Hoochschuel Pforze

Us der alemannische Wikipedia, der freie Dialäkt-Enzyklopedy
Hochschule Pforzheim
Logo
Gründig 1877
Drägerschaft staatli
Ort Pforze
Bundesland Baden-Württemberg Bade-Wirttebärg
Land DeutschlandDeutschland Dytschland
Leitung
  • Ulrich Jautz (Räkter)
  • Hanno Weber (Proräkter)
  • Bernd Welter (Chanzler)
Studänt*ene 6112 (WS 2018/19)[1]
Mitarbeiter*ne 526 (+ rund 250 Leerbeufdraiti)
drvo Profässer*ne 196
Website www.hs-pforzheim.de
Dialäkt: Undermarkgreflerisch

D Hoochschuel Pforze – Gstaltig, Tächnik, Wiirtschaft un Räächt (dytsch Hochschule Pforzheim – Gestaltung, Technik, Wirtschaft und Recht, änglisch Pforzheim University) isch e staatliche Hoochschuel vum Land Baade-Wiirtebäärg. Si isch in drei Fakulteete gliideret: Gstaltig, Tächnik un Wiirtschaft un Rächt.

Gschiicht[ändere | Quälltäxt bearbeite]

Grindig im Grooßherzoogduum Baade[ändere | Quälltäxt bearbeite]

Di anne 1877 dur dr Grooßherzoog Friedrich I. z Pforze grindet Grooßherzoogli Chunschtgwäärbschuel un Fachschuele fir d Metallinduschtry het in eerschter Linie Fachchreft fir di Pforzemer Schmuck- un Uureninduschtry sollen uusbilde. Si isch 1937 in Badische Kunstgewerbeschule, 1940 in Staatliche Meisterschule un 1952 in Vereinigte Goldschmiede-, Kunst- und Werkschule umgnännt woore.

Uuswytig unNeistrukturierig noch em Zweete Wältchrieg[ändere | Quälltäxt bearbeite]

Anne 1963 isch di Staatli Heecher Wiirtschaftsfachschuel grindet woore. 1971 isch us dr Chunschtgwäärbschuel un andere Voorgänger-Inschtituzioon d Fachhoochschuel fir Gstaltig woore. Di eemoolig Heecher Wiirtschaftsschuel isch in d Fachhoochschuel fir Wiirtschaft iberfiert woore.

Anne 1992 sin d Fachhoochschuel fir Gstaltig un d Fachhoochschuel fir Wirtschaft unter Grindig vun ere neie Fakulteet fir Tächnik as Fachhochschule Pforzheim – Hochschule für Gestaltung, Technik und Wirtschaft zämegfiert woore. 1995 sin ingenieurwisseschaftligi Stuudiegäng yygfiert woore. 1996 het mer dr Leerbedriib im Stuudingang Wiirtschaftsräächt ufgnuu. Anne 2005 isch d Fachhoochschuel in Hochschule Pforzheim – Gestaltung, Technik, Wirtschaft und Recht umgnännt woore.

Internazionaali Profilierig[ändere | Quälltäxt bearbeite]

D Hoochschuel kooperiert mit iiber 100 Paartneruniversiteete. Si het si as aini vu dr eerschte wältwyt[2] verpfliichtet, d „Principles for Responsible Management Education“ yyzhalte, wu vu dr UNO as Dail vu dr Global Compact Initiative iniziiert woore sin. Syter 2012 isch si as „familiegräächti Hoochschuel“ zertifiziert.[3]

Fakulteete[ändere | Quälltäxt bearbeite]

D Hoochschuel bietet 29 Bachelor- un 17 Masterstuudiegäng in dääne Fakulteete aa:[4]

  • Fakulteet fir Gstaltig (700 Studänte*ne)
  • Fakulteet fir Tächnik (2.100 Studänte*ne)
  • Fakulteet fir Wiirtschaft un Rächt (3.200 Studänte*ne)

D Fakulteet fir Wiirtschaft un Rächt isch vu dr Association to Advance Collegiate Schools of Business akkreditiert. Dodermit isch d Hoochschuel Pforze aini vu bundeswyt elf Hoochschuele, wi fir ain vu dr internazionaal hegschte Qualiteetsstandard fir Wiirtschaftshoochschuele akkreditiert wooren isch. Di tächnische Stuudiegäng sin vu dr ASIIN, di bedriibswiirtschaftlige Stuudiegäng vu dr AQAS akkreditiert.

