Soledurner Filmdäg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Plakat zue dr 1. Filmdäg: «Schweizer Film heute» 1966

D Soledurner Filmdäg (dt. Solothurner Filmtage, SFT) sin s wichtigscht Filmfeschtival fir dr Schwyzer Film. Si bresäntiere syter anne 1966 all Johr z in Soledurn im Programm «Panorama Schwyz» e rebresäntativi Uuswahl vu Schwyzer Spiil-, Dokumäntar- un Churzfilm. In Schwätzrundine un Podiumsveraastaltige dischpetiere s Publikum un d Filmbranche iber di zaigte Film un d Schwyzer Filmkultur. Mit all Johr iber 65'000 Zueschauer zelle d Soledurner Filmdäg zue dr renommierteschte Kulturveraastaltigen in dr Schwyz.

Gschicht[ändere | Quälltäxt bearbeite]

D Soledurner Filmdäg ghere zue dr eltschte Filmfeschtival vu dr Schwyz. Vum 28. bis 30. Jänner 1966 het d Filmgilde Soledurn e Dagig mit em Titel «Schweizer Film heute» organisiert. Zyyl vu däm Aaloss isch d Kreation vu neie Idee un Inschpiratione fir di junge, unabhängig Schwyzer Filmschaffende gsii. Ai Johr speter isch die Veraastaltig scho unter em Name «Solothurner Filmtage» glofe un im Juli 1967 isch d Schwyzerisch Gsellschaft Soledurner Filmdäg (SGSF) grindet wore, wu syterhär as Verain d Filmdäg organisiert.

Bishär het s in dr Gschicht vu dr Filmdäg drei Diräktore gee:

  • Stephan Portmann: 1967 bis 187
  • Ivo Kummer: 1987 bis 2011
  • Seraina Rohrer: syt 2011

Zwische 1998 un 2008 isch an dr Soledurner Filmdäg au dr Schwyzer Filmbryys vergee wore, wu ab 2009 derno in s Kultur- un Kongrässzäntrum Lozärn verlait woren isch.

Weblink[ändere | Quälltäxt bearbeite]

 Commons: Solothurner Filmtage – Sammlig vo Multimediadateie