Hochschuel Konschtanz Tächnik, Wirtschaft un Gstaltig

Us der alemannische Wikipedia, der freie Dialäkt-Enzyklopedy
Hochschuel Konschtanz Tächnik, Wirtschaft un Gstaltig
Logo
Gründig 1906
Drägerschaft staatlich
Ort Konschtanz
Bundesland Bade-Wirttebärg
Land Dytschland
Präsident Sabine Rein (syt em 28. Septämber 2020)
Studänt*ene 4.876 (WS 2019/20)[1]
Mitarbeiter*ne 482 (2019)[2]
drvo Profässer*ne 238 (2019)[1]
Netzwärch IBH
Website www.htwg-konstanz.de
Gebei vu dr Hochschuel Konschtanz am Rhy

D Hochschuel Konschtanz Tächnik, Wirtschaft un Gstaltig (dt. Hochschule Konstanz Technik, Wirtschaft und Gestaltung, churz HTWG Konstanz, ängl. Konstanz University of Applied Sciences) isch e Fachhochschuel z Konschtanz. D HTWG ghert zum Verbund Internazionali Bodesee-Hochschuel.

Gschicht[ändere | Quälltäxt bearbeite]

D Hochschuel het ire Vorlaifer im 1906 grindete „Tächnikum Konschtanz“. Die privat hecher tächnisch Lehraastalt mit aafangs 28 Studänte un vier Dozänte isch vum Ingenieur Alfred Wachtel grindet wore mit dr drei Fachabdailige Ingenieurschuel, Tächnikerschuel un Schuel fir Wärchmaischter. Si het ire Bedrib zerscht in dr Hussenstraße 17 in dr Konschtanzer Altstadt mit eme Lehraagebot in Eläktrotächnik un Maschineböu ufgnuu, wu churz druf Hoch- un Diefböu uusgwytet woren isch.

Ass mer anne 1911 in d Ingenieurschuel am Rhystade umzogen isch (mit aim Johr Verzegerig wäge Hochwasserschäde) lyt an dr Studäntezahl, wu uf 184 gstigen isch. 1934 isch d Schuel as staatli Tächnikum anerkännt wore un 1938 isch s Tächnikum as Staatliche Ingenieurschule Konstanz verstaatligt wore. Noch em Änd vum Chrieg isch d Ingenieurschuel vu dr franzesische Militerverwaltig zuegmacht wore. Anne 1946 isch dr Lehrbedrib im neie Staatstechnikum Konstanz wider ufgnuu wore. Iber di landesaige Dregerschaft as Staatliche Ingenieurschule Konstanz 1961 isch schließli 1971 d Fachhochschule Konstanz entstande. Erschte Räkter vu dr nei gornete Fachhochschuel Konschtanz isch dr Georg Schug gsii.

Hochschuel Konschtanz Tächnik, Wirtschaft un Gstaltig[ändere | Quälltäxt bearbeite]

D Hochschuel isch dur d Fachberaich Architäktur, Böuingenieurwäse, Bedribs- un Fertigungstächnik, Konschtrukzions- un Verfahrestächnik, Maschineböu, Eläktrotächnik, Energytächnik, Nochrichtetächnik, Informatik, Naturwisseschaftligi Grundlage un Sozialwisseschafte sukzessiv uusböue wore. D Zahl vu dr Studänte*ne isch vu 1.012 anne 1971 bis uf rund 4.500 anne 2013 gstige.

Di iberregional anerkännt Bodesee-Chunschtschuel Konschtanz (BKK) isch anne 1985 as Institut für Kommunikationsdesign an der Fachhochschule Konstanz yyglideret wore. Anne 1995 isch s as Studiegang Kommunikazionsdesign in Fachberaich Architäktur un Gstaltig integriert wore. 1986 sin s Forschigs- un Transferinschtitut Institut für Innovation und Transfer (IIT) un di Technische Akademie Konstanz e.V. grindet wore, anne 1992 s Studienzentrum Schloss Langenrain (hite: Studienzentrum Villa Rheinburg) un d Zentralstelle für Forschung, Weiterbildung und Öffentlichkeitsarbeit (hite: Zentralstelle für Weiterbildung, Öffentlichkeitsarbeit, Lehre und Forschung – ZWÖLF).

In dr Johr 1995 bis 2000 het s e strategische Schuck vu dr Hochschuel mit Hyfe Umstrukturierige un böulige Erwyterige gee. 2000 isch wäge neie gsetzlige Bstimmige dr Hochschuelrot as hegscht Organ vu dr Hochschuel bstimmt. Bachelor- un Master-Abschliss sin iberall yygfiert wore.

