Erzbischtum Fryybeg

	Karte
Basisdate
Staat	Dytschland
Chilcheprovinz	Fryybeg
Diözesanbischof	Stephan Burger
Wejbischof	Bernd Uhl; Michael Gerber
Emeritierte Diözesanbischof	Robert Zollitsch
Emeritierte Wejbischof	Paul Wehrle; Rainer Klug
Generalvikar	Axel Mehlmann
Flechi	16.229 km²
Vikariat	7 (31. Dezember 2012 / AP2014)
Dekanat	26 (31. Dezember 2012 / AP2014)
Pfaareje	1.057 (31. Dezember 2015)
Yywohner	4.735.970 (31. Dezember 2012 / AP2014)
Katholike	1.897.555 (31. Dezember 2015)
Aadeil	40,1 %
Diözesanprieschter	900 (31. Dezember 2012 / AP2014)
Ordensprieschter	107 (31. Dezember 2012 / AP2014)
Ständigi Diakon	246 (31. Dezember 2012 / AP2014)
Katholiken je Priester	1.884
Ordensbrieder	187 (31. Dezember 2012 / AP2014)
Ordensschweschtere	1.497 (31. Dezember 2012 / AP2014)
Ritus	Römischer Ritus
Liturgiisproch	Dytsch
Kathedrale	Fryybeger Minschter
Aaschrift	Schoferstraße 2; 79098 Freiburg im Breisgau
Internetufftritt	www.erzbistum-freiburg.de
Suffraganbischtimer	Mainz; Rauteburg-Stuegert
	Kirchenprovinz

S Erzbischtum Fryybeg im Bryysgau (dt. Erzbistum Freiburg im Breisgau, lat. Archidioecesis Friburgensis) isch e Diözes z Bade-Wirttebärg un umfasst di friejere Länder Bade, Hochezollere-Sigmaringe un Hochezollere-Hechinge. S Erzbischtum Fryybeg wird vun eme Erzbischof gleitet, wu au Metropolit vu dr Oberryynische Chilcheprovinz mit dr beide Suffraganbischtimern Mainz un Rauteburg-Stuegert isch. Erzbischof isch syt 2014 dr Stephan Burger. S Erzbischtum Fryybeg isch mit 1.897.555 Katholike (Stand: 31. Dezämber 2015) im Diözesangebiet s zweitgrescht Bischtum z Dytschland.

Gschicht[ändere | Quälltäxt bearbeite]

S Erzbischtum Fryybeg isch anne 1821 us em Bischtum Konschtanz un Deil vu dr Bischtimer Mainz, Stroßbeg, Worms un Würzburg grindet wore (Zirkumskriptionsbulle Provida solersque). S Fryybeger Minschter, wu bis dert e eifach Stadtpfaarchilche gsi isch, isch zuen ere Metropolitanchilche ghobe wore. Im Johr 1827 het dr bishärig Fryybeger Minschterpfaarer Bernhard Boll, wu dervor in dr Fryybeger Universitetschilche zum Bischof gwejt woren isch, s Fryybeger Minschter in Bsitz gnuu un isch dr erscht Erzbischof vu Fryybeg wore. Im neje Erzbischtum sin d Bischtimer Mainz, Fulda, Rauteburg un Limburg as Suffraganbischtimer zuegordnet wore. Im Zug vum Preußekonkordat vu anne 1929 sin s Bischtum Limburg dr Chilcheprovinz Köln un s Bischtum Fulda dr Chilcheprovinz Paderborn zuegordnet wore. Noch em Dod vum Erzbischof Boll am 16. März 1836 isch, noch ere nyynmonetige Vakanz, dr Ignaz Demeter am 29. Jänner 1837 dr zwet Erzbischof vu Fryybeg wore. In dr Amtszyt vum Demeter het s e Hufe Uusenandersetzige mit eme Großherzogtum Bade gee un Erger innerhalb vum Fryybeger Diözesanklerus. Dr Demeter isch noch fimf Johr im Amt gstorbe, am 21. März 1842. Am 26. März 1843 isch dr vorig Fryybeger Wejbischof Hermann von Vicari dr dritt Erzbischof vu Fryybeg wore. In syre Amtszyt het s di Badisch Revolution gee un wyteri chilcherächtligi Usenandersetzige mit em Großherzogtum Bade. Im Alter vu 94 Johr isch dr Vicari am 14. April 1868 im Amt gstorbe. Wäg em Badische Kulturkampf isch dr Stuel vum Fryybeger Erzbischof bis 1886 nit bsetzt gsi.

S Verhältnis vum Bischtum zum Staat, d Bsetzig vum Bischofsstuel un d Zämmesetzig vum Domkapitel sin im Badische Konkordat vu 1932 greglet wore, wu bis hit giltet.

E Chilchestärbe wie in andre Gebiet vu Dytschland git s im hitige Erzbischtum Fryybeg nit. S Glych giltet au fir s Fusioniere vu Pfaareije, wu aber fir s Johr Jahr 2015 plant sin. Fir d Erzdiözes Fryybeg giltet bis hite s Konzäpt vu dr Seelsorgeeinheite.

