Saarland

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Saarland
Flagge des Saarlandes
KarteBerlinBremenBremenHamburgNiedersachsenBayernSaarlandSchleswig-HolsteinSchleswig-HolsteinLand BrandenburgSachsenThüringenSachsen-AnhaltMecklenburg-VorpommernBaden-WürttembergHessenNordrhein-WestfalenRheinland-Pfalz
Iber des Bild

Landeswappen des Saarlandes

Landeshauptstadt Saarbrigge
Flechi 2.569,69 km²
Iiwohnerzahl 994.287 (31. Dezember 2012)
Bevölkerigsdichti 404,2 Iiwohner pro km²
Arbetslosequote 6,0 % (Mai 2018)[1]
Schulde 16,953 Mrd. € (30. Juni 2013)
ISO 3166-2 DE-SL
Kontakt:
Offizielli Websiite: www.saarland.de
Politik:
Ministerpräsident: Annegret Kramp-Karrenbauer (CDU)
Regierendi Parteie: CDU und SPD
Sitzverteilig im Landtag: CDU 19
SPD 18
Die Linke 8
Piraateparei Saarland 4
Bündnis 90/Die Grüene 2
FDP/DPS 0
Letsti Wahl: 25. März 2012
Parlamentarischi Vertretig:
Stimme im Bundesroot: 3
Saarland karte neu.png

S Saarland isch eins vo de 16 Bundesländer vo Dütschland und hät rund 1'054'580 Ywohner uff re Flächi vo 2'568,65 km². D Hauptstadt isch Saarbrücken – im Ortsdialäkt Saarbrigge – und hät knapp 200'000 Ywohner.

Geografy[ändere | Quälltäxt bearbeite]

S Saarland isch im Weste bis Südweste vo Dütschland, umschlosse vo Rhyland-Pfalz. Staate, wo agränze, sin Frankrych und Luxeburg.

De bekanntest Fluss isch d Saar (vo derre chunnt au de Name vom Land und vo de Hauptstadt). Sälle Fluss mündet in d Mosel.

Gschicht[ändere | Quälltäxt bearbeite]

Di erschti menschligi Besydlig isch vor etwa 100'000 Johr gsi.

999 isch Saarbrigge zum erschte Mol in re Schenkigsurkunde an Metz als Sarabruca erwähnt. Spöter hän sich e Hufe chleineri Territorie bildet. Sälli sin insgsamt größer gsi wie s hüttige Saarland. Im Johr 1575 sin si reformiert worre. Ende 17. Johrhundert hät Frankrych ei Provinz us ne gmacht.

E Johrhundert spöter hän d Truppe vom Napoleon d Gegend bsetzt. Noch em Wiener Kongress isch es 1815 an verschydeni anderi Rych cho.

Noch em Erschte Wältchrieg isch es wägem Versailler Vertrag under em Name Saargebiet faktisch a Frankrych cho, formal aber under de Verwaltig vom Völkerbund gstande. Noch re Volksabstimmik 1935 isch es aber zum Dütsche Rych ggange. 1947 hät s no mol zu Frankrych gwechselt.

Am 1. Januar und 6. Juli 1955 wird s Saarland politisch bzw. wirtschaftlig ruckglydert. In de druff folgende Zit hät mer s Saarland an s System vo de BRD abasst. Wäge re Krise hät in de 70er-Johr e Strukturwandel stattgfunde. In de 80er hät sich di wirtschaftligi Situation bi-n-re SPD-Regierig verbessert. 2003 hät mer s sogar als „dynamischsts Bundesland“ bezeichnet, wyl d Entwicklig schneller stattfindet wie in de andere Länder.[2]

Wirtschaft[ändere | Quälltäxt bearbeite]

S Saarland isch 2003 und 2006 als „wirtschaftlig-dynamischstes Bundesland vo Dütschland“ uszeichnet worre. Noch de Krise in de Montanindustry hät s e Strukturwandel ge und s Saarland hät Spitzeplätz kriegt. Bstimmti Branche sin vo de Regierig gfördert worre, usserdem hät s im Bildigswese Reforme ge.[3]

Dialäkt[ändere | Quälltäxt bearbeite]

E eiheitlige Dialäkt git s im Saarland nit. Mer underscheidet einersits Moselfränkisch und Rhyfränkisch. Zwüsche denne beide Dialäkt isch d das-dat-Linie verlaufe, wo hütt aber wäge de Mobilität nümmi genau zeichnet werde cha. Friehner isch si knapp über Saarbrigge quer durch s Land verloffe und mer hät sogar verschydeni Stroßeberych vonenand tränne chönne. Hütt git s ehner drei Sprochlandschafte, d. h. Mosel-, Rhyfränkisch und e Vibrationsruum. Allerdings wird im Oste zum Deil au e westpfälzische Dialäkt gschwätzt. Di beide obe gnännte Dialekt werre glychzitig au z Lothringe näbedra gschwätzt. Drum isch d Bezeichnig Saarbrigger Platt e verbreiteti Bezeichnig.[4]

Dokumäntiert wird d Saarländer Mundart zum einten im Rhynische Wörterbuech und zum andere ganz bsunders dur di vile Publikatione vo der Edith Braun (1921–2016).

Weblink[ändere | Quälltäxt bearbeite]

 Commons: Saarland – Sammlig vo Multimediadateie

Quelle[ändere | Quälltäxt bearbeite]

  1. Arbeitslosenquoten im Mai 2018 – Länder und Kreise. In: statistik.arbeitsagentur.de. Statistik der Bundesagentur für Arbeit. Abgrüeft am 2018-05-30.
  2. http://www.saarland.de/geschichte.htm
  3. http://www.saarland.de/3390.htm (undere Abschnitt)
  4. http://www.saarland.de/11129.htm