Anne 2004 isch d Hochschuel as beschti dytschi Hochschuel in dr Wyterbildg dur dr Stifterverband fir di dytsch Wisseschaft uuszaichnet wore un 2005 mit em bade-wirttebärgische Landesforschigsbrys – as erschti Landes-Fachhochschuel iberhaupt. 2004 het dr Verband vu dr Frynd, Ferderer un Absolvänte sy fufzgjehrig Bstoh gfyrt. Ändi 2006 het si dr Verband in Fördergesellschaft der Hochschule Konstanz umgnännt.

D Hochschuel Konschtanz het partnerschaftligi Kontakt zue Hyfe Hochschuele un Uniwersitete in aller Wält. Si ghert zum Verbund Internazionali Bodesee-Hochschuel.

S Studiekolleg vu dr Hochschuel Konschtanz isch as Zäntralstell fir d Anerkännig vu Zygnis vu allne uusländische Studiebewärber*ne an Hochschuele z Bade-Wirttebärg zueständig. Derzue bietet s Studiekolleg Vorberaitigskirs aa uf d Feschtstelligsbriefig, wu s fir e Studiezuelossig bruucht.

Im Februar 2022 het d HTWG e Ussestell z Singe am Hontes mit eme Reallabor yygrichtet, wu s Zyl het, Studänte*ne un d Induschtry zämezbringe.[3]

Fakultete[ändere | Quälltäxt bearbeite]

D Hochschuel het die Fakultete:

  • Architäktur un Gstaltig
  • Böuingenieurwäse
  • Eläktrotächnik un Informazionstächnik
  • Informatik
  • Maschineböu
  • Wirtschafts-, Kultur- un Rächtswisseschafte

Bachelorstudiegäng[ändere | Quälltäxt bearbeite]

  • Aagwändti Informatik
  • Architäktur
  • Automobilinformazionstächnik
  • Böuingenieurwäse
  • Bedribswirtschaftslehr
  • Eläktrotächnik un Informazionstächnik
  • Gsundhaitsinformatik
  • Kommunikazionsdesign
  • Maschineböu/Konschtrukzion un Entwicklig
  • Maschineböu/Entwicklig un Produkzion
  • Umwälttächnik un Ressourcenmanagement
  • Verfahres- un Umwälttächnik
  • Wirtschaftsinformatik
  • Wirtschaftsingenieurwäse Böu
  • Wirtschaftsingenieurwäse Eläktro- un Informazionstächnik
  • Wirtschaftsingenieurwäse Maschineböu
  • Wirtschaftsrächt
  • Wirtschaftssproche Asie un Management/Chinesisch
  • Wirtschaftssproche Asien un Management/Sidoschtasie/Sidasie
  • Wirtschaftssproch Dytsch un Tourismusmanagement

Masterstudiegäng[ändere | Quälltäxt bearbeite]

  • Architäktur
  • Automotive Systems Engineering
  • Böuingenieurwäse
  • Business Information Technology
  • Eläktrischi Sischtem
  • General Management (näb em Beruef)
  • Human Capital Management (näb em Beruef)
  • Informatik
  • Internazional Management Asie
  • International Project Engineering
  • Kommunikazionsdesign
  • Legal Management
  • Mechanical Engineering and International Sales Management
  • Mächatronik
  • Patäntingenieur/i (näb em Beruef)
  • Systems Engineering (näb em Beruef)
  • Umwält- un Verfahrestächnik
  • Wirtschaftsingenieurwäse Böu/Eläktro- un Informazionstächnik/Maschineböu

Lyt[ändere | Quälltäxt bearbeite]

Uusgläseni Profässer*ne[ändere | Quälltäxt bearbeite]

