Sozialdemokratische Partei Deutschlands

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Sozialdemokratische Partei Deutschlands
Logo der SPD
Parteivorsitz Sigmar Gabriel
Sigmar Gabriel (2012).jpg
Gene­ral­sekre­tär Katarina Barley
Stell­ver­tretendi Vorsit­zendi Hannelore Kraft
Thorsten Schäfer-Gümbel
Manuela Schwesig
Olaf Scholz
Aydan Özoğuz
Ralf Stegner
Gründig 23. Mai 1863 (ADAV)
7. August 1869 (SDAP)
27. Mai 1875 (Vereinigung)
Gründigs­ort Leipzig (ADAV)
Eisenach (SDAP)
Gotha (Vereinigung)
Bundestagsmandat
193/630
Staatligi Zueschüss 38.965.287,35 Euro (2010)[2]
(Stand: 21. Januar 2011)
Mitglii­derzahl 531.737(Stand: Ende Mai 2008)[1]
Mindest­alter 14jöhrig
Fraue­a­deil 30,96 Prozent
Websiite www.spd.de

Die Sozialdemokratischi Partei vo Dütschland (churz SPD) isch e dütschi Volkspartei und die eltisti Partei z Dütschland, wo im Parlament verdräte isch. As erste Vorlöifer vo dr Partei gälte dr Allgemäini Dütschi Arbäiterveräin, wo 1863 gründet worde isch, und die Sozialdemokratischi Arbäiterpartei us em Joor 1869.

D SPD isch zur Zit (2015) in vierzää Länder an dr Regierig bedäiligt, in nüün von ene stellt si dr Regierigsschef. Uf Bundesebeni isch si Juniorpartner in ere Regierigskoalizion mit de Unionsparteie.

D SPD isch Mitgliidspartei vo dr Sozialdemokratische Partei vo Öiropa (SPE), vo dr Progressive Allianz und het Beobachterstatus in dr Sozialistische Internazionale (SI), wo si früener lang e füerendi Posizion iignoo het, d Mitgliidschaft aber wäge Mäinigsverschiidehäite sit em Aafang vo 2013 sistiert het. Dr Parteivorsitzend isch sit em Novämber 2009 dr Sigmar Gabriel.

Bardeipolitik[ändere | Quälltäxt bearbeite]

Bardeiprogramm

S Sälbstverständnis vo dr SPD, wo si au in iire Bardeiprogramm brobiert z tradiere, umfasst politischi Inhalt und langfristigi Ziil, wo nit zu Gunste vom ene churzfristige Vordäil sötte ufgee wärde. Iir Grundsatzbrogramm begrift si as „moralischi Rächtfertigung für iiri Politik“.[3]

August Bebel (1863)
Ferdinand Lassalle (1860)

Die Grundsatzbrogramm si vo dr SPD in dr Vergangehäit beschlosse worde:

Am Aafang isch d SPD e sozialistischi Arbäiterbardei gsi. Si het sich mee und mee bis zum Godesbärger Brogramm zun ere sozialdemokratische Volksbardei entwigglet. Im „Hamburger Brogramm“, wo im Joor 2007 beschlosse worde isch und bis hüt gültig isch, isch s Ziil vo dr Bardei mit Hilf vo dr „solidarische Meerhäit“ z regiere. Dr demokratisch Sozialismus wird as e „Wision von ere freie, grächte und solidarische Gsellschaft“ as „duurendi Ufgoob“ uuseghobe und „die soziali Demokratii“ as s „Brinzip vom Handle“ bezäichnet.

Freihäit, Grächtikäit und Solidaridäät si noch em Hamburger Brogramm für d SPD d Grundwärt vom Demokratische Sozialismus. So isch die soziali Grächdikäit äini vo iire wichdigste politischen Läitwärt. Die koordinierti soziali Määrtwirtschaft söll gsterkt und iiri Erdrääg fäär verdäilt wärde, wil das as nöötig für e Woolstand vo dr Gsamtbevölkerig aaglueg wird. D SPD dänggt, ass au in dr Zuekumft e starke Staat und e handligsfähige Sozialstaat nöötig wird si, zum die schwechere Bevölkerigsgrubbe chönne schütze. Si läit Wärt uf e Finanzpolitik, wo „nit uf Chöste vo de zuekümftige Generazione“ gestaltet isch und langfristig dr Staatsverschuldig en Ändi wurd mache. Under em Stichwort vorsorgende Sozialstaat wärde Änderige am Sozialsüsteem begrüesst, wo d Äigeverantwortig wurde sterke und wo im Raame vo dr Agenda 2010 realisiert worde si.

Gsellschaftspolitisch understützt d SPD Bürgerrächt, d Öffnig vo dr Gsellschaft und Bürgerbedäiligung. Ussepolitisch will si dur en Usgliich vo de Inträsse dr Friide uf dr Wält sterke. D Globalisierig söll „dur e demokratischi Politik“ gstaltet wärde. D SPD will die Öiropäischi Äinigung erwitere und verdiefe.

Interni Richdige

Intern cha mä d SPD in eender linggi Sozialdemokrate iidäile, wo sich im Forum Demokratische Linke 21 und dr Parlamentarische Lingge organisiere, und in gemässigt konserwative Sozialdemokrate, wo sich im Seehäimer Krais beziejigswiis im Forum Nürmbärger Middi dräffe. Zletscht het sich mit em Netzwärk Berlin e nöiji Generazion zämmegschlosse, wo gege die dradizionalistischi Flügelbildig isch. Wääred die gmässigt konserwative Sozialdemokrate dr Reformkurs, wo dr Gerhard Schröder iigläitet het, braktisch ooni Vorbehalt understütze und sich generell an dr politische Middi orientiere, kämpfe die lingge Sozialdemokrate für e klassischi linggi und sozialstaatligi Politik, wo d SPD iirer Uffassig nooch in de vergangene Joor vor allem dur d Agenda 2010 und eme Kurs, wo as z vil wirtschaftsliberal empfunde wird, drvo abgruckt isch.

Fuessnote[ändere | Quälltäxt bearbeite]

  1. SPD hat nur noch 438 Mitglieder mehr als die CDU, Saarbrücker Zeitung, 5. Juni 2008
  2. Gesamtübersicht Festsetzung der staatlichen Teilfinanzierung für das Jahr 2010 gemäß §§ 18 ff. PartG, Stand: 21. Januar 2011.
  3. Einführung Grundsatzprogramm
  4. Grundsatzprogramm der Sozialdemokratischen Partei Deutschlands (Memento vom 17. Novämber 2008 im Internet Archive) Volltext des aBerliner Programms (PDF)
Information icon.svg Dä Artikel basiert uff ere fräie Übersetzig vum Artikel „Sozialdemokratische_Partei_Deutschlands“ vu de dütsche Wikipedia.

E Liste vu de Autore un Versione isch do z finde.