Feldberg (Schwarzwald)

Wappe	Ditschlandkart
	47.8561111111118.11166666666671277
Basisdate
Dialekt:	Alemannisch
Hauptvariante:	Nideralemannisch
Regionalvariante:	Oberrhialemannisch
Lokalvariante:	Schwarzwald
Bundesland:	Bade-Wirttebärg
Regierungsbezirk:	Friburg
Landkrais:	Brisgau-Hochschwarzwald
Heh:	1277 m i. NHN
Flech:	25 km²
Iiwohner:	1921 (31. Dez. 2022)
Bevelkerungsdicht:	77 Iiwohner je km²
Boschtlaitzahl:	79868
Vorwahle:	07676 / 07655
Kfz-Kennzaiche:	FR
Gmeischlissel:	08 3 15 037
Adress vun dr Gmaiverwaltung:	Kirchgasse 1 79868 Feldberg-Altglashütten
Webpräsenz:	www.feldberg-schwarzwald.de
Burgermaischter:	Johannes Albrecht
Lag vo de Gmai Feldberg (Schwarzwald) im Landkrais Brisgau-Hochschwarzwald
Karte

Feldberg (Schwarzwald) isch e Gmei im Landchreis Brisgau-Hochschwarzwald in Bade-Württeberg.

Geographi

Feldberg-Ort („S'Höchst im Schwarzwald“) lit uf dr Passhöchi vu dr Feldbergstross zwische nem Wiisedal im Süde un em Guetachdal im Norde, umiddelbar under em Gipfel vum Feldberg, dr höchste Erhebig vu Bade-Württeberg. Feldberg lit inmidde vum Naturpark Südschwarzwald.

Ortsdeiler

Zue dr Gmei Feldberg im Schwarzwald ghöre Feldberg-Ort, Aldglashütte, Nöiglashütte, Bäredal un Falkau.

Klima

Feldberg isch höchebedingt die chältist Region vu Bade-Württeberg.

Geschichte

Feldberg-Ort

Die erst urchundlich Erwähnig vum Feldberg isch vu anno 983 bekannt, d'Gmei under em gliiche Namme isch aber erst 1939 enstande, dur d'Vereinigig vu dr vereinzelte Weidegebiit mit dr Gmei Bäredal.

Bäredal

Bäredal (970 Meter iber NHN) wird 1691 zum erste Mol erwähnt.

Altglashütte (Postcharte um 1910)

Aldglashütte

Wie dr Namme scho sait, beziegt sich säller Ortsnamme uf e Glashütte, wo 1634 gründet worre isch. Sit dr Gmeireform vu 1971 ghört der Ortsdeil zue dr Gmei Feldberg.

Nöiglashütte

Dr Beriich vu Nöiglashütte isch dr Glasbloser nooch ere Afrog vu 1682 zuegwiise worre, um si witterhi mit Holz versorge zchänne. D'Igmeindig isch 1971 erfolgt.

Falkau

Die anno 1675 gründet Holzknechtsidlig Falkau isch ebefalls im Zug vu dr Gmeireform igmeindet worre.

Politik

Burgemeischter

• sit 2019: Johannes Albrecht
• 1995 bis 2018: Stefan Wirbser

Wahle

Ergebnis vo dr Landdagswahle sit 2006:

Johr	CDU	SPD	FDP	Grieni	Linki1	AfD	Suschtigi
2021	26,5 %	11,6 %	11,6 %	32,1 %	3,3 %	8,1 %	6,8 %
2016	38,2 %	10,4 %	9,6 %	26,9 %	3,8 %	8,5 %	2,7 %
2011	43,2 %	16,6 %	9,5 %	23,5 %	3,8 %		3,3 %
2006	46,2 %	19,8 %	12 %	15,7 %	2,1 %		4,1 %

