Hochschuel fir effetligi Verwaltig Kaal

Us der alemannische Wikipedia, der freie Dialäkt-Enzyklopedy
Hochschuel fir effetligi Verwaltig Kaal
Gründig 1971 (syt 1973 Hochschuelstatus)
Drägerschaft staatli
Ort Kaal
Bundesland Bade-Wirttebärg
Land Dytschland
Räkter Joachim Beck (syt Juli 2019)
Studänt*ene 1.294 (WS 2019/20)[1]
Mitarbeiter*ne 84 (WS 2019/20)[1]
drvo Profässer*ne 45 (WS 2019/20)[1]
Netzwärch DFH[2]
Website www.hs-kehl.de

D Hochschuel fir effetligi Verwaltig Kaal (dt. Hochschule für öffentliche Verwaltung Kehl) isch aini vu zwoo Hochschuele fir effetligi Verwaltig z Bade-Wirttebärg. Dr Campus lyt z Kaal im Ortenaukrais, d Schweschterhochschuel isch z Ludisburg.

D Hochschuel fir effetligi Verwaltig Kaal bietet die Studiegäng aa:

  • Bachelor Public Management: D Studände*ne vu dr Hochschuel sin as Beamti uf Widerruef (Regierisinschpäkteraawärter*ne) bim Land Bade-Wirttebärg yygstellt un wäre fir d Laufbahn vum ghobene nittächnische Verwaltigsdienscht uusbildet.
  • Bachelorstudiegang Digital Verwaltigsmanagement, BA
  • Masterstudiegang Europäisch Verwaltigsmanagement, Master of Arts
  • Masterstudiegang Public Management, näb em Beruef, Master of Arts
  • Masterstudiegang Management vu Cluster un regionale Netzwärch, dytsch-franzesisch, in Zämenarbet mit dr Universitet Stroßburi, Master of Arts

Zyl vum Studium[ändere | Quälltäxt bearbeite]

Hochschuel Kaal

D Studände*ne solle dur di vermittlete theoretisch-analytische Fähigkaite, Chänntniss un Handligskumpetänze un dur praktischi Arbet in d Lag versetzt wäre, sischtmatisch un mit aawändigsbezogener wisseschaftliger Methodik in unterschidlige Beruefsfälder vum effetlige Dienscht sälbschtständig chenne schaffe. Fir des bruucht s e Verständnis fir di rächtlige, bolitische, wirtschaftlige un gsellschaftlige Zämehäng im nazionaln, europäische un internazionale Beraich un fir d Brobläm vu dr Verwaltigsorganisazion.

Gschicht[ändere | Quälltäxt bearbeite]

D Hochschuel isch anne 1971 as „Staatligi Heecheri Verwaltigsfachschuel“ grindet wore; dr Status as Fachhochschuel fir effetligi Verwaltig het si am 1. April 1973 iberchuu. In dr 1980er Johr het s greßeri böuligi Erwyterige gee. Syter anne 2008 haißt d Fachhochschuel Kaal Hochschule für öffentliche Verwaltung Kehl. Im Novämber 2018 isch d Hochschuel an d Stroßebahn Stroßburi–Kaal Rothuus aagschlosse wore.

Informazionszäntrum[ändere | Quälltäxt bearbeite]

S Informazionszäntrum vu dr Hochschuel Kaal (IZ) isch e zäntrali Yyricxhtig vu dr Hochschuel Kaal, dr Bibliotheksberraich isch effetli zuegängli, d Dienschtlaischtige vum IZ-Rächezäntrum chenne Hochschuel-Extärni aber nit bruuche. In syre jetzige Form git s s Informationszentrum (IZ) syt 2008, wu d Hochschuelbibliothek un s Hochschuelrächezäntrum no § 28 Landeshochschulgesetz Baden-Württemberg[3] fusioniert hän. Syterhär sin Bibliothek un Rächezäntrum „Kumpetänzzentre“ innerhalb vum Informationszentrum (IZ).

IZ-Bibliothek[ändere | Quälltäxt bearbeite]

Hauptufgab vu dr IZ-Bibliothek isch s, alli Fakultete vu dr Hochschuel mit analoge un digitale Medie un Informazione z versorge. Zue dr 44.214 Printmedie cheme 1642 E-Book im Färnzuegriff, 133 Print-Abo, 198 E-Journal (Stand: 2014). S Bstandsprofil entspricht doderby dr Lehrbiet vu dr Fakultete un umfasst doderomit unter anderem Medie zue dr Biet

  • Rächts- un Kommunalwisseschafte: Arbetsrächt, Böurächt, Beamterächt, Bschaidtächnik, Burgerli Rächt, Dateschutzrächt, Europarächt, Familierächt, Ornigsrächt, Ornigswidrigkaiterächt, Kommunal Abgaberächt, Kommunalrächt, Effetli Rächt, Blanigsrächt, Verwaltigsrächt, Verwaltigsprozässrächt, Sozialrächt, Staatsrächt, Umwälträcht, Umwältverwaltigsrächt, Zivilrächt, Zivilprozässrächt
  • Wirtschafts-, Informazions- un Sozialwisseschafte: Abgaberächt, Bedailigungs- un Chrankehuusmanagement, Bedribswirtschaftslehr, Changemanagement, Finanzmanagement, Finanzwisseschaft, Gender, Gmaindswirtschaftsrächt, Huushalts-, Chasse- un Rächnigswäse, Internazionali Wirtschaftsbezieige, Kommunalbolitik, Nei Styrigsmodäll, Organisazions- un Kommunikazionspsichology, Personal, Bolitischi Soziology, Kommunal Wirtschaftsrächt, Psichology, Soziali un Interkulturälli Kumpetänze, Statischtik un Empirischi Methodelehr, Verwaltigsinformatik, Verwaltigsmanagement, Volkswirtschaftslehr, Wirtschaftsferderig

