Hochschuel Haalbrunn

Us der alemannische Wikipedia, der freie Dialäkt-Enzyklopedy
Hochschuel Haalbrunn
Logo
Gründig 17. April 1961
Drägerschaft staatli
Ort Haalbrunn, Kinzelse, Hall
Bundesland Bade-Wirttebärg
Land Dytschland
Räkter Oliver Lenzen
Studänt*ene 8.334 (WS 2019/20)[1]
5.828 am Standort Haalbrunn,
1.497 am Standort Kinzelse,
1.009 am Standort Schwäbisch Hall
Mitarbeiter*ne 679 (dodervu 214 Brofässer*ne)
Website www.hs-heilbronn.de
d Hochschuel Haalbrunn

D Hochschuel Haalbrunn (dt. Hochschule Heilbronn, churz HNN) isch e Hochschuel fir Aagwändti Wisseschafte mit dr Schwärpinkt Tächnik, Wirtschaft un Informatik. Mit insgsamt 8.302 Studänte*ne ghert si zue dr greschte Hochschuele fir Aagwändti Wisseschafte z Bade-Wirttebärg. D Hochschuel Haalbrunn bietet in sibe Fakultete verschidene Bachelor- un Masterstudiegäng aa. Dodrunter sin Vollzytstudiegäng, aber au kooperativi Studie un sonigi näb em Beruef.

D Hochschuel isch iber vier Standort verdailt: 1. Campus z Haalbrunn-Sontheim 2. Bildigscampus z Haalbrunn, 3. Reinhold-Würth-Hochschuel z Kinzelse un 4. Campus Schwäbisch Hall. Dr Campus Sontheim bietet Ruum fir zurzyt 2521 Studänte*ne mit em Schwärpunkt uf Tächnik. Am Bildigscampus in dr Haalbrunner Innestadt studiere 3290 Studänte*ne vu dr Fachrichtig Bedribswirtschaft. An der Reinholdt-Würth-Hochschuel z Kinzelse sin 1489 Studänte*ne yygschribe un am Campus Schwäbisch Hall git s 1002 Studänte*ne mit Studieschwärpunkt in Management- un Vedrib (ufgmacht im Spotjohr 2009).

Gschicht[ändere | Quälltäxt bearbeite]

Am 17. April 1961 isch di Staatliche Ingenieurschule Heilbronn grindte wore, d Vorlaiferschuel vu dr hitige Hochschuel. Grindigsdiräkter isch dr Friedrich Aßmus, vorhär Diräkter vu dr Ingenieurschuel Furtwange. Di erschte Studiegäng sin Fynwärchtächnik un Maschineböu gsii, dr letschter isch unterdailt gsii in d Ziig Bedribstächnik un Konschtrukzion. Unterrichtet woren isch zerscht in aagmietete Ryym im Haalbrunner Bahnhofsviertel, d Verwaltig isch in dr ehmolige Haalbrunner Zigarrefabrik unterbrocht gsii. Wäg em schnälle Aaschtiig vu dr Zahl vu dr Studänte*ne vu 50 (1961) uf 260 (1963) isch d Schuel bal in Ruumnot grote, im Friejohr 1964 isch si iber vier vier Standort in ganz Haalbrunn verdailt gsii. Im nämlige Johr sin di erschte 57 Absolvänte*ne mit irem Ingenieursstudium fertig wore. Im Spotjohr 1965 isch d Ingenieurschuel no 2½ Johr Böuzyt in e Neiböu an der Max-Planck-Stroß im Side vu Haalbrunn umzoge, wo in dr domolige Blanig 750 Studänte*ne het solle Blatz biete. Mit em Summersemeschter 1966 isch Fisikalischi Tächnik as vierte Studiegang derzuechuu. Anne 1969 isch dr Grindigsdiräkter Aßmus in Ruestand gange, sy Noofolger isch dr Walter Hellerich wore (Amtszyt 1969 bis 1973).