¹ 2006: WASG, sit 2011: Die Linke

Wappe

S 1974 vum Innenministerium verlihe Wappe isch vu Dr. Alfred Simon folgendermasse gstaltet worre: „Under eme rote Schildhaupt, worin zwei chrüzti silberni Schneeschueh, gspalte vu Blau un Silber vorne dri cheilförmigi nooch rechts gstellti silberni Schibe, hinde e grüeni Danne.“

D Gründergmeie Feldberg, Bäredal un Aldglashütte, werre dur die dri Hauptfarbe rot, wiss un blau repräsentiert. Letzteri erinneret wohrschinlich au an die Verbundeheit zum ehemolige Fürstentum Fürsteberg. D Bedütig vu dr dri Chreis git Ruum zue einiger Spekulation. Entweder handelet es sich um Glaschugle, wo an d Vergangeheit vum Glaserhandwerch erinnere oder es handelet sich um die dri See, wo an d Gemarkig angrenze: Titisee, Windgfällweiher un Schluchsee. Si chönnte aber au d Einigkeit vu dr dri Deilgmeie symbolisiere.

Gmeipartnerschafte

Feldberg im Schwarzwald unterhaldet e Städtepartnerschaft mit La Clusaz im Haute-Savoie (Frankriich).

Wirtschaft un Infrastruktur

Bahnhof Bäredal

Verchehr

In Bäredal chrüze sich d Bundesstross 500 un 317. Sit em Bau vu dr Driseebahn 1926 befindet sich in Bäredal dr höchstgläge Bahnhof vu Dytschland an ere Regelspurstrecki. E witerer Hald vu dere Strecki befindet sich in Altglashütte. Diversi Linienbusse vu dr SBG uf un iber dr Feldberg runde s'Agebot ab.

Asässigi Undernähme

• Chiiswerch vu dr Fa. Bader OHG

Bildig

In Aldglashütte befinde sich e Grundschuel un e Chinderschuel.

Kultur un Aluegenswürdigkeite

Naturdenkmoler

Dr Trägerverei vum Naturpark Südschwarzwald het si Sitz in Feldberg.

Sport

Im Winter isch dr Feldberg s schneesicherst Gebiet vum Schwarzwald un biitet demit zahlriiche Wintersportmöglichkeite.

Ganzjährig cha mer Wandere und fer Radfahrer gits ebefalls reizvolli Strecke.

Regelmässigi Verastaltige

Näbe dr jährliche Radio Regenbogen Gipfelparty un em Laurentius-Fest uf em Feldberg, findet in jedem Johr s Dorffest in Aldglashütte statt.

Söhn un Döchter vu dr Gmei

D Volksmüsikgruppe D Feldberger (ehemols D'Feldberger Spitzbuebe) stammt us dr Gmei. Ihr Sänger Hansy Vogt isch usserdem Fernsähmoderator bi dr ARD-Sendeastalt Südwestrundfunk un moderiert dert dr Fröhlich Fyrobe un d Sunndigstour. Usserdem het er d Comedy-Figur Frau Wäber erfunde un isch demit regelmässig in dr TV-Sendig Fröhlicher Alldag zsähe.

Literatur

• August Vetter: Feldberg im Schwarzwald, Selbstverlag vu dr Gmei Feldberg (Schwarzwald), 1982/1996

Weblink

 Commons: Feldberg – Sammlig vo Multimediadateie

• Reisefüehrer Schwarzwald mit Gastgäberliste fer dr Feldberg uf schwarzwald.info
• Webcams uf em Feldberg uf schwarzwaldportal.com
• Falkau zwische Lenzchilche un Feldberg uf freiburg-schwarzwald.de
• Feldberg Gemeinde Gschicht un Bilder (Memento vom 6. Juni 2017 im Internet Archive)

Fueßnote

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch. Lueg dezue au Froge un Antworte zum Dialäkt.

Dä Artikel basiert uff ere fräie Übersetzig vum Artikel „Feldberg_(Schwarzwald)“ vu de dütsche Wikipedia. E Liste vu de Autore un Versione isch do z finde.