Öschige

Wappe	Dütschlandcharte
	47.6636111111118.3688888888889393
Basisdate
Bundesland:	Bade-Württebärg
Regierigsbezirk:	Fryburg
Landchreis:	Waldshuet
Höchi:	393 m ü. NHN
Flächi:	26,5 km²
Iiwohner:	6766 (31. Dez. 2022)
Bevölkerigsdichti:	256 Iiwohner je km²
Poschtleitzahl:	79793
Vorwahl:	07746
Kfz-Chennzeiche:	WT
Gmeischlüssel:	08 3 37 123
Adress vo dr Gmeiverwaltig:	Kirchstraße 5 79793 Öschige
Webpräsenz:	www.wutoeschingen.de
Burgermeischter:	Georg Eble
Lag vo dr Gmei Öschige im Landchreis Waldshuet
Karte

Dialäkt: Markgräflerisch (Lörrach)

Luftbild vo Öschige vom 31. Jänner 2015

Öschige (dt. Wutöschingen) isch e Gmeind im Landchreis Waldshüet.

Geografy

Lag

Öschige litt am südöstlige Rand vom Schwarzwald zwüsche 365 und 583 Meter über em Meer. D Chreisstadt Waldshüet-Düenge isch numme e baar Kilometer devo eweg. Im Oste gränzt Öschige an de Chleggi (Schaffuse, Schwiz). De Verchehr vo de ganze Region verlauft hauptsächlig em Wütachdal entlang, wo noch Südsüdweste zum Rhy ane fließt. Im Dal liige d Ortschafte, Obschtwyse und Gwärbfläche; de Astyg zu de höchere Fläche mit Fälder, einzelne Höf und Wälder isch steil.

Nochbergmeinde sin Egginge im Norde, Chlettgau im Oste, Lauchringe im Süde und Waldshüet-Düenge und Üehlige-Birkedorf im Weste.

Gmeindeglyderig

Im Gmeindegebiet liige di ehemolige Gmeinde Dègèrnau, Horrè, Ofteringè un Schwerzè. Es ghöred insgsamt 15 Dörfer, Wyler, Zinkè, Hööf un Hüser dezüè.

Zu de ehemolige Gmeind Degernau ghöre s glychnamig Dorf, s Ghöft Vogelhof/Vogelhöf und s Hus Schattemiehli. Zu de ehemolige Gmeind Horrè ghöre s glychnamig Dorf, de Zinke Höf (Horrèer Höf) und d Höf Hölzlihöf (Linsebodehof) und Löchlihof (Hofgüet Dörneck). Zu de ehemolige Gmeind Ofterige ghöre s glychnamig Dorf und s Hus Rewedal (Reuedal). Zu de ehemolige Gmeind Schwerze ghöre s glychnamig Dorf und s Dorf Willmendige und s Ghöft Bohlhof. Zu de Gmeind Öschige mit de Gränze vor de Gmeindereform (1. Januar 1975) ghöre s glychnamig Dorf, d Sydlig Silberwyse und d'Hüser Wohnhäuser an der Bundesstraße.

Gschicht

S Großsteigrab z Öschige

Zämme mit em Umland vom Hochrhy und em Chlettgau isch au s under Wüetachdal scho frieh besydelt worre. Säll isch am günschtige Chlima gläge. D Sydler hän an de Stroß zwüsche Dägernau und Erzige e Großsteigrab hinderlo.

Di hüttigi Gmeind Öschige isch am 1. Januar 1975 durch d Gmeindereform enstande; sällemols sin d Gmeinde Öschige, Horrè und Schwerze zämmeglegt worre. Ygmeindige hät s am 1. Januar 1971 (Ofterige) und am 1. Januar 1975 (Dägernau) gee.

Wappe

Uff em Wappe siht vor me goldige Hindergrund e Mihlerad mit fümf Speiche; drunder isch e hällblaue Fluss. Sälli Objäkt verwyse uff d Wüetach, d Mihle, wo s friehner vyli devo gee hät, und d fümf Deilgmeinde.

D Wappe vo de ehemolige Gmeinde

• 
  Dägernau
• 
  Horrè
• 
  Ofterige
• 
  Schwerze
• 
  Öschige (alt)

Wahle

Ergebnis vo dr Landdagswahle sit 2006:

Johr	CDU	SPD	FDP	Griene	Linke1	AfD	Sonschtige
2016	34,1 %	10,2 %	7,5 %	31 %	1,9 %	11,8 %	3,5 %
2011	48,8 %	21,9 %	4,1 %	18,5 %	2 %		4,7 %
2006	52,1 %	21,1 %	10,6 %	5,1 %	2,2 %		8,9 %

¹ 2006: WASG, sit 2011: Die Linke

Wirtschaft

Z Öschige hät d Aluminiumindusty im Hochrhygebiet agfange: do isch 1902 s Aluminiumwalzwärk gründet worre. Hütt werre vom "Härz vo de Aluminiumregion" diversi Aluminiumbrodukt in di ganzi Wält exportiert.

Verchehr

Öschige litt an de Wüetachdalbahn vo Waldshüet uff Immedinge. Im Momänt goht dört aber numme de Glägeheitsverchehr ane, wo als Aschluss an d Museumsbahn vo de Wüetachdalbahn ab Weize diene.

Sehenswürdigkaite

• Schloss Willmendinge, im Dorf Willmendinge bi Schwerze

Weblink

 Commons: Wutöschingen – Sammlig vo Multimediadateie

• www.wutoeschingen.de – Uffdritt im Netz

Fueßnote

Dä Artikel basiert uff ere fräie Übersetzig vum Artikel „Wutöschingen“ vu de dütsche Wikipedia. E Liste vu de Autore un Versione isch do z finde.