Wu dr Studiegang Fertigungsbedribswirtschaft yygfiert woren isch, isch dr Name vu dr Schuel 1969 in Staatliche Ingenieurschule und Höhere Wirtschaftsfachschule Heilbronn gänderet wore. Im Summersemeschter 1971 isch mit dr Verchehrsbedribswirtschaft e zweete bedribswirtschaftlige Studiegang chuu. Mit em bade-wirttebärgische Fachhochschuelgsetz isch zum 1. Oktober 1971 us dr Fachschuel d Fachhochschule Heilbronn (speter Fachhochschule Heilbronn – Hochschule für Technik und Wirtschaft) wore. Mit dr Umwandlig in e Fachhochschuel hän si d Zuegangsvoruussetzige fir s Studium gänderet. Di bis dert verlangt braktisch Vorbildig dur Lehr oder e zwaijehrig Braktikum het s nimi brucht, stattdäm het s Braxissemeschter im Studium gee. Voruussetzung fir s Studium isch aber jetz d Fachhochschuelryfi gsii.

Anne 1972 isch as erschte Schritt zum Ufböu vun ere Gsamthochschuel zäme mit dr Uniwersität Haidelberch dr Hochschuelstudiegang Medizinischi Informatik yygrichtet wore. D Gsamthochschuel mit 10.000 Studieblätz, wu noch em Hochschulgesamtplan II Baden-Württemberg z Haalbrunn hätt solle entstoh, isch aber nit zstand chuu.[2]

Vu 1973 bis 1977 isch dr Miroslaw Sadowy Räkter vu dr Fachhochschuel Haalbrunn un vu 1977 bis 1989 derno dr Walter Dörr, wu si yygsetzt ghaa het fir e Erwyterigsböu un fir neii Fachberaich wie Turischtik, Eläktronik un Räbböu. Die hän derzue gfiert, ass si d Zahl vu dr Studänte*ne um des Zyt verdreifacht het.

Im Rame vu dr Umstellig uf s Bachelor-/Master-Studiesischtem (Bologna-Prozäss) isch d Fachhochschuel zum 1. Septämber 2005 in Hochschule Heilbronn umgnännt wore

Anne 2009 isch noch eme aijehrige Umböu dr Campus Schwäbisch Hall ufgmacht wore. Im Juli 2011 het mer nit Böuarbete fir dr Neiböu vum Campus in dr Haalbrunner Innestadt uf em ehmolige Gländ vu dr Heilbronner Versorgungs GmbH (HVG) aagfange. Scho zum Wintersemeschter 2011/12 isch e Dail vu dr Studänte*nen un Brofässer*ne in e Gebei zoge, wu vorhär vu dr Duale Hochschuel Bade-Wirttebörg Mosbach brucht woren isch. Im Oktober 2012 isch au im neie Gebei vu dr Hochschuel Haalbrunn dr Studiebedrib ufgnuu un dr Campus offiziäll ufgmacht wore. In dr Johr druf isch dr Bildigscampus als furt gwagse: im Spotjohr 2019 isch dr Bildigscampus Nord ufgmacht wore, wu s zwai anderei Gebei vu dr Hochschuel Haalbrunn un d Bibliothek LIV, di gmainsam Bibliothek vu dr Hochschuel Haalbrunn, dr Duale Hochschuel Bade-Wirttebärg (DHBW), dr Studieakademy Haalbrunn (DHBW HN) un em Center for Advanced Studies (DHBW CAS). Am Bildigscampus sin syterhär näb dr Fakultet International Business, wu dert scho syt 2012 isch, au d Fakultet Wirtschaft un Verchehr un s Räkterat un d Verwaltung vu dr Hochschuel Haalbrunn.[3]

Forschungsyyrichtige[ändere | Quälltäxt bearbeite]

