Gabi Rolland

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Gabi Rolland 2013

D Gabriele Rolland (* 6. Dezämber 1963 z Känzinge) isch e dytschi Bolitikeri (SPD) un syt 2011 Mitglid vum Landdag vu Bade-Wirttebärg.

Leben[ändere | Quälltäxt bearbeite]

D Gabi Rolland isch z Ämmedinge as Dochter vun eme Hilfsarbaiter un ere Verchaiferi ufgwachse un dert au uf d Grundschuel un s Gimnasium gange. Noch em Abitur anne 1983 het si bis 1987 dr Vorberaitigsdienscht fir dr ghobe Dienscht un e Studium an dr Fachhochschuel fir effetligi Verwaltig z Kähl gmacht. Anne 1987 het si s Staatsexame zur Diplom-Verwaltigswirti gmacht. Derno het si bis 2011 bim Landrotsamt Ämmedinge gschafft as Sachbearbaiteri im Amt fir Umwältschutz. Ihri Schwärpinkt sin Wasser-, Bode-, Immissions- un Naturschutzrächt gsii, speter isch si zueständig gsii fir d Zämenarbet iber d Gränze. Si isch ghyrote un wohnt syter anne 1989 z Fryburg.

Bolitik[ändere | Quälltäxt bearbeite]

D Rolland ghert syter 1984 dr SPD aa. Aafang s isch si bi dr Jusos aktiv gsii, speter isch si stellverdrättendi Vorsitzeri vum Chraisverband Ämmedinge gsii. Noch em Umzug uf Fryburg isch si in dr SPD-Ortsverain im Stielinger aktiv wore, zerscht as Bysitzeri, speter as Kassiereri un derno au as Vorsitzeri. Anne 1997 isch si in Fryburger Gmairot gwehlt wore.

Bi dr Landdagswahl 2011 isch si iber s Zwaitmandat im Wahlchrais Fryburg II in bade-wirttebärgische Landdag gwelhlt wore. Si het derno s Amt as Stadtreti niderglait. In dr Legislaturperiod 2011–2016 isch si Mitglid im Umwält-, Wisseschafts- un Petitionsuusschuss gsii un au im Uusschuss fir dr Ländli Ruum.

Bi dr Landdagswahl 2016 het si im Wahlchrais Fryburg II mit 13,8 % vu dr Stimme wider e Zwaitmandat gwunne. In dr aktuälle Legislaturperiod isch si Mitglid im Uusschuss fir Wisseschaft, Forschig un Chunscht un im Uusschuss fir Umwält, Klima un Energywirtschaft, derzue im Untersuechigsuusschuss „Zulagen Ludwigsburg“ un im Oberrhyroot. Stellverdrättend Mitglid isch si im Uusschuss fir Finanze, im Uusschuss fir Sozials un Integration, im Uusschuss fir Verchehr, im Uusschuss fir Europa un Internationals un im Uusschuss fir Ländlige Ruum un Verbruucherschutz.

Si isch Sprächeri vu dr SPD-Fraktion fir Umwält- un Naturschutzbolitik, Hochschuelbolitik un fir studäntischi Aaglägehaite

Uf em SPD-Landesbarteigag am 22. Oktober 2016 z Hailbrunn isch d Rolland zur stellverdrättende Landesvorsitzeri gwehlt wore.

Sunschtigs Engaschmänt[ändere | Quälltäxt bearbeite]

D Gabi Rolland isch Mitglid im Byrot vu dr Chunschtstiftig Bade-Wirttebärg. Derzue isch si Mitglid bi dr AWO, em BUND, dr NaturFreunde e. V., dr DLRG, bim Dt. Frauenring Breisgau e. V., dr Europa-Union, dr Gewerkschaft ver.di, dr Jugendberatung Freiburg e. V., dr Kreisverkehrswacht, em Mieterverein, em Nachbarschaftswerk Freiburg, em Verain Obdach für Frauen, em Elteschterot vu dr Chryzchilche Fryburg, em VCD un dr West-Ost-Gesellschaft.

Weblink[ändere | Quälltäxt bearbeite]

 Commons: Gabi Rolland – Sammlig vo Multimediadateie