Togo

Us der alemannische Wikipedia, der freie Dialäkt-Enzyklopedy
Hops zue: Navigation, Suech
République Togolaise
Republik Togo
Fahne vo Togo
Wappe vo Togo
Fahne Wappe
Wahlspruch: « Travail, liberté, patrie »
frz., „Arbet, Freiheit, Vaterland“
Amtspraach Französisch
Hauptschtadt Lomé
Schtaatsform Republik mit Mehr-Parteie-System
Schtaatsoberhaupt Präsident Faure Gnassingbé
Regierigschef Premierminister Komi Sélom Klassou
Flächi 56.785 km²
Iiwohnerzahl 5.701.579 (Quelle: CIA 2007)
Bevölkerigsdichti 97 Iiwohner pro km²
Bruttoinlandbrodukt 414 US-$ (2005)
Währig CFA-Franc BCEAO
Unabhängigkeit vo Frankriich am 27. April 1960
Nationalhymne Salut à toi, pays de nos aïeux
Zitzone UTC
Kfz-Kennzeiche RT
Internet-TLD .tg
Vorwahl +228
LocationTogo.svg
To-map.png

Togo (dt.: [ˈtoːgo], frz.: [tɔˈgo]) isch ä Staat in Westafrika am Golf vo Guinea und gränzt an Ghana im Weste, Benin im Oste und Burkina Faso im Norde. Bis zum Erste Wältchrieg isch s Gebiet vo Togo ä dütschi, denn ä französischi Kolonii gsi. S Land isch prägt worde vom Präsident Gnassingbé Eyadéma, wo fast 40 Jahre lang autokratisch gregiert het. Noch siim Dod isch si Sohn, dr Faure Gnassingbé, under Missachtig vo der Verfassiog zum neue Präsident ernennt worde. Dr international Druck und d Unruehe im Land hai drzue gfüehrt, ass d Verfassig widr iigsetzt worden isch. D Wahle wo denn cho si, het dr Gnassingbé gwunne, aber d Opposition und au die Europäischi Union hai ihm massive Wahlbetrueg vorgworfe. Tuusigi vo Flüchtling läbe immer no im Usland.

Geografy[ändere | Quälltäxt bearbeite]

Topografy vu Togo

Togo het e Landesflechi vu 56.785 km² un isch fir afrikanisch Verhältnis e Chlaistaat, nume wenig Länder z Afrika hän e noo chlaineri Staatsflechi. S het e langgestreckti, schmali Form mit ere Uusdehnig in Nord-Sid-Richtig vu rund 550 km, in Wescht-Oscht-Richtig aber nume 50 bis 140 km. Vu dr Flechi sin 16 % Wald, 25 % Ackerland un 3,5 % Waidel.

S Land lyt z Weschtafrika bi 8 Grad nerdlger Braiti un 1° 10' eschtliger Lengi. S isch in di fimf Regione Maritime, Plateaux, Centre, Kara un Savanes ufdailt. D Landesgränze het e Lengi vu 1647 km. Dodervu bilde 644 km d Gränze zue Benin, 126 km d Gränze zue Burkina Faso un 877 km d Gränze zue Ghana.

Vu dr palmegsuumte Lagune un Sandstränd vu dr 56 km lange Kischte goot s Ouatchi-Platoo bis in s hecher Dafelland. S Togo-Gebirg, wu mit Wald deckt isch, verlauft im Sidweschte vum Landesinnere no Norde bis uf Benin. In dr nidere Lagen im Norden un Side herrscht e Savanne mit Antilope un Elifante vor.

Dr hegscht Bärg vum Land isch dr Mont Agou mit 986 m Hechi iber em Meeresspiegel. Dr lengscht Fluss isch dr Mono mit rund 400 km Lengi. Är verlauft vu Nord no Sid un isch uf 50 km as Wasserstroß nutzbar.

Klima[ändere | Quälltäxt bearbeite]

Klimadiagramm vu Lomé

S Klima isch ganzjehrig tropisch-fycht mit durschnittlige Tämperature vu 30 °C im Norden un 27 °C an dr Kischten im Side. Znaacht git s nume ne gringi Abchielig. Im Norde herrscht fascht scho Savanneklima. Am haißeschte wird s im Februar un Merz. Im Dezämber un Jänner waait dr Harmattan us em Norde.

Im Norde git s e Rägezyt vu Mai bis Oktober vum weschtafrikanische Monsun, wu sy sterkschti Intensitet im Augschte het. Dää isch mit Midagstämperature vu rund 30 °C au dr chielscht Monet. Dr Jänner isch am druckeschte, d Luftfychtigkait lyt derno bi rund 22 %. Di durschnittlige Tämperature lige derno bi rund 35 °C, im Merz cheme si um dr Midag bis uf ca. 39 °C.

Im Side chunt s zue zwoo Rägezyte, vu April bis Juni un vu Septämber bis Novämber. Di rägerychschte Monet sin dr Juni un dr Oktober. D Luftfychtigkait lyt im Juni bi rund 80 Prozänt. Dr druckescht Monet isch dr Dezämber. Am wermschten isch s im Merz mit Midagstämperaturen um di 32 °C. Dr chielscht Monet isch dr Augschte mit Tämperature vu rund 27 °C.

Literatur[ändere | Quälltäxt bearbeite]

  • Jonas Bakoubayi Billy: Musterkolonie des Rassenstaats: Togo in der kolonialpolitischen Propaganda und Planung Deutschlands 1919-1943,J.H.Röll-Verlag, Dettelbach 2011, ISBN 978-3-89754-377-5.
  • Norbert Ederer: Togo – inklusive Saharadurchquerung, 2. Auflage, M. Velbinger Verlag, Seefeld 2009.
  • Ralph Erbar: Ein „Platz an der Sonne“? Die Verwaltungs- und Wirtschaftsgeschichte der deutschen Kolonie Togo 1884–1914.; Beiträge zur Kolonial- und Überseegeschichte, 51; Stuttgart 1991
  • Rebekka Habermas: Skandal in Togo. Ein Kapitel deutscher Kolonialherrschaft. Fischer, Frankfurt am Main 2016, ISBN 978-3-10-397229-0.
  • Edward Graham Norris: Die Umerziehung des Afrikaners. Togo 1895–1938; München: Trickster, 1993
  • Jürgen Runge: Republik Togo. Geographische Einblicke zwischen dem Golf von Guinea und der Sudanzone in Westafrika. Shaker Verlag, Aachen 2013, ISBN 978-3-8440-1709-0.
  • Peter Sebald: Togo 1884–1914. Eine Geschichte der deutschen „Musterkolonie“ auf der Grundlage amtlicher Quellen. Akademie-Verlag, Berlin, 1988. ISBN 3-05-000248-4.
  • Peter Sebald: Die deutsche Togo 1884–1914. Auswirkungen einer Fremdherrschaft. C.H. Links Verlag, Berlin, 2013. ISBN 978-3-86153-693-2.
  • Kleiner Deutscher Kolonialatlas, in 3.Auflage hrsg. von der Deutschen Kolonialgesellschaft im Verlag Dietrich Reimer(Ernst Vohsen), Berlin 1899, mit Bemerkungen zu den Karten (Beschreibung der Kolonialgebiete). Ausgabe 2002 der Verlagsgruppe Weltbild GmbH in Augsburg, ISBN 3-8289-0526-9.
  • Deutsches Kolonial-Lexikon, hrsg. von Heinrich Schnee, Quelle & Meyer, Leipzig 1920; S. 522–526. Online

Weblingg[ändere | Quälltäxt bearbeite]