Zum Inhalt springen

Hoochschuel Esslenga

Us der alemannische Wikipedia, der freie Dialäkt-Enzyklopedy
Hoochschuel Esslenga
Logo
Motto Nah an Mensch und Technik
Gründig 1868
Drägerschaft staatli
Ort Esslingen am Neckar
Bundesland Baade-Wiirtebäärg
Land Dytschland
Räkter Charistof Wolfmaier
Studänt*ene 5.976 (SoSe 2023)[1]
Mitarbeiter*ne 1.114 (2022)[2]
drvo Profässer*ne 217 (2022)[2]
Johresbudget 63,4 Mio. Euro
Netzwärch HAWtech
Website www.hs-esslingen.de
Dialäkt: Undermarkgreflerisch

D Hoochschuel Esslenga (dt. Hochschule Esslingen) isch e Hoochschuel z Esslenga. Si het segs[3] Fakulteete un bietet 31[4] Bachelor- un 14 Masterstuudiegäng aa. Ingenieurwääse, Bedriibswiirtschaft, Soziaal- un Bfläägwisseschafte sin d Schwäärpinkt vu dr Hoochschuel Esslenga. Standoort vu dr Hoochschuel sin Esslenga (Stadtmitti un Flandernstrooß) un Geppenga. D Hoochschuel isch Grindigsmitgliid im Bromozioonsverband vu dr Hoochschuele fir aagwändti Wisseschafte Baade-Wiirtebäärg, wu 2022 yygriichtet wooren isch.[5]

Gschiicht[ändere | Quälltäxt bearbeite]

Di hitig Hoochschuel Esslenga isch anne 2006 entstande dur d Fusioon vu dr boode bis deert aigeständige Hoochschuele Fachhochschule für Technik Esslingen (FHTE) un Fachhochschule Esslingen – Hochschule für Sozialwesen (HfS).[6] D Gschiicht vu ire Voorlaiferschuele goot bis ins Joor 1868 zrugg.[7]

Gschiicht vu dr eemoolige Fachhoochschuel fir Tächnik[ändere | Quälltäxt bearbeite]

Eemoolig Loogo vu dr Fachhoochschuel fir Tächnik

As Grindigsjoor vu dr Hoochschuel giltet s Joor 1868, wu an dr Königlich Württembergischen Baugewerbeschule z Stuegert e Abdailig fir d Uusbildig vu Maschiineböuingenieur yygriichtet wooren isch. No joorelangem Mieje vu dr Esslenger Induschtry un vor allem vum Kummerzieroot Paul F. Dick isch die Abdailig anne 1914 uf Esslenga glait un unter em Name Königlich Württembergische Höhere Maschinenbauschule as aigestädnigi Schuel ufgmacht woore. Noch em Eerschte Wältchrieg het d Schuel dr Name Staatlich Württembergische Höhere Maschinenbauschule Esslingen iiberchuu. Anne 1927 sin Abdailige fir Fyynmechaanik un Mängefeertigung un fir Eläktrotächnik yygriichtet woore. 1938 isch d Schuel in Staatliche Ingenieurschule Esslingen umgnännt woore. Noch em Zweete Wältchrieg het anne 1947 e Abdailig fir Haizig un Liftig ufgmacht, zwai Joor speeter isch d Abdailig Eläktrotächnik in Staarkstroomtächnik un Nooriichtetächnik ufdailt woore. Im Joor 1971 isch d Schuel in Fachhochschule für Technik Esslingen (FHTE) umgnännt woore un d Fachberaich Informatik un Wiirtschaftsingenieurwääse sin entstande. 1979 isch dr Fachberaich Wiirtschaftsingenieurwesen ins Hoochschuelzäntrum an dr Flandernstraße zooge, d Fachberaich Nooriichtetächnik un Informaatik derno 1984. Vier Joor speeter, 1988, isch d Ussestell z Geppenga mit dr Stuudiegäng Maschiineböu/Feertigungssischteem un Mikroeläktroonik/Mikromechaanik grindet woore, z Geppenga isch anne 1995 no au dr Fachberaich Mechatroonik entstande. Ai joor speeter sin d Fachberaich Nooriichtetächnik un Tächnischi Informaatik zum Fachberaich Informazioonstächnik zämeglait woore. Anne 1998 isch d Graduate School grindet woore, wu s Stuudienaagebot uf aire Syte um Masterstuudiegäng uusgwytet wooren isch u nun uf dr andtre Syte – zum eerschte Mool an dr Hoochschuel – en änglischsproochig Bildigsaagebot gschaffe het. Syt em Wintersemeschter 2005/2006 sin alli tächnische un wiirtschaftswisseschaftlige Stuudiegäng uf s Bachelor/Master-Sischteem umgstellt.

