Oftringè

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
47.6786111111118.3772222222222401Koordinaten: 47° 40′ 43″ N, 8° 22′ 38″ O
Oftringè
Gmeind Öschingè
Wappè vo Oftringè vor dè Ygmeindung
Höhe: 401 m
Iiwooner: 319 (29. Feb. 2012)
Iigmäindig: 1. Januar 1971
Postleitzahl: 79793
Vorwahl: 07746


S Dorf Oftringè isch dè chlynschte Ortsdeil vo dè Gmeind Öschingè mit 329 Ywooner (Stand: 30. Juni 2011[1]) im Landchreis Waldshuèt z Baddè-Wrttèbärg.

Geography[ändere | Quälltäxt bearbeite]

Geographischi Laag[ändere | Quälltäxt bearbeite]

Dè Ort Oftringè lyt a dè Südgränz vo dè Dütschland, uumittelbar a dè dütsch-schwizer Gränz. D Oftringèr Gmarkung gränzt ganz im Oschtè a d Gmarkung vo dè Chläggi-Gmeind Traadingè aa, selli lyt im südweschtlichschtè Zipfel vum Kanton Schaffhuusè. Oftringè lyt am öschtlichè Rand vum Südschwarzwald, sebbè wörd widderum vom Dal vo dè Wuètè begränzt, a sellèrè irè rächtè, geg dè Schwarzaald zeigendè Haaldè lyt s Dorf Oftringè. Diè rächt Wuètèhaaldè wörd immer widder abwechselnd vu Bärgvorschprüng un dezwüschè ligendè Buchtè gliderèt, Oftringè lyt wiè alli andrè Ortschaftè a dè rächtè Wuètèhaaldè (Horrè, Eggingè, Äbberfingè un Stüèlingè) in èrè Ybuchtung zwüschè èm Oftinger Horn im chlynè Wuètèknǜè bi Dègernau un èm Hörnle südlich vo Untereggingè. Nõchbôrort vo Oftringè sin wuètèabsi Degèrnau a dè linkè Haaldè, unterhalb vum Wuètèknǜè ooni Sichtkontagt d Gmeindehauptort Öschingè, wuètèobsi s Dorf Oftringè. Im Chleggau öschtlich übber diè link Wuètèhaaldè durrè lyt Traadingè un dè südbaddischè Gränzort Ärzingè. Im nächschtè Dal im Weschtè lyt Untermettingè im Steinadal.

Gliderig[ändere | Quälltäxt bearbeite]

Zuè Oftringè ghört s Dorf Oftringè a dè rächtè Wuètèhaaldè un dè Wohnplatz Rewèdal (Reuèdal)[2] a dè rächtè Wuètèhaaldè.

Gschichtè[ändere | Quälltäxt bearbeite]

Èrschti Erwäänung vo dè Hèrrè vo Oftringè isch im Johr 1240 gsi. D Ygliderung i d Gmeind Öschingè hèt am 1. Januar 1971 stattgfundè.

Ynwoonerentwicklig[ändere | Quälltäxt bearbeite]

Hüt zellt Oftringè öppè 330 Ywooner. Dõmit isch Oftringè dè mit Abschtand chlynschte Ortsdeil vo Öschingè, zmòl s Nõchbôrdorf Degèrnau hützdags hart a dè 1000-Ywooner-Markè chratzt, diè Ortsdeil Horrè un Schwerzè südlich vo Öschingè hèn selli Markè schu längscht übberschprungè. D gringi Ywoonerzahl dürft au dõ dra ligè, dass Oftringè im Schattè vo dè uffschtrebendè Ortschaftè Öschingè dalabsi un Eggingè dalobsi lyt.

Wappè[ändere | Quälltäxt bearbeite]

S Wappè vo dè ehemòls sèlbschtändigè Gmeind Oftringè zeigt drei (2:1) ligendi silberni Mondsichlè uff rotem Grund. Si sin d Zeichè vo dè Familliè Oftringer.

Kultur un Sehenswürdigkeitè[ändere | Quälltäxt bearbeite]

Bauwärch[ändere | Quälltäxt bearbeite]

Kloschter Marièburg
Klosterschüer
Rõthuus
Aalts Schuèlhuus
  • S markanteschte Gebäude z Oftringè isch s Oftinger Schloss. S bildèt s Hauptgebäude vum 1862 gründetè Kloschter Marièburg. Zuè sellèm Zitpungt sin schu d Kloschtergebäude gschtandè. Diè neu Kapellè isch im Johr 1741, d Kloschterschüèr 1713 durch dè Abt Gerold Zurlaubè (Abt vo 1697-1735) s Kloschter Rhynau als Zehntschüèr baut worrè. Um 1870 isch si vum jetzigè Kloschter kauft worrè. Sit èm Umbau 1988 wörd si für kulturelli Voaaschtaltungè vowendèt, weg dè Grössi hèt si sich vo allèm als Chlykunschtbünni regional èn Nammè gmacht.
  • Ußerdèmm stôn z Oftringè d Reuèthaler Mülli, s Rõthuus un s Schuèlhuus. D Mülli isch übber èn Zuèfaartswäg, wo unter dè B 314 un dè Wuètèdalbaan durrè gòt sowiè èn Fuèßgängerbrüggle übber d Wuètè vom Dorf hèr erreichbar.