Standoort[ändere | Quälltäxt bearbeite]

  • Tiefenbronner Straße 65 un 66
    • Hauptsitz vu dr Hoochschuel un dr Fakulteete fir Tächnik un fir Wiirtschaft un Rächt
    • Zäntraali Hoochschuelbiblioteek un Audimax
    • Hoochschuelverwaltig, Räkteraat, StudiCenter un Briefigsamt, Akadeemisch Uuslandsamt, Räächtsamt, Hoochschuelinformazioonszäntrum / Rächezäntrum (HIZ)
    • Inschtitut fir Främdsprooche (IFS), Inschtitut fir Aagwändti Foorschig (IAF), Schmucktächnoloogisch Inschtitut (STI), Institute for Human Engineering & Empathic Design Pforzheim (heedPF) …
    • AStA / Verfasste Studierendenschaft un Iniziatiive-Biro
    • Inschtitut fir Industrial Ecology (INEC)
    • Haupt-Mensa un Cafeteria
  • Holzgartenstraße 36
    • Hauptsitz vu dr Fakulteet fir Gstaltig
    • Biblioteek zum Beraich Chunscht un Design
  • Eutinger Straße 111 (G3)
    • Fakulteet fir Gstaltig (Masterstuudiegang "Transportation Design")
  • Östliche Karl-Friedrich-Straße 24 (G2)
    • Ussestelle vu dr Fakulteete fir Tächnik un Gstaltig
    • Laboor un Wäärchstätte vum Stuudiegang Moodi
    • Biro un Laboor vu dr Fachberaich IT, WI un MB
    • Foorschigsprojäkt vum kooperatiive Promozioonkolleeg „Entwurf und Architektur eingebetteter Systeme (EAES)“ mit dr Universiteet Dibenga
    • Institute for Human Engineering & Empathic Design (HEED), gfeerderet vu dr Karl-Schlecht-Stiftig
    • Grinderwäärch – Zäntrum fir Unternämesgrindig vu dr Hoochschuel Pforze
  • Emma-Jäger-Straße 20
    • EMMA – Kreativzäntrum Pforze

Lyt[ändere | Quälltäxt bearbeite]

  • Hanno Beck (* 1966), Profässer fir Volkswiirtschaftsleer
  • Thomas Gerlach (* 1959 oder 1960), Profässer fir Industrial Design un Creative Direction
  • Bernhard Jablonski (* 1924), Profässer fir Industrie Design, Räkter vu dr FH 1976–1985, Grinder vum Transportation Design
  • Mario Schmidt (* 1960), Profässer fir ekoloogischi Unterämesfierig, Laiter vum Inschtitut fir Industrial Ecology (INEC)
  • Johann Stockhammer (* 1960), Profässer fir Moodidesign
  • Werner Weißbrodt (1928–2017), Profässer fir Graafikdesign

Eerenoodle[ändere | Quälltäxt bearbeite]

  • Dražen Barković, Proräkter vu dr Josip-Juraj-Strossmayer-Universiteet Osijek (5. Novämber 2009)
  • Željko Turkalj, Dekan vu dr wiirtschaftswisseschaftligev Fakulteet vu dr Josip-Juraj-Strossmayer-Universiteet Osijek (5. Novämber 2009)[5]

Alumni[ändere | Quälltäxt bearbeite]

  • Daniel Simon (* 1975), dytsche Automobiildesigner
  • Jasmin Kosubek, Fäärnseemoderatoori

Literatuur[ändere | Quälltäxt bearbeite]

  • Paul Kratz: Wechselwirkungen zwischen Job und Studium: dargestellt am Beispiel der BWL-Studenten der Universität Frankfurt und der Fachhochschule für Wirtschaft Pforzheim (= Europäische Hochschulschriften, Reihe 5: Volks- und Betriebswirtschaft, Band 923). Lang, Frankfurt am Main / Bern / New York, NY / Paris 1988, ISBN 3-631-40553-7 (Dissertation Universität Frankfurt am Main 1988, XX, 584 Seiten, zahlreiche graphische Darstellungen, 21 cm).

Weblink[ändere | Quälltäxt bearbeite]

Fueßnote[ändere | Quälltäxt bearbeite]

Koordinate: 48° 52′ 42,7″ N, 8° 43′ 2″ O

Dä Artikel basiert uff ere fräie Übersetzig vu dere Version vum Artikel „Hochschule_Pforzheim“ vu de dütsche Wikipedia. E Liste vu de Autore un Versione isch do z finde.