Landkreis Böblingen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappa Deitschlandkart
Wappa vom Landkreis Böblingen Deutschlandkarte, Position vom Landkreis Böblingen hervorgehoben48.6822222222229.0097222222222Koordinaten: 48° 41′ N, 9° 1′ O
Basisdata
Bundesland: Bade-Wirttebärg
Regierongsbezirk: Stuttgart
Region: Stuttgart
Verwaltongssitz: Böblingen
Eiwohner:

381.281 (31. Dez. 2015)[1]

Kfz-Kennzoeche: BB, LEO
Greisschlissel: 08 1 15
Kreisgliderong: 26 Gmoena
Adress vo dr
Kreisverwaltong:
Parkstraße 16
71034 Böblingen
Webpräsenz: www.lrabb.de
Landrat: Roland Bernhard (barteilos)
Lag vom Landkreis Böblingen en Baden-Württemberg
Karte


Dialäkt: Mittelschwäbisch

Dor Landgraes Beblenga (ao Bebleng) isch a Landgraes en Bada-Wirrdabärg. Är ghaerd zo dor Regio Stuagert im Regierongsbezirk Stuagert ond håd ogfär 385.000 Aewonor.

Dor Graes Bebleng isch där mit de zwåedmaesde Nåchborgraes en Bada-Wirddabärg. Saene Nåchbor send em Urzaegor nåch: Em Norda dor Landgraes Ludigsburg, im Oschda d Landeshaobdsdadd Stuagert ond dor Landgraes Essleng, em Sidoschda dor Landgraes Reidleng, em Sida dor Landgraes Dibeng, im Wäschda dor Landchrais Calb ond em Nordwäschda dor Enzgraes.

s Landrotsamt z Beblenga
s Werk Sendlfenga vo Daimler-Benz (2005)

Allgemaene Informaziona[ändere | Quälltäxt bearbeite]

Zendrom vom Graes isch Beblenga-Sendlfenga, en dor geografischa Mitte gläaga. Dia båede Sdedd send scho lengor eng zsẽmabaud ond hend zsẽma a bissle mae wia 100.000 Aewonor (Bebleng 46.000 und Sendlfeng 60.000). Se send aber poliddisch båede sälbsdendich. Weidore Zendra send Härrabarg em Sida ond Leobärg em Norda. D Aewonorzahl vom Landgraes weggsd scho lengor sbirbar durch dor allgemaene Zuazug en-d Regio Sduagord. Bsondors sdarg isch därzeid dor Sidlongsdrugg en dor sidlicha Hälfde vom Landgraes.

Dor Landgraes Beblenga isch haoch indusdrialisird. En Sendlfenga leid on graosor Sdandord vo dor Wäldfirma Daimler-Benz mid ibor 30.00 Arbeidsblätz. Edd weniche weidore Global Player send äbafalls vordrädda, wia zom Beisbil Hewlett-Packard, odor IBM mid glei mehrore Sdandord em Graes. Älles dees fird zor-a ibordurchschniddlich guada Kaofkrafd vo dor Bevelkorong.

Geografische Sacha[ändere | Quälltäxt bearbeite]

D Haobdlandschafda vom Graes Beblenga send em wäsdlicha Dåel s Obere Gae (frijor d Kornkammor vo Wirddabärg) ond s Heggagae (bis an dor Schwarzwald nã). Em Sida håd dor Graes on Ãdåel am Naturpark Scheebuach. En dor Midde ond em Norda vom Landgraes isch d Landschafd leichd wällich, mit offene Flechena ond mid a bissle Wald. S isch aber edd zomm iborsäa, dass grad en dor Midde ond em Norda schon viil Flechena iborbaud send. D haechsda Sdell em Graes isch dor Kialabärg bei Oborjeddeng mid 626 m ibor NHN, d nidrichsda Sdell mid 315 m ibor NHN leid då, må d Glems em Norda vom Graes nausfliasd.

Vorkehr[ändere | Quälltäxt bearbeite]

Middla durch Beblenga-Sendlfenga durch gåd d Audobã A81 von Sduagord nåch Singen, "Bodaseeaudobã" ghåesa. S geid Iborlegonga, se zom ibordeggla, wäagem Lärm ond wäage de Abgas. Dor effendliche Nahvorkehr isch sehr guad ausbaud. Mid dor S-Bã S1 ond mid dor Gaebã geid-s a diräggda Vorbendong ens Zendrom vo Sduagord nae ond mid dor S60 a zwåeda Vorbendong vo Beblenga nåch Sdaogord ibor Sendlfenga ond Leobärg. Weidors vorbended d Scheebuach-Bã eddliche graose Flägga mid Beblenga.