  • Alfred Steinhart (1923–2015), Eläktroingenieur un Wirtschafts- un Sozialwisseschaftler, Proräkter vu dr FH Konstanz 1980 bis 1986
  • Ernst Dotzauer (1924–2005), Profässer an dr Universitet Karlsrue (TH) un an dr FH Konschtanz, Grindigslaiter vum Rächezäntrum vu dr FH Konschtanz
  • Volker Friedrich (* 1961), Profässer fir Schrybe un Rhetorik, Rusgeber vum wisseschaftlige E-Journal „Sprache für die Form“, Landeslehrpryys Bade-Wirttebärg 2006.
  • Christian Schaffrin, Profässer fir Eläktrischi Mässtächnik; Erfinder vum wältwyt erschte Solarboot („Korona“) un vum PV-Brännstoffzälleschiff „Solgenia“
  • Klaus Schreiner, Profässer vu dr Fakultet Maschineböu fir Verbrännismotor, Mathematik un Chraft- un Arbetsmaschine, Landeslehrpryys Bade-Wirttebärg 2008
  • Josef Wieland (* 1951), Wirtschaftsethiker, Landesforschigspryys Bade-Wirttebärg 2006, Max-Weber-Pryys fir Wirtschaftsethik 1998 fir syni Habilitazionsschrift „Ökonomische Organisation, Allokation und Status“, syt 2013 Diräkter vum „Leadership Excellence Instituts Zeppelin (LEIZ)“ an dr Zeppelin Universitet z Friedrichshafe.
  • Jochen Rädeker (* 1967), Grafikdesigner un Sachbuechautor, Mitglid im Type Directors Club New York, em D&AD London un em Art Directors Club Deutschland, Grinder un Gschäftsfierer vu dr Agäntur Strichpunkt
  • Thilo Rothacker (* 1967), Illuschtrator, Comic-Chinschtler un Grafiker
  • Stephan Grüninger (* 1969), Wirtschaftswisseschaftler fir Managerial Economics un Compliance & Integrity Advisory Services, Diräkter vum Konstanz Institut für Corporate Governance (KICG)
  • Eva-Maria Heinrich (* 1977), Kommunikazionsdesigneri

Räkter*ne/Presidänte*ne[ändere | Quälltäxt bearbeite]

  • Alfred Wachtel (1906–1938)
  • Gerhart Wachtel (1938–1939)
  • Werner Schloemann (1939–1945)
  • Johann Venger (1945)
  • Otto Tolle (1945–1946)
  • Alwin Albrecht (1946–1958)
  • Werner Schloemann (1958–1966)
  • Adolf Habermann (1967–1973)
  • Georg Schug (1973–1977)
  • Norbert Luft (1977–1980)
  • Olaf Harder (1980–2006)
  • Kai Handel (2006–2014)
  • Carsten Manz (2014–2020)
  • Sabine Rein (syt 2020)[4]

Ehresenatore vu dr HTWG Konschtanz[ändere | Quälltäxt bearbeite]

  • Hans Dinger (1927–2010), Vorsitzer vu dr Gschäftsfierig vu dr MTU München un Friedrichshafen vu 1985 bis 1989 un Mitglid vum Vorstand vu dr Daimler-Benz AG vu 1986 bis 1989
  • Friedrich Dodel, Gschäftslaitig Siemens, eemolig Vorstandsmitglid vu dr Ferdergsellschaft un vum Hochschuelrot

Pryys vu dr Hochschuel[ändere | Quälltäxt bearbeite]

  • Alfred-Wachtel-Pryys (Laischtigspryys vu dr Hochschuel)
  • Rosel Rödelstab-Pryys (Pryys fir sozial Engagement)
  • DAAD-Pryys (Laischtigspryys fir Uusländischi Studänte*ne)
  • Pryys vu dr IHK Thurgau (Laischtigspryys fir dr/di bescht Schwyzer Absolvänt/i vun eme Johrgang vu dr Hochschuel)
  • Luca-Pacioli-Pryys (Pryys fir s bescht Diplom im Studiegang BWL)
  • Emma Herwegh-Pryys (fir ussergwehnli Engagement im Studiegang BWL)
  • Konstanzer Designpryys (fir di bescht Abschlussarbet im Studiegang Kommunikazionsdesign)

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. 1,0 1,1 Statistische Berichte Baden-Württemberg, Statistisches Landesamt Baden-Württemberg, Artikel-Nr. 3234 20001 B III 1 - j/20
  2. Statistisches Bundesamt: Private Hochschulen 2019.
  3. „Jetzt also doch: Die HTWG kommt mit einer Art Außenstelle nach Singen“ auf suedkurier.de vom 24. Februar 2022
  4. Mitdaili vu dr HTWG Konschtanz/

Koordinate: 47° 40′ 1,5″ N, 9° 10′ 18,3″ O

Dä Artikel basiert uff ere fräie Übersetzig vu dere Version vum Artikel „Hochschule_Konstanz_Technik,_Wirtschaft_und_Gestaltung“ vu de dütsche Wikipedia. E Liste vu de Autore un Versione isch do z finde.