppe vu dr zwanzg wichtigschte Induschtrii- un Schwelleländer

Gruppe vu dr zwanzg wichtigschte Induschtrii- un Schwelleländer (blau koloriert)

D Gruppe vu dr zwanzg wichtigschte Induschtrii- un Schwelleländer (G-20) isch e informälle Zämmeschluss vu 19 Staate un dr Europäische Union, wu s syter anne 1999 git. Si soll as Forum diene fir d Kooperation un Konsultation bi Froge vum internationale Finanzsyschtem.

An dr Dräffe vu dr G-20 nämme d Finanzminischter un Zentralbankchef vu dr G8 un vu elf wytere Staate deil, derzue EU-Bresidäntschaft (wänn die zue däm Zytpunkt nit vun eme G8-Staat gfiert wird), dr Bresidäntvu dr Europäische Zentralbank, dr Gschäftsfierend Diräkter (Managing Director) vum Internationale Währigsfond, dr Vorsitzer vum Internationale Währigs- un Finanzuusschuss (IMFC), dr Bresidänt vu dr Wältbank un dr Vorsitzer vum Development Committee vu Wältbank un Internationalem Währigsfond.

Wirtschaftligi Bedytig, Mitglider

In dr Staate, wu in dr Gruppe vu dr zwanzg wichtigschte Induschtrii- un Schwelleländer diräkt oder indiräkt verdrätte sin, dien zwei Drittel vu dr Wältbevelkerig rund 90 Brozänt vum wältwyte Bruttoinlandsprodukt (BIP) erwirtschafte un 80 Brozänt vum Wälthandel bstryte. Di glyychmäßiger regional un kulturäll Verdeilig vu dr Mitglider (dur di zämmegfasst europäisch Verdrättig) git dr G-20 e zuesätzligi Legitimation.

Land	Bevelkerig in Millione	Bevelkerig in Brozänt	BIP (Mrd. US-Dollar)	BIP ( Brozänt)	Region
Welt	6700,0	100,0	54620,0	100,0
Vereinigte Staaten Vereinigti Staate	304,0	4,5	13840,0	25,3	amerikaAAngloamerika
Japan Japan	127,2	1,9	4384,0	8,0	asieOOschtasie
Deutschland Dytschland (DE)	82,4	1,3	3322,0	6,1	Europa
China Volksrepublik Volksrepublik China	1330,0	19,9	3251,0	6,0	asieOOschtasie
Vereinigtes Konigreich Vereinigts Königriich (GB)	61,0	0,9	2773,0	5,1	Europa
Frankreich Frankriich (FR)	64,0	1,0	2560,0	4,7	Europa
Italien Italie (IT)	58,1	0,9	2105,0	3,9	Europa
Kanada Kanada	33,2	0,5	1432,0	2,6	amerikaAAngloamerika
Brasilien Brasilie	196,4	2,9	1314,0	2,4	amerikaSLatynamerika
Russland Russland	140,7	2,1	1290,0	2,4	eurooEuropa / Asie
Indien Indie	1148,0	17,1	1099,0	2,0	asieSSidasie
Korea Sud Südkorea	48,4	0,7	957,0	1,8	asieOOschtasie
Australien Australie	21,0	0,3	908,0	1,7	Ozeanie
Mexiko Mexiko	110,0	1,6	893,4	1,6	amerikaSLatynamerika
Türkei Türkei (TR)	71,9	1,1	729,4	1,2	asieVEuropa / Vorderasie
Indonesie	237,5	3,5	432,9	0,8	asienSOSidoschtasie
Saudi-Arabie	28,1	0,4	376,0	0,7	asieVVorderasie
Südafrika Südafrika	48,8	0,7	282,6	0,5	Afrika
Argentinien Argentinie	40,5	0,6	260,0	0,5	amerikaSLatynamerika
Flagge von Europe Europäischi Union*	500,0	7,4	16830,1	31,0	Europa
G-20**	4385,7	65,5	48213,1	88,3
Bevölkerung am 1. Juli 2008, Bruttoinlandsprodukt im Jahr 2008 *Mit dr G-20-Mitglider DE, FR, GB, IT. **Summe vu alle Zyyle ußer DE, FR, GB, IT, weld Date vu däne in dr Zyyle Europäischi Union din sin.

