Dr jüdisch Kaländer

Us der alemannische Wikipedia, der freie Dialäkt-Enzyklopedy
E jüdische Gmäindskaländer vo 1831

Dr jüdisch Kaländer (hebr. הלוח העברי ha-lu'ach ha-iwri) isch e Lunisolarkaländer. D Möönet si wie bi äifache Mondkaländer an de Mondfaase usgrichdet. Näben em Normaljoor mit 12 Mondmöönet, wo mäistens 354 Dääg lang isch, git s Schaltjoor mit 13 Mondmöönet, wo im allgemäine 384 Dääg lang si, zum s Joor an s Sunnejoor aagliche, und es git kaländarischi Usnaamereegle, wo s normale Joor um e Daag verlengere oder verchürze.

S jüdische Joor foot hüte im Herbst mit em Tischri aa, wo noch dr jüdische Uffassig dr Monet isch, wo d Menschhäit erschaffe worde isch. In dr biblische Zit het s Joor mit em Nisan im Früelig aagfange. Dr Nisan isch dr Monet vo dr Erlöösig, wo d Vorfaare vo de Juude us Egüpte uszoge si. Au hüte wird d Erlöösig as wichdiger aagluegt as d Schöpfig, und bim religiöse Gebruch vom jüdische Kaländer gältet dr Nisan immer no as dr erst Monet vom Joor und dr Tischri nume as dr sibt.

D Nääme vo de Möönet si chaldäisch und stamme us em babylonische Exil.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Dr jüdisch Kaländer – Sammlig vo Multimediadateie
Dä Artikel basiert uff ere fräie Übersetzig vum Artikel „Jüdischer_Kalender“ vu de dütsche Wikipedia. E Liste vu de Autore un Versione isch do z finde.