Zue dr Medie in dr IZ-Bibliothek ghere syt 2008 au d Bständ vum 1996 grindete Europäische Dokumäntazionszäntrum Kaal, wu bis dert im „Euro-Institut Kehl“ gsii sin.[4]

Ufgstellt sin d Printmedien uf dr 495 m² große Bibliotheksflechi noch em Freihandprinzip, uuslehne duet mer si iber e d Ortsuusleie über ein RFID-Sischtem. D Medie sin au iber dr SWB verfiegbar.

IZ-Rächezäntrum[ändere | Quälltäxt bearbeite]

S IZ-Rächezäntrum unterstützt u. a. die Aawändige:

  • Bachelorwissesbasis: zäntrali Ablag vu Skripte, Lesigskizze un Handout im Intranet vu dr Hochschuel Kaal
  • Weblog verwaltungmodern.de[5]
  • Alumni-Portal fir d Pflääg vum Kontakt mit eemolige Studänte*ne[6]

Anderi Standardaawändige, wu pflägt un gwartet wäre, sin u. a. dr Webufdritt, s E-Mailsischtem un dr BSCW](Basic Support for Cooperative Work). Zue dr Ufgabe vum IZ-Rächezäntrum ghere au d Wartig vu dr PC in dr Labor, d Adminischtrazion vu dr Server un vum Netz, d Unterstitzig vu dr Verwaltigs-EDV un s Druckmanagement, derzue au d Programmierig vu neie Aawändige, wu in dr Verwaltig fir d Adminischtrazion vum Bachelorstudiegang yygsetzt wäre.

Lyt an dr Hochschuel Kaal[ändere | Quälltäxt bearbeite]

Räkter[ändere | Quälltäxt bearbeite]

  • 1971–1990 Hermann Wunsch
  • 1990–1999 Hartmut Kübler
  • 1999–2007 Hans-Jürgen Sperling
  • 2007–2019 Paul Witt
  • syt 2019 Joachim Beck

Ehresenatore[ändere | Quälltäxt bearbeite]

  • Hartmut Kübler, eemol. Rektor
  • Erwin Teufel, eem. Minischterbresidänt
  • Hermann Wunsch, Grindungsräkter
  • Willi Stächele, Landdagsbresidänt
  • Gerhard Banner, eemol. Hochschuelrotsvorsitzer
  • Sven von Ungern-Sternberg, Regierigsbresidänt
  • Herbert Zinell
  • Hans-Jürgen Sperling, eemol. Räkterr

Uusgläseni aktuälli un eemoligi Lehrpersone[ändere | Quälltäxt bearbeite]

  • Marion Caspers-Merk
  • Wilderich von Droste zu Hülshoff
  • Stefan Gläser
  • Wolf-Dietrich Hammann
  • Ralf Bernd Herden
  • Norbert Lins
  • Adalbert Metzinger
  • Erik Pauly
  • Bernd Reichert
  • Jörg Meuthen
  • Bärbel Schäfer (Regierigsbresidänti)

Uusgläseni eemoligi Studänte`ne[ändere | Quälltäxt bearbeite]

  • Jörg Albrecht
  • Stefan Bär
  • Jonas Auchter
  • Alexander Bonde
  • Monika Bormann
  • Klaus Brodbeck
  • Josef Christ
  • Jörg Felgner
  • Reinhard Frank
  • Martin Heuberger
  • Hartmut Holzwarth
  • Toni Huber
  • Bernd Kappenstein
  • Jürgen Kegelmann
  • Karl Klein
  • Michael Lang
  • Klaus Notheis
  • Hans Jürgen Pütsch
  • Gabi Rolland
  • Peter Rosenberger
  • Dietmar Späth
  • Erhard Weimann
  • Paul Witt
  • Herbert Zinell

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. 1,0 1,1 1,2 Statistische Berichte Baden-Württemberg, Statistisches Landesamt Baden-Württemberg, Artikel-Nr. 3234 20001 B III 1 - j/20
  2. Netzwerk. Liste der Hochschulen im Netzwerk der DFH. In: www.dfh-ufa.org. Deutsch-Französische Hochschule, abgruefen am 4. Oktober 2019.
  3. Landesrecht BW § 28 LHG. Abgruefen am 29. Januar 2014.
  4. Euro-Institut. Abgruefen am 5. Februar 2014.
  5. Verwaltung.modern. Abgruefen am 5. Februar 2014.
  6. Alumni-Netzwerk der HS Kehl. Abgruefen am 5. Februar 2014.

Koordinate: 48° 34′ 29″ N, 7° 49′ 3″ O

Dä Artikel basiert uff ere fräie Übersetzig vu dere Version vum Artikel „Hochschule_Kehl“ vu de dütsche Wikipedia. E Liste vu de Autore un Versione isch do z finde.