Gschicht

In Reaktion uf d Asiekrise isch uf em Gipfel vu dr APEC-Länder im Novämber 1997 z Vancouver (Kanada) uf Initiative vum dodmolige US-Bresidänt Bill Clinton e au Willard Group gnännti Gruppe vu dr 22 bschlosse wore. Gegeniber dr hitige G-20 sin bi dr G-22-Staate zuesätzli Hongkong, Malaysia, Pole, Singapur un Thailand derbyy gsi, dergege hän di Europäisch Union, d Türkei un Saudi-Arabie gfählt. Im April 1998 het s erscht Dräffe vu dr G-22 z Washington stattgfunde.

Anne 1999 isch d Gruppe churzi Zyt zue dr G33 erwyteret wore, wu zwei Dräffe gha hän im Merz un April 1999. Scho im Septämber 1999 isch aber uf em Dräffe vu dr G8-Finanzminischter as Ersatz d G-20 in s Läbe gruefe wore. S erscht Dräffe het im Dezämber 1999 z Berlin stattgfunde.

Dräffe

Nr.	Jahr	Stadt	Land	Datum
1	1999	Berlin	Deutschland Dytschland	15./16.12.
2	2000	Montréal	Kanada Kanada	24./25.10.
3	2001	Ottawa	Kanada Kanada	16./17.11.
4	2002	Delhi	Indien Indie	22./23.11.
5	2003	Morelia	Mexiko Mexiko	26./27.10.
6	2004	Berlin	Deutschland Dytschland	19.–21.11.
7	2005	Peking	China Volksrepublik Volksrepublik China	15./16.10.
8	2006	Melbourne	Australien Australie	18./19.11.
9	2007	Kapstadt	Südafrika Südafrika	17./18.11.
10	2008	São Paulo	Brasilien Brasilie	08./09.11.
11	2008	Washington, D.C.	Vereinigte Staaten Vereinigti Staate	15./16.11.
12	2009	London	Vereinigtes Konigreich Vereinigts Königriich	01./02.04.
13	2009	Pittsburgh	Vereinigte Staaten Vereinigti Staate	24./25.09.
14	2010	Toronto	Kanada Kanada	26./27.06.
15	2010	Seoul	Korea Sud Südkorea	11./12.11.
16	2011	Cannes	Frankreich Frankriich	03./04.11.
17	2012	Los Cabos	Mexiko Mexiko	18./19.06.
18	2013	Moskau	Russland Russland	15./16.02.
19	2013	Sankt Petersburg	Russland Russland	05./06.09.
20	2014	Brisbane	Australien Australie	15./16.11.
21	2015	Antalya	Türkei Türkei	15./16.11.
22	2016	Hangzhou	China Volksrepublik Volksrepublik China	04./05.09.
23	2017	Hamburg	Deutschland Dytschland	07./08.07.
24	2018	Buenos Aires	Argentinien Argentinie	30.11./1.12.
25	2019	Osaka	Japan Japan	28./29.06.
26	2020	Riad	Saudi-Arabie	21./22.11.
27	2021	Rom	Italien Italie	30./31.10.
28	2022	Bali	Indonesie	16./17.11.
29	2023	Neu-Delhi	Indien Indie	09./10.09.
30	2024	Rio de Janeiro	Brasilien Brasilie	18./19.11.

Kritik

D Legitimation wird zem Deil in Frog gstellt: d G-20 umgoht di internationale Organisatione vu dr UNO. Au ass d Bschliss vu dr G20 nit rächtli binde, wird kritisiert.

Weblink

 Commons: G20 – Sammlig vo Multimediadateie

• Abschlussdokument vum Gipfel 2009 mit Detail zue dr blante Regulierig vu dr Finanzmärt
• Offizielli Internetsyte vu dr G-20
• Uusgwehlti Wirtschaftsindikatore vum World Develompent Report 2006 vu dr Wältbank (änglisch, PDF-Datei)

Dä Artikel basiert uff ere fräie Übersetzig vum Artikel „Gruppe_der_zwanzig_wichtigsten_Industrie-_und_Schwellenländer“ vu de dütsche Wikipedia. E Liste vu de Autore un Versione isch do z finde.