Pedagoogischi Hoochschuel Ludwigsburg

Us der alemannische Wikipedia, der freie Dialäkt-Enzyklopedy
Pädagogische Hochschule Ludwigsburg
(University of Education)
Logo
Gründig 1962 (z Stuegert)
1966 (Umzuug uf Ludwigsburg)
Drägerschaft staatli
Ort Ludwigsburg
Bundesland Baden-Württemberg Bade-Wirttebärg
Land DeutschlandDeutschland Dytschland
Räkter Martin Fix
Studänt*ene 6.050 WS 2017/18[1]
Mitarbeiter*ne 471
drvo Profässer*ne 85
Website www.ph-ludwigsburg.de
Dialäkt: Undermarkgreflerisch
di Pedagoogisch Hoochschuel Ludwigsburg

Di Pedagoogische Hoochschuel Ludwigsburg isch aini vu de segs Pedagogische Hochschuele z Bade-Wirtteberg, di andere sin z Fryburg, Karlsrue, z Heidelberg, z Waegaade un z Gmend.

Profil[ändere | Quälltäxt bearbeite]

S Stuudienaagebot umfasst Bachelorstuudiegäng fir s Leeramt (Leeramt Grundschuel, Leeramt Sekundaarstapfle I (Wäärchreal-, Haupt-, Real- un Gmaischaftsschuel), Leeramt Sunderpedagoogik), usserschuelischi Bachelorstuudiegäng (Kultuur- un Meediebildig, Friechindligi Bildig un Erzieig, Bildigswisseschaft) un Masterstuudiegäng (Beruefligi Bildig, Bildungsfoorschig, Bildigsmanagement, Erwagsenebildig, Friechindligi Bildig un Erzieig, International Education Management, Kulturälli Bildig, Kulturwisseschaft- un Management, Sunderpedagoogik). D PH Ludwigsburg isch e Hoochschuel mit Promozioons- un Habilitazioonsräächt, wu dr Universiteete glyychgstellt isch.

Näb em Hauptstandoort z Ludwigsburg mit dr Fakulteete I un II het PH Ludwigsburg no ne Ussestell z Reidlenga ghaa mit dr Fakulteet III fr Sunderpedagoogik, wu aber zum Wintersemeschter 2015/2016 zuegmacht un uf dr Campus uf Ludwigsburg verlait wooren isch.

Gschiicht[ändere | Quälltäxt bearbeite]

Voorlaifer vu dr Pedagoogische Hoochschuel Ludwigsburg isch s 1946 grindet Pedagoogisch Inschtitut z Stuegert gsii, wu anne 1962 zur Pedagoogische Hoochschuel woore un 1966 in Neiböu uf Ludwigsburg umgsiidlet isch. Vu allne segs pedagoogische Hoochschuele vum Land Baade-Wirttebäärg het d PH Ludwigsburg dr Yyzuugsberaich mit dr greeschte Yywoonerzaal. Bi dr Ufleesig vu dr Pedagoogische Hoochschuel Reidlenga anne 1987 isch däre ire Fachberaich Sunderpedagoogik as Ussestell vu dr PH Ludwigsburg erhalte bliibe. Syt em 1. Oktober 2015 isch d Fakulteet fir Sunderpedagoogik au am Standoort Ludwigsburg.

Syt dr Novellierig vu dr Hoochschuelgsetz anne 1995 het d Hoochschuel näb em Promozioonsräächt (Dr. paed. un Dr. phil.), wu si scho lenger uusgiebt ghaa het, au s aigeständig Habilitazioonsräächt.

Fakulteete[ändere | Quälltäxt bearbeite]

Es gibt drei Fakulteete:

  • Fakulteet I: Erzieigs- un Gsellschaftswisseschafte mit dr Inschtitut fir Bildigsmanagement, Erzieigswisseschaft, Psichology, Sozialwisseschafte un fir Filosofy un Teology
  • Fakulteet II: Kultuur- un Natuurwisseschafte mit dr Inschtitut fir Kultuurmanagement; Chunscht, Musik un Spoort; fir Matematik un Informaatik; Natuurwisseschafte un Tächnik un fir Sprooche.
  • Fakulteet III: Sunderpedagoogik mit dr Inschtitut fir allgmaini Sunderpedagoogik un fir sunderpedagoogischi Feerderschwäärpinkt.

Lyt[ändere | Quälltäxt bearbeite]

Räkter[ändere | Quälltäxt bearbeite]

  • 1962–1965 Rudolf Schaal
  • 1965–1968 Alois Röder
  • 1968–1971 Fritz Kehrer
  • 1971–1976 Willi Maier
  • 1976–1982 Karl Grob
  • 1982–1986 Karl-Dieter Klose
  • 1986–1990 Gerhard Stephan
  • 1990–1994 Hartmut Melenk
  • 1994–1998 Siegfried Krauter
  • 1998–2008 Hartmut Melenk
  • syt 2008 Martin Fix

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. [1]

Koordinate: 48° 54′ 35,4″ N, 9° 10′ 59,2″ O

Dä Artikel basiert uff ere fräie Übersetzig vu dere Version vum Artikel „Pädagogische_Hochschule_Ludwigsburg“ vu de dütsche Wikipedia. E Liste vu de Autore un Versione isch do z finde.