Vorein[ändere | Quälltäxt bearbeite]

Z Oftringè git s no dè 1913 gründete Radschportvorein „Frisch Auf“ Oftringè (churz: RSV), sell isch è bsunderi Art vo Vorein, wo s im Wuètèdal suscht nu nò z Grimmelshoffè git un dè Männergsangvorein (churz: MGV). Spezièll isch z Oftringè selber kein Blõsmusigvorein git, sell isch für Dörfer im Chreis Waldshuèt ab 200 Ywooner uffwärts braktisch obligatorisch. Blõsmusiger hèn abber d Möglichkeit, im nu 2 km entfèrntè Dorf Degèrnau in èm Orcheschter z musizyrè.

Wǜrtschaft un Infraschtruktur[ändere | Quälltäxt bearbeite]

Bildig[ändere | Quälltäxt bearbeite]

Oftringè hèt kein Schuèl mee. Grundschüèler gön i dè Regèl i d Grund- un Hauptschuèl z Öschingè bzw. i d Ußèschtell z Degèrnau. Als witerfüürendi Schuèlè stôn im Umchreis s Chleggau-Gǜmnasium z Dǜèngè, d Realschuèlè z Dǜèngè un Stüèlingè, sowiè d Gmeinschaftsschuèl z Öschingè zur Vofüègig. Ußerdèmm git s voschideni Berufsschuèlè i dè Stadt Waldshuèt.

Vokeer[ändere | Quälltäxt bearbeite]

Dè ehemõlige Baanhof Oftringè isch 1981 abgrissè worrè. Grund defür isch dè Bau Ofteringer Ortsumfaarig im Lauf vo dè Bundesstraße 314. Durch d Dalschtrǒß B 314 hèt Oftringè è guèti Aabindig innerhalb vum Wuètèdal. I dè Regel vokeerèd stündlich, sunntigs mèngmòl au zweischtündlich Büs vo dè Linniè 7338, wärchtigs oft au in èm dichterè Tagt. Zuèdèmm git s è Landschtrõß vom Dorfzèntrum a dè rächtè Haaldè s Loch uè, am Kloschter vorby bis uff dè Oftringer Bärg uè, wo i s Steinadal uff Mettingè durrè gòt. Ebbèso git è Strôßli vo dè Reuètaler Mülli s Reuèdal deruff bis zum Vogelhof mit Aaschluß a d Vobindigsschtrõß Degèrnau-Ärzingè, wo bi Yheimischè gèrn bruucht wörd, um dè Degèrnauer Stich z umgò. Autobaanaaschluss isch z Oftringè ehnder è druurigs Thema, dè bescht Aaschluss a s Autobaannetz z Dütschland isch Aaschlussschtell Donaueschingè odder Geisingè a dè A 81.

È Zugaabindig isch sit dè Stilllegig 1971 vo dè Unterè Sauschwänzlebahn nit vorhandè. Sunntigs im Summer vokeerèd uff dè barallel zuè dè Bundesstrõß ligendè Baanschtreggi Zuèbringer zu dè Sauschwänzlebahn, dè sognannte Wizä-Pendel. Im Johr 2015 hèt s èn Pilotvosuèch gää, dè Schüèlervokeer widder mit Züg statt mit èm Schinnè-Ersatzvokeer in Form vo dè SBG-Büs z bewältigè. Dè Schüèlerzug a Oftringè vorbei bis Eggingè un retour bis Lauchringè vokeert. Oftringè lyt am Wuètèdalradwäg (bi dè Reuètaler Mülli), wellè Oftringè mit dè umligendè Dörfer un Städt im Mittlerè un Unterè Wuètèdal vobindet.

Nägschtgelegenè Flughaffè isch vo Oftringè uus z Chlotè in èrè Entfernung vo guèt 50 Kilometer. Dè nägschte dütsche Flughaffè isch z Stuègètt.

Läbbensmittel un Gaschtronomy[ändere | Quälltäxt bearbeite]

Z Ofteringè sèlber git s kei Ykaufsmöglichkeitè. Im nächerè Umfäld git s è baar Läddè bi dè Silberwisè z Öschingè für d Grundvosorgig, Chlyzentrè i dè Umgebig sin Öschingè, Ärzingè un Stüèlingè. S nögschtligendè Mittelzèntrum isch Düèngè odder Waldshuèt, Obberzèntrum isch z Fryburg. Z Oftringè git s zwei Gaschthüser. Zum eintP s Gaschthuus Adler am Nordrand vum Dorf sowiè d Reuèdaler Mülli gegèübber vum Dorf am linkè Dalrand ennèt dè Wuètè.

Einzelnõchwys[ändere | Quälltäxt bearbeite]

  1. Einwohnerzahlen. In: Amtsblatt vo dè Gmeind ÖschingÈ, 28/2011 (PDF; 702 kB), vom 14. Juli 2011, S. 2.
  2. Vgl. Verwaltungsraum Wutöschingen. In: Das Land Baden-Württemberg. Amtlichi Beschrybung nõch Chreisè un Gmeindè. Band VI: Regyrigsbezirk Fryburg. hrsg. von d. Landesarchivdirèktion Baddè-Württèbärg, Volaag W. Kohlhammer, Stuègètt 1982, ISBN 3-17-007174-2. S. 1046–1049.

Literadur[ändere | Quälltäxt bearbeite]

  • Wutöschingen - einst und heute, Das Lesebuch: Degernau, Horheim, Ofteringen, Schwerzen, Wutöschingen. Gemeinde Wutöschingen (Hrsg.), 2006.

Weblinggs[ändere | Quälltäxt bearbeite]

 Commons: Ofteringen – Sammlig vo Multimediadateie


Information icon.svg Dä Artikel basiert uff ere fräie Übersetzig vum Artikel „Ofteringen“ vu de dütsche Wikipedia.

E Liste vu de Autore un Versione isch do z finde.