Am 1. Novämber 2005 het dr Erzbischof Robert Zollitsch zem erschte Mol in dr Gschicht vu dr Erzdiözes „Pastorali Leitlinie“ in Chraft gsetzt. Si stehn unter em Titel: Den Aufbruch gestalten.^[2]

Patron[ändere | Quälltäxt bearbeite]

d Jungfrau Mareje, d Patroni vu dr Erzdiözes
Hl. Konrad, Bischof vu Konschtanz
Hl. Gebhard, Bischof vu Konschtanz

Erzbischef[ändere | Quälltäxt bearbeite]

Bernhard Boll (1827–1836)
Ignaz Anton Demeter (1836–1842)
Hermann von Vicari (1842–1868)
Vakanz (1868–1882)
Johannes Baptista Orbin (1882–1886)
Johannes Christian Roos (1886–1896)
Vakanz (1897)
Georg Ignaz Komp (1898)
Thomas Nörber (1898–1915)
Carl Fritz (1920–1931)
Conrad Gröber (1932–1948)
Wendelin Rauch (1948–1954)
Eugen Seiterich (1954–1958)
Hermann Schäufele (1958–1977)
Oskar Saier (1978–2002)
Robert Zollitsch (2003–2013)
Stephan Burger (syt 2014)

Bischtumsgliderig[ändere | Quälltäxt bearbeite]

S Erzbischtum Fryybeg isch in sibe Regione glideret, wu syt dr Dekanatsreform zum 1. Jänner 2008 in 26 Dekanat glideret sin^[3].

Region Odewald / Tauber
- Dekanat Tauberbischofsheim
- Dekanat Mosbach-Bueche
Region Ryy / Neckar
- Dekanat Manne
- Dekanat Heidelberg-Weinheim
- Dekanat Wiesloch
- Dekanat Kraichgau
Region Mittlere Oberryy / Pforze
- Dekanat Bruchsal
- Dekanat Karlsruehj
- Dekanat Pforze
- Dekanat Raschti
- Dekanat Bade-Bade
Region Ortenau
- Dekanat Offeburg
- Dekanat Achere
- Dekanat Lohr
Region Bryysgau / Schwarzwald / Boor
- Dekanat Fryybeg
- Dekanat Nejstadt
- Dekanat Ändinge-Waldkilch
- Dekanat Breisach-Nejeburg
- Dekanat Schwarzwald-Boor
Region Hochryy
- Dekanat Wisedal
- Dekanat Waldshuet
Region Bodesee / Hochezollere
- Dekanat Hegau
- Dekanat Konschtanz
- Dekanat Linzgau
- Dekanat Simmeringe-Meßkirch
- Dekanat Zollere

Di nerdligscht Pfaargmei isch d Pfaarej St. Laurentius Freudeberg.

Dur d Nejornig vu dr Dekanat isch d Zahl vun ene vu 39 uf 26 verringeret wore. D Regione sin nit gändertet wore.

Chilchligi Yyrichtige[ändere | Quälltäxt bearbeite]

Yygang zum Erzbischeflige Ordinariat

Schuele[ändere | Quälltäxt bearbeite]

D Erzdiözes Fryybeg fiert unter em Dach vu dr Schuelstiftig 17 Gymnasie, segs Realschuele, ei Grundschuel, ei Fachschuel fir Altepfläg, ei Beruefskolleg un zwei Internat.

Prieschterseminar[ändere | Quälltäxt bearbeite]

Z Fryybeg unterhaltet d Erzdiözes e Prieschterseminar, s Collegium Borromaeum (CB), wu d Prieschteramtskandidate in ihre gsamte Uusbildig wohne. S CB lyt in dr Nechi vum Fryybeger Minschter un vum Erzbischeflige Ordinariat. D paschtoral Uusbildig noch em Studium isch friejer im Prieschterseminar z St. Peter durgfiert wore. Syt s CB mit em Seminar St. Peter zämmegleit woren isch, isch s Collegium Borromaeum z Fryybeg jetz e Vollseminar.

Literatur[ändere | Quälltäxt bearbeite]

Erzbischöfliches Ordinariat Freiburg i. Br. (Hrsg.): Realschematismus der Erzdiözese Freiburg. Karlsruhe 2001
Christoph Schmider: Die Freiburger Bischöfe: 175 Jahre Erzbistum Freiburg. Eine Geschichte in Lebensbildern. Freiburg i. Br.: Herder Verlag, 2002. ISBN 3-451-27847-2.
Heribert Smolinsky (Hg.): Geschichte der Erzdiözese Freiburg. Band 1. Von der Gründung bis 1918. Herder Verlag, Freiburg/Br. 2008. ISBN 978-3451286193

Weblink[ändere | Quälltäxt bearbeite]

Commons: Erzbistum Freiburg – Sammlig vo Multimediadateie

Fuessnote[ändere | Quälltäxt bearbeite]

↑ ^1,0 ^1,1 Eckdaten des Kirchlichen Lebens in den Bistümern Deutschlands 2015, Pressemeldung der Deutschen Bischofskonferenz vom 15. Juli 2016
↑ Den Aufbruch gestalten (Memento vom 5. Februar 2008 im Internet Archive) (Stand: 16. Oktober 2006)
↑ Netzsyte vu dr Erzdiözes Fryybeg zue dr Dekanatsreform (Memento vom 5. Februar 2008 im Internet Archive)

Dä Artikel basiert uff ere fräie Übersetzig vum Artikel „Erzbistum_Freiburg“ vu de dütsche Wikipedia. E Liste vu de Autore un Versione isch do z finde.

[Eckdaten_DBK_2015-1] 1,0 ^1,1 Eckdaten des Kirchlichen Lebens in den Bistümern Deutschlands 2015, Pressemeldung der Deutschen Bischofskonferenz vom 15. Juli 2016

[2] Den Aufbruch gestalten (Memento vom 5. Februar 2008 im Internet Archive) (Stand: 16. Oktober 2006)

[Dekanatsreform-3] Netzsyte vu dr Erzdiözes Fryybeg zue dr Dekanatsreform (Memento vom 5. Februar 2008 im Internet Archive)

[1]

[2]

[3]