  • Inschtitut fir aagwändti Forschig (iaf) mit dr In-Inschtitut
    • Electronic Business Institut (EBI)
    • Inschtitut fir Medizin, Informatik un Ekonomy (GECKO)
    • Haalbrunner Inschtitut fir aagwändti Märtforschig (H-InfaM)
    • Inschtitut fir Chraftfahrzyygtächnik un Mechatronik (IKM)
    • Inschtitut fir Noohaltigkait in Verchehr un Logischtik (INVL)
    • Inschtitut fir Strategy un Controlling (ISC)
    • Inschtitut fir Unternämesrächt (IfU)
    • Orient Institute for Intercultural Studies (OIS)
    • Polymer-Inschtitut Chunschtstofftächnik (PIK)
    • Zentrum fir Bedribswirtschaft un Unternämesfierig (zfbu GmbH)
    • Dytsch Inschtitut fir unternämesbezogeni Prognosemodäll un Potenzialanalyse (DIUPP)
    • Inschtitut fir Schnälli Mechatronischi Sischtem (ISM)
    • Haller Institut fir Management (HIM)
    • Usability & Interaction Technology Laboratory (UniTyLab)
    • Interdisziplineer Lehr- un Forschigszäntrum fir Maschinäll Leere (ZML)
    • Inschtitut fir Digitalisierig un eläktrischi Aadrib (IDA)

Bachelor-Studiegäng[ändere | Quälltäxt bearbeite]

Fakultet Mechanik un Eläktronik (T1)[ändere | Quälltäxt bearbeite]

  • Automotive Systems Engineering (ASE)
  • Electrical Systems Engineering (ESE)
  • Eläktronik un Informazionstächnik (EL) (lauft uus)
  • Maschineböu (MB)
  • Mechatronik un Mikrosischtemtächnik (MM) (lauft uus)
  • Mechatronik un Robotik (MR)
  • Robotik un Automazion (RA) (lauft uus)

Fakultet Tächnischi Prozäss (TP)[ändere | Quälltäxt bearbeite]

  • Produkzion un Prozässmanagement (PPM)
  • Tächnisch Logischtikmanagement (TLM)
  • Umwält- un Prozässingenieurwäse (UP)

Fakultet Informatik (IT)[ändere | Quälltäxt bearbeite]

  • Aagwändti Informatik (AI)
  • Medizinischi Informatik (MIB)
  • Software Engineering (SEB)

Fakultet Wirtschaft un Verchehr (WV)[ändere | Quälltäxt bearbeite]

  • Bedribswirtschaft un Unternämesfierig (BU)
  • Verchehrsbedribswirtschaft un Logischtik (VB)
  • Verchehrsbedribswirtschaft un Personeverchehr (VB-PV)
  • Wirtschaftsinformatik (WIN)

Fakultet International Business (IB)[ändere | Quälltäxt bearbeite]

  • Internazionali Bedribswirtschaft – Interkulturälli Studie (IBIS)
  • Internazionali Bedribswirtschaft – Oschteuropa (IBO) (lauft uus)
  • Hotel- un Reschtaurantmanagement (HM)
  • Turismusmanagement (TM)
  • Internazional Wyymanagement (IWM) (lauft uus)
  • Wyymarketing un Management (WMM)

Fakultet Tächnik un Wirtschaft (TW)[ändere | Quälltäxt bearbeite]

  • Aadribssischtem un Mechatronik (AM) (lauft uus)
  • Automatisierigstächnik un Eläktro-Maschineböu (AE)
  • Bedribswirtschaft un Kultur-, Freizyt-, Sportmanagement (BK)
  • Bedribswirtschaft, Marketing- un Mediemanagement (BM)
  • Bedribswirtschaft un Sozialmanagement (BS)
  • Elektrotächnik (ET)
  • Energymanagement (EM)
  • Wirtschaftsingenieurwäse (WI)

Fakultet Management un Verdrib (MV)[ändere | Quälltäxt bearbeite]

  • Management un Unternämigsrächnig (MUR) (lauft uus)
  • Financial Management, Accounting & Taxation (FAT)
  • Management un Beschaffigswirtschaft (MBW) (lauft uus)
  • Noohaltigi Beschaffigswirtschaft (NBW)
  • Management un Personalwäse (MPW)
  • Management un Verdrib: Finance (MVF) (lauft uus)
  • Management un Verdrib: Handel (VH) (lauft uus)
  • Management un Verdrib: Induschtry (VI) (lauft uus)
  • Management un Verdrib (MV)

