Zum Inhalt springen

Jörg Meuthen

Us der alemannische Wikipedia, der freie Dialäkt-Enzyklopedy
dr Jörg Meuthen uf eme Landesbarteidag vu dr AfD Bade-Wirttebärg z Charlsrue (2015)
Dialäkt: Undermarkgreflerisch

Dr Jörg Hubert Meuthen (* 29. Juni 1961 z Essen) isch e dytsche Wirtschaftswisseschaftler un Bolitiker (Werteunion, bis aafangs 2022 AfD, druf Zäntrum). Vu Juli 2015 bis zue sym Uusdritt am 28. Jänner 2022 isch er ain vu dr zwai Bundessprächer vu dr Alternative für Deutschland (AfD) gsii. Är isch derzue au vu Juli 2015 bis Merz 2017 ain vu drei Landessprächer z Bade-Wirttebärg un bis Novämber 2017 Fraktionsvorsitzer vu dr AfD im bade-wirttebärgische Landdag gsii. Vu Ändi 2017 bis Juli 2024 isch er Mitglid im Europäische Barlemänt gsii.

Lääbe

[ändere | Quälltäxt bearbeite]

Dr Meuthen isch in eme Essener Arbaiterviertel ufgwachse. Sy Vater isch Chaufmann gsii. Noch em Abitur am Goethe-Gymnasium z Bad Ems z Rhyland-Pfalz, wu sy Familie speter aanezogen ischhet er vu 1984 bis 1989 Volkswirtschaftslehr an dr Universitet Mainz studiert un het anne 1989 d Exame zum Diplom-Volkswirt abglait.

Vu 1989 bis 1993 isch dr Meuthen wisseschaftlige Mitarbaiter am Seminar fir Finanzwisseschaft vu dr Universitet z Köln bim Klaus Mackscheidt gsii. Anne 1993 isch dr Meuthen bim Mackscheidt[1] an dr Universitet Köln mit ere finanzwisseschaftlige Schrift zue dr Chilchestyyr promoviert wore. Derno isch er Referänt im Hessische Finanzminischterium gsii. Anne 1996 het dr Meuthen as Profässer fir Volkswirtschaftslehr un Finanzwisseschaft an d Hochschuel fir effetligi Verwaltig z Kähl gwächslet. 2001 isch er Studiedekan vu dr Fakultet Wirtschafts-, Informations- un Sozialwisseschafte wore un 2003 Senatsbeufdraite fir d Uuslandskooperation Sidafrika. In dr Zyt vu syre bolitische Arbet isch er vu April 2016 bis Ändi Dezämber 2024 beurlaubt gsii.[2] Uußer an dr Fakultet II (Wirtschafts-, Informations- un Sozialwisseschafte) vu dr Hochschuel Kähl het dr Meuthen au an dr Friburger Verwaltigs- un Wirtschaftsakademy (VWA) glehrt.

Är isch ghyrote, het drei Chinder us syre erschte un zwai us syre zwote Eh un läbt z Charlsrue.

Bolitik

[ändere | Quälltäxt bearbeite]

Dr Meuthen het si no aigene Aagabe mit Ändi Zwanzg fir d FDP inträssiert, het däre ihri Haltig zue dr Pflägeversicherig aber as zue etatistisch aagluegt. Am Oobe vu dr Bundesdagswahl 2013 het er si entschlosse, dr AfD byyzdrätte. Ekonomisch diei er liberali, gsellschaftsbolitisch aber konservativi Aasichte verdrätte.

Dr Meuthen isch ab Novämber 2013 Byysitzer vu dr AfD Bade-Wirttebärg gsii. Im Jänner 2015 isch er zum stellverdrättende Landessprächer un im Juli 2015 zue aim vu dr drei Landessprächer gwehlt wore. Syt Oktober 2014 isch er Laiter vum Bundesfachuusschuss 3 „Leistung und Gerechtigkeit“. Derzue het er dr Landesfachuusschuss 5 „Arbeit und Soziales“ grindet, wun er bis Merz 2015 glaitet het. Bi dr Europawahl 2014 het er uf em Lischteplatz 10 kandidierta.

Im Juli 2015 isch dr Meuthen uf em Mitgliderbundesbarteidag vu dr AfD z Essen mit 62 Brozänt vu dr Stimme zum aim vu dr zwai Sprächer näbe dr Frauke Petry gwehlt wore. Bi me Landesbarteizag z Horb am Neckar isch dr Meuthen im Oktober 2015 zum Spitzekandidat vu dr AfD fir d Landdagswahl z Bade-Wirttebärg im Merz 2016 gwehlt wore. Är het e Landdagsmandat gwunne un isch am 16. Merz ohni Gegekandidat zum Fraktionsvorsitzer vu dr AfD im Stuegerter Landdag gwehlt wore.

