BLS AG

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D' BLS AG isch di grööscht Privatbahn vu d'r Schwiiz. „BLS“ isch d' Abchürzig vu Bern-Lötschberg-Simplon-Bahn, ä Bezäichnig wu hützutags nüm bruucht wird. Vill meh redt mer vu d'r BLS Lötschbärgbahn.

D'r Buu[ändere | Quälltäxt bearbeite]

Dur dä Lötschberg füehrt nämlich sit de Zwänzgerjahr ä Ysebahn-Hauptachse mit internaziunalem Verchehr. Si isch dazmaal als eleggtrischi Bahn buut wordä. D' Höhedifferänze het mer mit wänige Chehrtunnel im Bärner Oberland überwunde.

D' Vorgängerbahne[ändere | Quälltäxt bearbeite]

Im Lauf vum 20. Jahrhundert hend verschideni normalspurigi Privatbahne fusiuniert, ass di hüttig BLS AG entstande-nischt. D' Ämmital-Burdgorf-Thun-Bahn, d' Solothurn-Muttiee-Bahn und di Veräinigte Huttwil-Bahne händ villi Jahr zämmegschpannt und au s' Rollmaterial mitenand täilt. Speeter sind's all under eim Name üüfträtte - Regionalverchehr Mittelland. Im Jahr 2007 isch d' Fusiuu mit d'r BLS Lötschbergbahn perfäkt gsii.

Farbe[ändere | Quälltäxt bearbeite]

Äs Kapitel für sich sind d Huusfarbe vu dr BLS. D Regiunalzüüg wu em Regionalverchehr Mittelland gchört händ, sind langiszyt rot ahgstriche gsii. Im Betriib sind immer nuch d Ae 4/4 und d Re 4/4 in bruuner Farb, wie früener jedi Loggi bi dr BLS gsi isch. Di tannegrüene Personä-, Gepäck- und Poschtwäge sind wi bi dr SBB Vergangähäit. Di modärne Personäwäge sind blau-wiiss worde, we di modärni Loggi BLS Re 465. Zum Dunggelblau isch äs Hellgrüen biigfüegt worde. I dem Dissein erschiined hüt sämtlichi Nahverchehrszüg, dr ehemalig Städteschnällzug und d Re 4/4 II, wu d BLS dr SBB abgchauft het.

Autoverlaad[ändere | Quälltäxt bearbeite]

Zwüsched Chanderstäg im Bärner Oberland und Goppestei im Wallis gits en Autoverlaad dür de Lötschbergtunnel.

Jubiläum[ändere | Quälltäxt bearbeite]

Im Jahr 2013 het d BLS AG ihres 100 Jährigi Jubiläum gfiret.