Master-Studiegäng[ändere | Quälltäxt bearbeite]

Fakultet Mechanik un Eläktronik (T1)[ändere | Quälltäxt bearbeite]

  • Automotive Systems Engineering (MAS)
  • Electrical Systems Engineering (MEL)
  • Electronic Systems Engineering (MES) (lauft uus)
  • Maschineböu (MMA)
  • Mechatronik un Robotik (MMR)
  • Mechatronik (MME) (lauft uus)

Fakultet Tächnischi Prozäss (TP)[ändere | Quälltäxt bearbeite]

  • Technical Management (MTM)
  • Verfahrestächnik (MVT)

Fakultet Informatik (IT)[ändere | Quälltäxt bearbeite]

  • Medizinischi Informatik (MIM)
  • Software Engineering (SEM)

Fakultet Wirtschaft un Verchehr (WV)[ändere | Quälltäxt bearbeite]

  • Wirtschaftsinformatik Master (MID)

Anderi Master-Studiegäng vu dr Fakultet wäre gfiert unter Heilbronn University Graduate School (HUGS):

  • Transport un Logischtik Management (MTL)
  • Unternämesfierig / Business Management (MU)

Fakultet International Business (IB)[ändere | Quälltäxt bearbeite]

  • International Business & Intercultural Management (MIBIM)
  • International Tourism Management (MITM)
  • Noohaltigi Turismusentwicklig (NTE)

Fakultet Tächnik un Wirtschaft (TW)[ändere | Quälltäxt bearbeite]

  • Bedribswirtschaft un Kultur-, Freizyt- un Sportmanagement (MBK)
  • Eläktrotächnik (MEE)
  • International Marketing and Communication (MBM)
  • Tächnical Management (MTM)

Fakultet Management un Vertrieb (MV)[ändere | Quälltäxt bearbeite]

  • Business Analytics, Controlling & Consulting (MAC)

HILL (Haalbrunner Inschtitut fir Lääbeslang Leere)[ändere | Quälltäxt bearbeite]

S Haalbrunner Inschtitut fir Lääbeslang Leere (Heilbronner Institut für Lebenslanges Lernen gemeinnützige GmbH, HILL) isch di zäntral Wyterbildigsyyrichtig vu dr Hochschuel Haalbrunn un ibernimmt as Dienschtlaischter d Organisazion un Durfierig vu Wyterbildigsprogramm. HILL bietet verschideni Bachelor-, Master- un MBA-Studiegäng un Zertifikatsprogramm näb em Beruef aa.[4]

Partnerhochschuele[ändere | Quälltäxt bearbeite]

D Hochschuel Haalbrunn bflägt Partnerschafte mit Hochschuele in rund 60 Länder. In dr EU het d Hochschuel Partner in 25 Länder. Insgsamt het si 130 Erasmus-Partnerhochschuele un 90 globali Uusduschpartner usserhalb vu dr EU.[5]

Weblink[ändere | Quälltäxt bearbeite]

 Commons: Hochschule Heilbronn – Sammlig vo Multimediadateie

Fueßnote[ändere | Quälltäxt bearbeite]

  1. Studierende an baden-württembergischen Hochschulen im Wintersemester 2019/20. Abgruefen am 14. Oktober 2020.
  2. Geschichte der Hochschule bis 1972 nach Website und nach Wolfgang Petermann: Fachhochschule Heilbronn. In: Stadt- und Landkreis Heilbronn. Theiss, Stuttgart und Aalen 1974, ISBN 3-8062-0121-8, S. 218–220.
  3. Bildungscampus Nord feierlich eröffnet, Heilbronner Stimme
  4. https://www.hs-heilbronn.de/weiterbildung
  5. https://www.hs-heilbronn.de/partnerhochschulen

Koordinate: 49° 7′ 19″ N, 9° 12′ 40″ O