In syre erscht Red vor em Stuegerter Landdag am 8. Juni 2016 het dr Meuthen zum Fall Wolfgang Gedeon gsait: „auch der neueste Versuch der politischen Verunglimpfung seitens unserer politischen Gegner, nämlich der Versuch uns nun mit der Antisemitismuskeule zu beschädigen, wird scheitern und in sich zusammenbrechen.“[3] Wu si dr Meuthen mit syre Forderig noch eme Uusschluss vum Gedeon us dr Fraktion nit het chene dursetze, isch är mit zwelf andere Abgordnete us dr Fraktion uusdrätte.[4] Am 11. Oktober 2016 hän si di bode verstrittene Dail wider zue aire Fraktion zämegschlosse.[5]

Wu d Beatrix von Storch no dr Bundesdagswahl 2017 ire Mandat im Europabarlemänt niderglait het, sich dr Meuthen fir si noogruckt. Dr Vorsitrz vu dr Landdagsfraktion het er diräkt, sy Landdagsmandat Ändi 2017 niderglait.[6]

Am 2. Dezämber 2017 het en dr Bundesbarteidag mit 72 Brozänt vu dr Stimme wider zum Bundessprächer vu dr AfD gwehlt.[7] Bi dr Europawahl 2019 isch er Spitzekandidat vu syre Bartei gsii un isch ins Barlemänt gwehlt wore. und auf dem ersten Platz der bundesweiten Liste der AfD ins Europaparlament gewählt. Im Novämber 2019 isch dr Meuthen bim Bundesbarteidag as Bundessprächer bstetigt wore.

Am 28. Jänner 2022 het dr Meuthen sy sofortige Uusdritt us dr AfD verchindet un het dr Barteivorsitz mit sofortiger Wirkig niderglait. As Grund derfir het er aagee, ass er dr Machtkampf um di boliisch Uusrichtig mit em rächtsextreme „Fligel“ verlore heeb. Är het aagchrindet, ass er sy Mandat im Europabarlemänt wett bhalte.[8]

Am 10. Februar 2022 isch er im Europäische Barlemänt us dr Fraktion Identitet un Demokrati uusdrätte, wun er bis dert ain vu dr stellverdrättende Vorsitzer vu dr Fraktion gsii isch.

Im Juni 2022 het dr Meuthen sy Yydritt in di Dytsch Zäntrumsbartei (hite ne Chlaibartei) verchindet, im Septämber 2023 isch er wider uusdrätte. Syt Septämber 2024 isch isch er Mitglid vu dr Chlaibartei Werteunion wore.

Positione

[ändere | Quälltäxt bearbeite]

Meuthen isch zum ender wirtschaftsliberale Fligel in dr Alternative für Deutschland zellt wore, wu em friejere Bundessprächer Bernd Lucke noch gstande isch.[9] No aigene Uusage het er e Gegegwicht zue dr Rächtskonservative im neie Barteivorstand welle bilde.[10]

Schrifte (Uuswahl)

[ändere | Quälltäxt bearbeite]

Monografie

  • Die Kirchensteuer als Einnahmequelle von Religionsgemeinschaften. Eine finanzwissenschaftliche Analyse. Lang, Frankfurt am Main 1993, ISBN 3-631-46619-6.

Byydreg in Zytschrifte / Sammelbänd

  • mit em Klaus Mackscheidt: Der Wohneigentumsmarkt im Lichte der geplanten Verbraucherschutzrichtlinien der Europäischen Gemeinschaft. In: Klaus Mackscheidt (Hrsg.): Entwicklungen in der Wohnungspolitik. Festgabe für Hans Hämmerlein zum 70. Geburtstag. Nomos, Baden-Baden 1994, ISBN 3-7890-3343-X, S. 179–196.
  • mit em Rudolf Kriszeleit: Kredithöchstgrenze und Haushaltsvollzug. In: Die öffentliche Verwaltung. Bd. 48 (1995), H. 11, S. 461–466.
  • mit em Klaus Mackscheidt: Kirchen als parafiskalische Organisationen. Einige Überlegungen zur Klassifizierung der Kirchen als Parafiski. In: Klaus Tiepelmann (Hrsg.): Politik der Parafiski. Intermediäre im Balanceakt zwischen Staats- und Bürgernähe. S + W Steuer- und Wirtschaftsverlag, Hamburg 1997, ISBN 3-89161-891-3, S. 137–161
[ändere | Quälltäxt bearbeite]
 Commons: Jörg Meuthen – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Hans Wüllenweber: Die Kirchensteuer ist unverzichtbar. In: Saarbrücker Zeitung, 22. Septämber 1994.
  2. ↑ Ehemaliger AfD-Chef: Jörg Meuthen wieder Professor an Hochschule Kehl. FAZ.net, 1. Jänner 2025
  3. ↑ AfD Fraktionschef Meuthen haelt erste Rede vor Landtag Stuttgart Deutschlandfunk 8. Juni 2016
  4. ↑ Baden-Württemberg: AfD-Chef Meuthen verlässt mit zwölf Abgeordneten Landtagsfraktion. Spiegel Online, 5. Juli 2016.
  5. ↑ Stuttgarter AfD-Fraktion schließt sich wieder zusammen, Zeit, 11. Oktober 2016
  6. ↑ AfD-Chef Meuthen wird EU-Parlamentarier. Spiegel, 7. Novämber 2017.
  7. ↑ AfD: Jörg Meuthen zum Parteivorsitzenden gewählt. Zeit, 2. Dezämber 2017
  8. ↑ Meuthen verlässt die AfD. Tagesschau, 28. Januar 2022
  9. ↑ Alexander Häusler: Ausblick. In: Ders. (Hrsg.): Die Alternative für Deutschland. Programmatik, Entwicklung und politische Verortung. Springer Fachmedien, Wiesbaden 2016, ISBN 978-3-658-10638-6, S. 239–245, hier: S. 242.
  10. ↑ Kehl: Wer ist der Kehler Professor an der AfD-Spitze? Badische Zeitung, 8. Juli 2015
Dä Artikel basiert uff ere fräie Übersetzig vu dere Version vum Artikel „Jörg_Meuthen“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Jörg_Meuthen&oldid=1077910"