Gschiicht vu dr eemoolige Fachhoochschuel fir Soziaalwääse[ändere | Quälltäxt bearbeite]

Eemoolig Loogo vu dr Fachhoochschuel fir Soziaalwääse

Uf dr Grundlaag vun ere Stiftig vu dr wiirtebäärgische Cheenigi Charlotte isch anne 1917 di soziaal Fraueschuel vum schweebische Fraueverain z Stuegert grindet woore, di eerscht Voorlaiferi vu dr HfS. Anne 1930 isch e zwooti Yyriichtig entstande, s Juugedlaiterne-Seminaar. Us dääne boode Yyriichtige isch 1972 d Fachhochschule für Sozialwesen (speeter Fachhochschule Esslingen — Hochschule für Sozialwesen, chuurz HfS) woore. Näb dr eemoolige Fachhoochschuel fir Soziaalwääse Mannem un dr Alice Salomon Hoochschuel z Berlin isch d HfS aini vu nume drei sälbschtständige Fachhoochschuele mit ere speziifische Uusriichtig uf s Soziaal- un Gsundhaitswääse z Dytschland gsii. Ab em Wintersemeschter 2004/2005 sin d Stuudiegäng uf s Bachelor-Sischteem umgstellt woore. Dr eerscht Master-Stuudiegang vu dr Fakulteet Soziaali Aarbet, Gsundhait un Bflääg het ai Semeschter speeter, also im Summersemeschter 2005 aagfange.

d Hoochschuel Esslenga syt 2006[ändere | Quälltäxt bearbeite]

Loogo vu dr Hoochschuel Esslenga bis Juuli 2021

Anne 2006 hän di boode Esslenger Fachhoochschuele Fachhochschule für Technik (FHTE) un Fachhochschule Esslingen – Hochschule für Sozialwesen (HfS) fusioniert. Dr nei Name vu dr Hoochschuel isch syterhäär Hochschule Esslingen. Glyychzytig isch d Zueständigkait vum Studäntewäärch Hohhaim uf s Studäntewäärch Stuegert iibergange. Im Wintersemeschter 2006/2007 isch dr nei Bachelor-Stuudiegang „Bildig un Erzieig in dr Chindhait“ an dr Fakulteet Soziaali Aarbet, Gsundhait un Bflääg yygfiert woore, zum Wintersemeschter 007/08 isch dr Master-Stuudiegang Innovazioonsmanagement in dr Fakulteet Bedriibswiirtschaft derzue chuu. Anderi Neierige het s zum Wintersemeschter 2007/08 gee, wu mer d Master-Stuudiegäng „Automotive Systems“ un „Design and Development in Automotive and Mechanical Engineering“ in dr Graduate School un dr Master-Stuudiegang „Energy- un Gebeimanagement“ vu dr Fakulteet Versoorgigstächnik un Umwälttächnik yygriichtet het. Im Summer 2012 isch s Inschtitut fir Wyterbildig vu dr Hoochschuel Esslenga (Institut für Weiterbildung der Hochschule Esslingen, IWHE) fir d Feerderig vu dr wisseschaftlige Uus-, Fuurt- un Wyterbildig grindet woore. S IWHE ibernimmt d Organisazioon un d Duurfierig vu Wyterbildigsbrogramm un Veraastaltige wie Daagige un Kungräss. Im Jänner 2021 isch doderfir d „Weiterbildungscampus Hochschule Esslingen GmbH“ grindet woore, wu an d Stell vum IWHE drätten isch un vu dr Hoocschuel un em Feefrderverain Verein der Freunde der Hochschule Esslingen e. V. drait wiird.[8].

