Kadoolischi Hoochschuel fir Chilchemusik Rauteburg
| Hochschule für Kirchenmusik der Diözese Rottenburg-Stuttgart | |
|---|---|
| Gründig | 1949 (Hoochschuel syt em 11. Novämber 1997) |
| Drägerschaft | chilchli |
| Ort | Rauteburg |
| Bundesland | Baade-Wiirtebäärg |
| Land | Dytschland |
| Räkter | Stefan Palm |
| Studänt*ene | 40 (WS 2018/19) |
| Mitarbeiter*ne | 31 (WS 2018/19) |
| drvo Profässer*ne | 5 (WS 2018/19) |
| Website | www.kirchenmusik-hochschule.org |
Di Kadoolisch Hoochschuel fir Chilchemusik Rauteburg (offiziäll: Hochschule für Kirchenmusik der Diözese Rottenburg-Stuttgart) isch e chilchligi Chunschthoochschuel z Rauteburg. Dreeger vu dr Hoochschuel isch d Diezeese Rauteburg-Stuegert.
Gchiicht[ändere | Quälltäxt bearbeite]
Voorlaifer vu dr Hoochschuel fir Chilchemusik isch di 1972 grindet Chilchemusikschuel Rauteburg gsii, wu uf di 1949 grindet Bischefli Musikschuel Rauteburg (Voorgänger: 1928 St. Meinradheim) zruggange. Am 11. Novämber 1997 het dr doomoolig Bischof Walter Kasper d Musikschuel zur Hoochschuel ghoobe. Am 22. Novämber 1997 isch d Grindig dur dr Voorsitzer vu dr Pääpschtlige Kongregazioon fir s Bildigswääse Pio Kardinal Laghi bsteetigt woore. D Hoochschuel fiert syterhär dr Titel „Institutum Superius Musicae Sacrae“.
Stuudiegäng[ändere | Quälltäxt bearbeite]
D Hoochschuel bietet Masterstuudiegäng in Kadoolischer Chilchemusik (Allgmain Profiil (A), Schwäärpunkt Oorgeleliteratuurspiil, Oorgeleimprovisazioon, Koorlaitig un Gregoriaanik/Dytsche Liturgygsang), Masterstuudiegäng in Oorgeleliteratuurspiil, Oorgeleimprovisazioon, Koorlaitig un Gregoriaanik/Dytsche Liturgygsang, dr Bachelorstuudiegang Kadoolischi Chilchemusik (B) un d C-Uusbildig fir nääbeberuefligi Chilchemuusiker aa. D Masterstuudiegäng bruuche 4 Semeschter. Dr Bachelorstuudiegang (B), wu zum Beruef ualifiziert, bruucht 8 Semeschter un isch glyychwäärtig mit em Stuudium an staatlige Musikhoochschuele oder andere Hoochschuele fir Chilchemusik.
Mit dr C-Uusbildig wäären im Ufdraag vum Amt fir Chilchemusik vu dr Diezeese Rauteburg-Stuegert nääbeberuefligi Chilchemuusiker uusbildet.
Organisazioon[ändere | Quälltäxt bearbeite]
Grooßchanzler vu dr Hoochschuel isch dr Bischof vu dr Diezeese Rauteburg-Stuegert. Zurzyt isch des dr Gebhard Fürst. Eerschte Laiter vu dr Hoochschuel isch dr Räkter Bernhard Schmid gsii un dr eerscht Prooräkter dr Doomorganischt Wolfram Rehfeldt. Syt Oktoober 2016 isch dr Stefan Palm Räkter un dr Doomorganischt Ruben J. Sturm isch Prooräkter.
Sunschtigs[ändere | Quälltäxt bearbeite]
D Hoochschuel kooperiert mit dr Evangeelische Hoochschuel fir Chilchemusik z Dibenga, em musikwisseschaftlige Inschtitut vu dr IUniversiteet Dibenga un dr Valparaiso University im US-Bundesstaat Indiana.
Alumni[ändere | Quälltäxt bearbeite]
- Harald Schmidt (* 1957), dytsche Kabarettischt, Chilchemusikschuel
- Jochen Theurer (* 1978), dytsche Autoor
Weblink[ändere | Quälltäxt bearbeite]
Koordinate: 48° 29′ 12″ N, 8° 56′ 30″ O
|
Dä Artikel basiert uff ere fräie Übersetzig vu dere Version vum Artikel „[[:de:|]]“ vu de dütsche Wikipedia. E Liste vu de Autore un Versione isch do z finde. |