Tuurne BE

S BE im Lemma isch s offiziell Chürzel vom Kanton Bärn und wird bruucht, zum Verwächslige mit Yträäg vom Name Thurnen vermyde, wo öppis anders meined.

Thurnen
Wappe vo Thurnen
Basisdate
Staat:	Schwiiz
Kanton:	Bärn (BE)
Verwautigschreis:	Bärn-Mittulandw
BFS-Nr.:	i1f2
Poschtleitzahl:	3127 Lohnstorf 3127 Mühlethurnen 3128 Kirchenthurnen
Koordinate:	605256 / 18475046.8138827.507505573
Höchi:	573 m ü. M.
Flächi:	6,0 km²
Website:	www.thurnen.ch
de Bahnhof Tuurne mit eme Zug vor BLS und eme Poschtouto de Bahnhof Tuurne mit eme Zug vor BLS und eme Poschtouto
Charte
Charte vo Thurnen w

Tuurne (amtlech Thurnen) isch e Ywonergmeind im Verwautigschreis Bärn-Mittuland vom Kanton Bärn ir Schwiz.

Geografii

Tuurne ligt im mittlere Gürbetau, dört, wos uf Riggisbäärg uechi geit. Nachbergmeinde si (im Weschte aagfange u denn im Uhrzeigersinn desume); Riggisbäärg, Rümmlige, Chuiterf u ganz im Süüde no Burgistei, wa scho zum Verwautigskreis Thun ghört.

Geschicht

Uf en 1. Jänner 2020 hei di bishärige Ywonergmeinde Chiuchetuurne, Looschterf u Mületurne zur neue Gmeind mit em Name Thurnen fusioniert. Dä Name het Chiuchetuurne bis 1860 treit u bi Mületurne isch er im Name drinne. S Wappe vor Gmeind het de Chiuchetuurm vo Chiuchetuurne drinne, wo scho i de aute Wappe vo Chiuchetuurne und vo Mületurne drinne gsii isch. S Müliraad us em Wappe vo Mületurne chunnt chli angersch gstauted unge drahäre. Us em Wappe vo Looschterf isch de Taler, wo i de ungere Mitti vom neue Wappe platziert wird.

Bevölkerig

D Bewohner vor Gmeind si mehrheitlech evangelisch-reformiert, nume weni si römisch-katholisch. Di reformierti Chilegmeind, wo scho lenger Thurnen heesst, betröit näbe de drei Dörfer vo Tuurne ou no die Glöibige us Choufderf, Rümmlige u Burgistei.

Sprach u Dialäkt

De Dialäkt vo Tuurne ghört zum Hochalemannisch.

Politik

De erscht Gmeindspresidänt vo Tuurne isch de Christian Kneubühl (SVP). Er isch de bishärig Gmeindspresidänt vo Mületurne gsi. D Gmeindspresidäntinne vo de beede angerne Gmeinde, d Dora Haslebacher (parteilos) vo Looschterf u d Barbara Zürcher (parteilos) vo Chiuchetuurne, wärde de bishärig Gmeindrat vo Mületurne ergänze. Ab em Jahr 2022 wirds z Tuurne de wider e neue, sibechöpfige Gmeindrat gää.

Vercheer u Wirtschaft

Z Mületurne gits sit 1920 e Bahnhof ar Gürbetalbahn, wo äbefaus Thurnen heesst. Vo hie fahrt es Poschtouto uf Riggisbäärg. Näben em Bahnhof steit e Landi, di auti Mühli u d Fabrigg, wo Surchrut macht.

Weblink

 Commons: Thurnen – Sammlig vo Multimediadateie

• d Website vo Tuurne