Albert Rösti

Us der alemannische Wikipedia, der freie Dialäkt-Enzyklopedy
dr Albert Rösti (2024)

Dr Albert Rösti (* 7. Augschte 1967 z Frutige; haimetberächtigt ebe dert) isch e Schwyzer Bolitiker (SVP), Unternämer un Verbandsfunktioneer. Vu 2016 bis 2020 isch er Bresidänt vu dr Schwyzerische Volksbartei gsii. Am 7. Dezämber 2022 isch dr Rösti as Noofolger vum Ueli Maurer in Bundesroot gweelt woore.

Familie un Uusbildig[ändere | Quälltäxt bearbeite]

Dr Albert Rösti isch z Chanderstäg ufgwagse un deert uf d Primaarschuel gange. Derno isch er z Frutige uf d Sekundaarschuel un z Thun uf s Gimnasium. No dr Matura (1987) un em Militeerdienscht het er an dr ETH Züri Agronomy studiert un anne 1994 s Studium as Agraaringenieur abgschlosse. Derzue het er dr Fähigkaitsuuswyys fir s Leeramt Beruefs- un Fachschuele gmacht.[1] Anne 1997 het er bim Peter Rieder (Referänt) un em Bernard Lehmann (Korreferänt) zum Teema «Auswirkungen der Agrarpolitik 2002 auf die Schweizer Landwirtschaft» zum Dokter vu dr tächnische Wisseschafte promowiert.[2] Är het au 2002 ne Studium an dr University of Rochester mit eme Master of Business Administration (MBA) abgschlosse.[3] In dr Schwyzer Armee het er dr Rang vun eme Gfraite.

Dr Rösti läbt z Üetedorf, isch ghyroote un het zwai Chinder.

Beruef[ändere | Quälltäxt bearbeite]

Dr Rösti isch anne 1998 in d Volkswiirtschaftsdiräkzioon vum Kanton Bärn yydrätte un isch unter dr Regierigsreeti Elisabeth Zölch ab 2001 stellverdrättende Generaalsekreteer un 2003–2006 Generaalsekreteer gsii. 2007 isch er Diräkter vu dr Schwyzer Milchproduzänte woore, im Februar 2013 isch er zruggdrätte.[4] Syt 2013 isch er Inhaber un Gschäftsfierer vu dr Fiirma Büro Dr. Rösti GmbH, wu in dr Beraich Public Affairs, Projäktmanagement un Berootige fir Wiirtschaft un Bolitik unterwägs isch.[3]

Vu 2007 bis 2014 isch dr Rösti Bresidänt vum Landwirtschaftlige Informazioonsdienscht (LID) gsii. Im Mai 2014 isch er as Noofolger vum Rolf Schweiger zum Bresidänt vu dr Aktion für eine vernünftige Energiepolitik Schweiz (AVES) gweelt woore.[5] Im Mai 2015 het dr Rösti dr zruggdrätte Caspar Baader as Bresidänt bim Dachverband vu dr Brännstoffhändler in dr Schwyz, Swissoil Schweiz[6], abgleest. Är isch bis im Mai 2022 im Amt bliibe, Noofolger isch dr Martin Gautschi woore.[7] Dr Rösti isch Bresidänt vum Schwyzerische Wasserwiirtschaftsverband (SWV)[8] un syt Mai 2022 Bresidänt vu dr Verainigung vu dr Schwyzer Automobil-Importeur «Auto Schweiz».[9]

Bolitik[ändere | Quälltäxt bearbeite]

Dr Rösti isch vu 2000 bis 2007 Bresidänt vu dr SVP Üetedorf gsii. Syt Jänner 2008 isch er Mitgliid vum Gmairoot (Exekutive) vu Üetedorf. 2014 het er dr zruggdrätte Hannes Zaugg-Graf[10] as Gmandsbresidänt abgleest.[3]

Dr Rösti het 2010 erfolgloos bi dr Bärner Regierigsrootswaale kandidiert. Är isch bi dr Barlemäntswaale 2011 zum eerschte Mool in Nazionaalroot gweelt un bi d Waale 2015 un 2019 wiidergweelt woore. Deert isch er ab 2011 Mitgliid vu dr Kummissioon fir Umwält, Ruumblaanig un Energy (UREK), vu 2015 bis 2019 vu dr Kummissioon fir Wisseschaft, Bildig un Kultuur (WBK) gsii un ab 2019 vu dr Kummissioon fir soziaali Sicherhait un Gsundhait (SGK), wun er syt 2021 bresidiert het. Dr Rösti isch 2015 Waalkampflaiter vu dr SVP bi dr aidgnessische Waale gsii, wun er au erfolgloos fir dr Ständeroot kandidiert het.[3]

Aafangs Novämber 2015 het dr Voorstand vu dr SVP Bärn dr Rösti – no aingene Aagaabe go sy Rugghalt in dr SVP fir speeteri Vakanze briefe – as ire Bundesrootskandidaat nominiert, het d Kandidatuiur aber zwoo Wuche speeter wider zruggzooge.[11][12]

