Staatligi Hochschuel fir Gstaltig Charlsrue

Us der alemannische Wikipedia, der freie Dialäkt-Enzyklopedy
Staatliche Hochschule für Gestaltung Karlsruhe
Logo
Gründig 15. April 1992
Ort Charlsrue
Bundesland Baden-Württemberg Bade-Wirttebärg
Land DeutschlandDeutschland Dytschland
Räkter Jan Boelen[1]
Studänt*ene 355 WS 2018/19[2]
Website www.hfg-karlsruhe.de
Yygang vu dr HfG

Di Staatli Hochschuel fir Gstaltig Charlsrue (Staatliche Hochschule für Gestaltung Karlsruhe, HfG) isch e 1992 grindeti staatligi Chunschthochschuel z Charlsrue. D Schwärpinkt sin Mediechunscht, Kommunikationsdesign, Produktdesign, Uusstelligsdesign un Szenografie, Chunschtwisseschaft un Mediefilosofy[3] mit Augemerk uf Interdisziplinaritet zwische dr Fachberaich. D Hochschuel het eppe 400 Studänte*ne.

Exhibition and lecture by Thierry Geoffroy/Colonel on Biennalist 2011

Gschicht[ändere | Quälltäxt bearbeite]

D Hochschuel isch am 15. April 1992 as Reformhochschuel ufgmacht wore. Si isch zäme mit em Zäntrum fir Chunscht un Medietächnology (ZKM) z Charlsrue in dr Johr 1989 bis 1992 vum Heinrich Klotz grindet wore. Die Verbindig vu Lehr-, Forschigs- un Uusstelligsinschtituzione entspricht dr sälber gstellte chinschtlerische un pedagogische Ufgab, di tradizionälle Chinscht uf d Medietächnology un di elektronische Herstelligsverfahre uuszwyte.

Klassischi Forme wie Molerei sin nume mit aire Profässur bis 2004 verdrätte gsii. Dur d Verchnipfig vu chinschtlerische, aagwändte un theoretische Studiegäng het e interdisziplinär Schaffe solle gferderet wäre. Mit dr Zämefierig vu Mediechunscht, Chunschttheory un Design het dr Klotz e „elektronisch Böuhuus“[4] welle grinde. Syter 1997 isch d HfG Charlsrue wie au s ZKM in ere dänkmolgschitzte eemolige Munitionsfabrik unterbrocht.

Noch em Dod vum Klotz 1999 het zerscht dr Gunter Rambow di provisorisch Laitig vu dr Hochschuel ibernuu. Aafangs 2001 isch dr Peter Sloterdijk zum Räkter ernännt wore, was er bis zue symRuestand anne 2015 bliben isch. Noch ere Ibergangsphase unter em stellverdrättende Räkter Volker Albus het im Februar 2016 d Amtszyt vum Siegfried Zielinski aagfange.[5] Im Dezämber 2017 het dää no aigene Aagobe d Minischteri fir Wisseschaft, Forschig un Chunsht Bade-Wirttebärg um di vorzytig Uflesig vu sym Verdrag bäte. As Grund het er aagee, syni Reformvorstellige seie nit dursetzbar gsii.[6] Ab 1. April 2018 isch dr Johan F. Hartle kummisarische Räkter an de Staatlige Hochschuel fir Gstaltig Charlsrue gsii.[7] Derno het en dr Matthias Bruhn as kummisarische Räkter abglest, voreb mit em Wintersemeschter 2019/20 derno dr Jan Boelen as Räkter yygsetzt woren isch.[8] Ändi Merz 2022 isch dr Boelen uf Aadrag vu dr Professoreschaft im Senat abgwehlt wore, am 31. Merz 2022 hed er mieße ufhere schaffe. D Laitig vu dr Hochschuel hän dr Chanzler Thomas Fröhlich un d Prorektori Constanze Fischbeck ibernuu.[9] In eme Interview mit der Zirizytig wirft dr Profässer un Mediechinschtler Michael Bielicky dr Hochschuel anti-israelischs Verhalte vor, sogar wäret dr terroristisch Aagriff vu dr Hamas gäge Israel im Oktober 2023.[10]

Studium[11][ändere | Quälltäxt bearbeite]

Syt dr Aafangsjohr bis hit git s e interdisziplinär Grundgrischt mit vier Praxisstudiegäng:

  • Uusstelligsdesign un Szenografie,
  • Kommunikationsdesign,
  • Mediechunscht
  • Produktdesign

Derzue git s dr Theorystudiegang

  • Chunschtwisseschaft un Mediefilosofy

In allne Studiegäng het s vu Aafang aa Projäktarbet un Kooperatione mit em ZKM in dr Nochberschaft [12]. Fir di praxisorientiert Uusbildig vu dr HfG Charlsrue sin au Wärchstätt un Studio yygrichtet wore.[13]

D Studänte*ne vu dr Theoryfächer mien e Praxisnäbefach derue wehle un d Studänte*nevu dr Praxisfächer au ne Theoryfach wie Chunschtwisseschaft oder Mediefilosofy as Näbefach. Di vier Praxisstudiegäng vu dr HfG Charlsrue sin durlässigi Studiefälder, wu intensivi Uusdusch mit andre Fächer zueleen un je no Forschigs- un Entwickligsschwärpinkt vu dr Hochschuellehrer*ne unterschidligi Akzäntuierige hän. Di medietheoretisch Analys durdringt d Praxisveraastaltige, uf dr andere Syte wird di medietheoretisch un chhunschtwisseschaftlig Uusbildig dur e diräkt Praxisbezug konkretisiert.