Aus dor Gschiichd[ändere | Quälltäxt bearbeite]

Bis uff Weil dor Sdadd send älle Sdedd ond Flägga endwedor altwirddabärgisch odor zmendesd ondor wirddabägischor Oborhohaed gwäa. D ledsda graosa Endorong håd-s mid dor Graesreform vo 1973 gäa. Dåmåls send ogfär zwåe Driddl vom uffglesda Landgraes Leobärg ond eddliche Oenzlgmaendena vo andore Graes zomm Landgraes Beblenga komma. Härrabärg mid saem Bereich isch schon anna 1938 zomm Graes Beblenga komma gwäa.

Schded und Gmaendena[ändere | Quälltäxt bearbeite]

Zomm Landgraes Beeblenga gaered nae Schdedd ond sibbzäa Gmaendena.

Schded (Aewonor zomm 31. Dezember 2015)

  1. Bebleng (48.696)
  2. Haerabärg (31.003)
  3. Holzgärleng (12.635)
  4. Leabärg (47.219)
  5. Rẽnnenga (17.107)
  6. Ruedemsa (10.624)
  7. Sẽndelfeng (63.971)
  8. Waldabuach (8590)
  9. Weil dor Schdadd (18.652)

Verwaldongsgmaenschafda bzw. Gmaendevorwaldongsvorbend.

  1. Gmaendevorwaldongsvorband „Aedleng-Grafenao“ z Aedleng mid Aidleng ond Grafenao
  2. Gmaendevorwaldongsvorband „Gärdreng-Ẽhneng“ z Gärdreng mid Gärdreng ond Ẽhneng
  3. Verwaldongsgmaenschafd Haerebärg mid Härrabärg, Deggapfronn ond Nufreng
  4. Gmaendevorwaldongsvorband „Holzgärleng“ mid Holzgärleng, Aldorf ond Hildrizhausa
  5. Gmaendevorwaldongsvorband „Obors Gae“ z Gaefelda mid Gaefälda, Bodorf, Jeddeng ond Metzenga
  6. Gmaendevorwaldongsvorband „Waldabuach-Schdoenabronn“ z Waldabuach mit Waldabuach ond Schdoenabronn

Gmaendena (Aewonor zomm 31. Dezember 2015)

  1. Aedleng (8843)
  2. Aldorf (4651)
  3. Bõõdorf (5854)
  4. Deggapfrõnn (3306)
  5. Ẽhneng (8694)
  6. Gärdreng (11.882)
  7. Gaefälda (9231)
  8. Grafenao (6735)
  9. Hildrizhausa (3645)
  10. Ìadenga (7654)
  11. Moogschded (9323)
  12. Metzenga (3608)
  13. Nufreng (5503)
  14. Schẽnnoech (10.083)
  15. Schdõẽnebrõnn (6466)
  16. Weil (9816)
  17. Weissich (7490)

Literatur[ändere | Quälltäxt bearbeite]

  • Das Land Baden-Württemberg – Amtliche Beschreibung nach Kreisen und Gemeinden (in acht Bänden); Hrsg. von der Landesarchivdirektion Baden-Württemberg; Band III: Regierungsbezirk Stuttgart – Regionalverband Mittlerer Neckar, Stuttgart 1978, ISBN 3-17-004758-2.
  • Der Kreis Böblingen in der Reihe Heimat und Arbeit des Konrad Theiss Verlags, Stuttgart, 1983, Herausgeber: Landrat Reiner Heeb. ISBN 3-8062-0275-3.
  • Hans-Dieter Musch (Text) Manfred Grohe (Fotos): Schönbuch und Gäu, Konrad Theiss Verlag, Stuttgart, 1976. ISBN 3-8062-0148-X.
  • Die Naturschutzgebiete im Regierungsbezirk Stuttgart. Hrsg. von Reinhard Wolf. Jan Thorbecke Verlag, Stuttgart 2002. ISBN 3-7995-5173-5
  • Hans Jänichen: Ortsnamenbuch des Landkreises Böblingen. W.Kohlhammer, Stuttgart 1978 (Veröffentlichungen der Kommission für geschichtliche Landeskunde in Baden-Württemberg, Reihe B: Forschungen 94)

Weblink[ändere | Quälltäxt bearbeite]

 Commons: Landgraes Beblenga – Sammlig vo Multimediadateie

Fuaßnota[ändere | Quälltäxt bearbeite]

  1. Alle politisch selbständigen Gemeinden mit ausgewählten Merkmalen am 30.09.2016 (3. Quartal 2016) (XLS-Datei, 4,86 MB)