Am 23. April 2016 isch dr Rösti zum neie Bresidänt vu dr SVP gweelt woore un het doodermit dr Toni Brunner an dr Barteispitz abgleest.[13] Noch em schläächte Abschnyyde vu dr SVP bi dr Barlemäntswaale 2019 het er im Dezämber 2019 verchindet, ass er im Augschte 2020 nimi fir d Wiiderwaal fir s Barteibresidium z Verfiegig stoot.[14] Noofolger isch dr Tessiner Marco Chiesa woore.[15]

Am 10. Oktober 2022 het dr Rösti verchindet, ass er as Noofolger vum zruggdrättene Bundesroot Ueli Maurer wett kandidiere.[16] Am 18. Novämber het en d Frakzioon vu dr SVP zäme mit em Hans-Ueli Vogt uf ire Waalvoorschlaag an d Verainigt Bundesversammlig ufgnuu.[17]

Am 7. Dezämber 2022 isch dr Rösti im eerschte Waalgang in Bundesroot gweelt woore. S Amt as Vorstand vum Aidgnessische Departmänt fir Umwält, Vercheer, Energy un Kommunikazioon duet er am 1. Jänner 2023 aadrätte.[18][19]

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Albert Rösti – Sammlig vo Multimediadateie

Fueßnote[ändere | Quälltäxt bearbeite]

  1. ↑ Eintrag "Rösti, Albert" in Munzinger Online/Personen - Internationales Biographisches Archiv. Abgruefen am 8. Dezember 2022.
  2. ↑ Albert Rösti: Auswirkungen der Agrarpolitik 2002 auf die Schweizer Landwirtschaft: ökonometrische Untersuchung zur Wirkung der neuen Direktzahlungen und Schätzung der zukünftigen Angebots- und Nachfrageentwicklung sowie deren Auswirkungen auf die Produzenten, Konsumenten und Steuerzahler mit einem Simulationsmodell unter spezieller Berücksichtigung des Milchmarktes. 1997, doi:10.3929/ethz-a-001816482 (ethz.ch [abgerufen am 1. Oktober 2019] Diss. ETH Zürich).
  3. ↑ 3,0 3,1 3,2 3,3 René Zeller: «Sanft, aber mit Stacheln». In: Neue Zürcher Zeitung. 10. Jänner 2016.
  4. ↑ Samuel Tanner: Albert Rösti und das «Debakel beim Milchverband»: Was geschah damals wirklich – und was erzählt das über den möglichen Bundesrat?. In: Neue Zürcher Zeitung, 28. Novämber 2022.
  5. ↑ Albert Rösti wird Präsident der traditionellen AKW-Lobby. In: Neue Zürcher Zeitung. 20. Mai 2014.
  6. ↑ Swissoil, abgerufen am 8. Dezember 2022
  7. ↑ Medienmitteilung vom 12. Mai 2022 – Martin Gautschi folgt auf Albert Rösti als Präsident von Swissoil Schweiz. In: Presseportal.ch, 12. Mai 2022.
  8. ↑ Albert Rösti uf dr Websyte vo dr Bundesversammlig (Iigreichti Vorstöss).
  9. ↑ Albert Rösti wird neuer Präsident der Schweizer Autoimporteure. Abgruefen am 3. Juni 2022.
  10. ↑ Gabriel Berger, Marco Zysset: Hannes Zaugg-Graf tritt als Gemeindepräsident zurück. In: Berner Zeitung. 15. Dezämber 2012.
  11. ↑ SVP Bern nominiert Rösti. In: Neue Zürcher Zeitung. 5. Novämber 2015.
  12. ↑ Daniel Gerny: Bundesratswahlen. Albert Rösti ist nicht mehr Kandidat. In: Neue Zürcher Zeitung. 18. Novämber 2015.
  13. ↑ Albert Rösti übernimmt bei der SVP. In: 20 Minuten. 23. April 2016.
  14. ↑ Simon Marti, Camilla Alabor: Nach vier Jahren hat der SVP-Präsident genug. Albert Rösti tritt zurück. In: Blick. 22. Dezämber 2019 (Interview).
  15. ↑ Michael Surber: Marco Chiesa ist neuer SVP-Präsident. 22. August 2020, abgruefen am 22. August 2020.
  16. ↑ Nachfolge von Ueli Maurer – Albert Rösti bewirbt sich für den Bundesratssitz. 10. Oktober 2022, abgruefen am 10. Oktober 2022.
  17. ↑ Nachfolge von Ueli Maurer – SVP nominiert Albert Rösti und Hans-Ueli Vogt für den Bundesrat. 18. November 2022, abgruefen am 18. November 2022.
  18. ↑ Albert Rösti ist Nachfolger von SVP-Bundesrat Ueli Maurer. parlament.ch, 6. Dezember 2022, abgruefen am 6. Dezember 2022.
  19. ↑ Bundesrat hat Departementsverteilung vorgenommen. admin.ch, 8. Dezember 2022, abgruefen am 8. Dezember 2022.
Vorgänger
Ueli Maurer 		Mitgliid im Schwiizer Bundesrat
sit 2023 		Nochfolger
—
Dä Artikel basiert uff ere fräie Übersetzig vu dere Version vum Artikel „Albert_Rösti“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Albert_Rösti&oldid=1045430"