Fir ass mer zum Studium zuegloo wird, bruuch mer di allgmain oder fachbunde Hochschuelryfi un mer mueß e Ufnahmbriefig mache.

Abschluss[ändere | Quälltäxt bearbeite]

An dr HfG Charlsrue wäre kaini Bachelor-/Master-Studiegäng aabote, wel ab em erschte Semeschter s Projäktstudium mit Inhalt, wu nit chenne modularisiert wäre, praktiziert wird. Si vergit no dr international anerkännte Diplom- bzw. Magischterabschluss. Noch em Magischterabschluss isch derzue au d Promotion (Dr. phil.) uf em Biet vu dr Chunschtwisseschaft, dr Medietheory un dr Filosofy megli.[14] Di international Bologna-Kompatibilitet vu dr HfG-Abschliss isch gwährlaischtet. Anne 2008 het dr Wisseschaftsrot in sym Evaluationsguetachte dr HfG Charlsrue e „uuszaichnet Uusbildigskonzäpt“ bschynigt.

Fachberaich[ändere | Quälltäxt bearbeite]

  • Mediechunscht[15] (Diplom) mit dr Lehrbiet
    • Digitali Chunscht/InfoArt
    • Film
    • Moving Images
    • Fotografy
    • Sound
    • 3D-Labor
    • Game-Lab
  • Produktdesign (Diplom)
  • Kommunikationsdesign (Diplom)
  • Uusstelligsdesign un Szenografy (Diplom) mit dr Lehrbiet
    • Szenografy
    • Uusstelligsdesign
    • Kuratorischi Studie un dramaturgischi Praxis
  • Chunschtwisseschaft un Mediefilosofy (Magischter) mit dr Lehrbiet
    • Chunschtwisseschaft un Medietheory
    • Filosofy un Eschthetik[16]

Brofässer*ne[ändere | Quälltäxt bearbeite]

Eemoligi Brofässer*ne[ändere | Quälltäxt bearbeite]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Rektorat. In: www.hfg-karlsruhe.de. Abgruefen am 9. Januar 2020.
  2. Statistisches Bundesamt: Studierendenzahlen Studierende und Studienanfänger/-innen nach Hochschularten, Ländern und Hochschulen, WS 2018/19, S. 71 (abgerufen am 10. Januar 2020)
  3. Fachgruppen und Studiengänge. Abgruefen am 9. April 2020.
  4. Medienkunst (Media Art) (Memento vom 14. Juli 2014 im Internet Archive), vum 14. Juli 2014 uf www.hfg-karlsruhe.de.
  5. Geschichte der HfG Karlsruhe – Rückblick auf die kurze Geschichte der Staatlichen Hochschule für Gestaltung (HfG) Karlsruhe. In: HfG Karlsruhe. Abgruefen am 26. Januar 2018.
  6. HfG Karlsruhe muss rasch einen neuen Rektor/eine neue Rektorin finden. In: HfG Karlsruhe. Abgruefen am 26. Januar 2018.
  7. Semestereröffnung und Führungswechsel an der Staatlichen Hochschule für Gestaltung Karlsruhe. (hfg-karlsruhe.de [abgerufen am 19. April 2018]).
  8. Jan Boelen wird neuer Rektor der Karlsruher HfG. Artikel vum 15. Mai 2019.
  9. Badisches Tagblatt vom 12. April 2022: Konflikt an Karlsruher Hochschule eskaliert, von Andreas Jüttner, abgruefe am 24. Jänner 2023
  10. Andreas Scheiner: «Ich werde von BDS-Leuten, von woken Leuten rausgejagt», sagt der Professor Michael Bielicky, der auch an seiner Kunsthochschule den Israel-Hass wahrnimmt. In: Neue Zürcher Zeitung vum 11. Oktober 2023, abgruefe am glyyche Dag.
  11. Das Studium an der HfG Karlsruhe. Abgruefen am 9. April 2020.
  12. Kooperationen. Abgruefen am 9. April 2020.
  13. Studios und Werkstätten. Abgruefen am 9. April 2020.
  14. Promotionsordnung der Staatlichen Hochschule für Gestaltung Karlsruhe. (PDF) 27. März 2015, abgruefen am 26. Januar 2018.
  15. Fachgruppen und Studiengänge. Abgruefen am 9. April 2020.
  16. Fachgruppen und Studiengänge
  17. Personenverzeichnis. Abgruefen am 9. April 2020.
  18. Personenverzeichnis. Abgruefen am 9. April 2020.

Koordinate: 49° 0′ 6″ N, 8° 23′ 2″ O

Dä Artikel basiert uff ere fräie Übersetzig vu dere Version vum Artikel „Staatliche_Hochschule_für_Gestaltung_Karlsruhe“ vu de dütsche Wikipedia. E Liste vu de Autore un Versione isch do z finde.