Am 1. Meerz 2021 isch di nei Grundoornig vu dr Hoochschuel Esslenga in Chraft drätte, wu ne nei Struktuurmodäll vorsiit. D Hoochschuel organisiert si in ere Maatrix-Struktuur mit segs Fakulteete un fimf zäntraale wisseschaftlige Ainhaite (Zentrale wissenschaftliche Einheiten, ZWE), wu Queerschnittsfunkzioone hän.[9]

Standoort[ändere | Quälltäxt bearbeite]

Standoort Hoochschuelzäntrum (Flandernstraße)

Zue dr Hoochschuel Esslenga gheere die drei Standoort:

  • Esslenga Stadtmitti
  • Esslenga Flandernstraße
  • Campus Geppenga

Dr Standoort Stadtmitti isch diräkt z Esslenga un wird au „dr Staal“ gnännt, aber nit wel dr neoklassizistisch Altböu oder dr futuristisch Neiböu vu 1992 eme Staal glyych sääne, nai, wel d Schuel uurspringli näb em cheeniglige Rytstaal gsii isch. Am Standoort Stadtmitti het s näbe verschiidene Fakulteete, s Akadeemisch Uuslandsamt, s Café Einstein, d Mensa, s Rächezäntrum, s Räkteraat un d Verwaltig vu dr Hoochschuel Esslenga.

Dr Standoort Flandernstraße isch im neerdlige Dail vu Esslenga un bietet, wäg syreheechere Laag, e gueti Uussiicht uf Esslenga un s Neckerdaal. Vu Studänte*ne wird dr grooß Betonböu us dr 1960er Joor au „Akropolis“ gnännt. Am Standoort Flandernstraße het s Fakulteete, d Biblioteek vu dr Hoochschuel Esslenga, s HZE Café un s Inschtitut fir Främdsprooch. Im Oktoober 2020 het mer mit dr Diefböuaarbete am Ersatzneiböu „Campus Neue Weststadt“ im zäntraal gläägene eemoolige Gieterbaanhofareaal aagfange[10]. Insgsamt het s Land 146 Millioone Euro in modäärni Hoochschuelinfrastruktuur im fascht kliimaneitraale Stadtquartier inveschtiert. Dr Leerbedriib im neie Campus soll im Oktoober 2025 aafange.[11] Wänn dr Neiböu isch Bedriib isch, chunnt d Stadt d Flechene an der Flandernstraße iiber, wu derno frei wääre.

Z Geppenga, wu 23 Kilomeeter wyt ewäg isch, isch dr 1988 grindet Campus Geppenga, dr dritt Standoort vu dr Hoochschuel Esslenga. Uf em „Campus vu dr chuurze Wääg“ het s zwoo Fakulteete, e Cafeteria, e Biblioteek un s Café Campus.

Gebei 4 am Standoort Geppenga

Fakulteete un Stuudiegäng[ändere | Quälltäxt bearbeite]

An dr Hoochschuel git s di Fakulteete un Stuudiegäng:[12]

Fakulteet Bachelor-Stuudiegäng Master-Stuudiegäng
Aagwändti Natuurwisseschafte, Energy- un Gebeitächnik
  • Biotächnology (B.Sc.)
  • Chemyingenieurwääse / Faarb un Lack (B.Sc.)
  • Gebei-, Energy- un Umwälttächnik (B.Eng.)
  • Ingenieurpedagoogik Versoorgigstächnik – Maschiineböu (B.Sc.)
  • Stuudium mit erwyterete Praxis – Chemyingenieurwääse / Faarb un Lack
  • Stuudium mit erwyterete Praxis – Gebei-, Energy- un Umwälttächnik
  • Aagwändti Ooberflechene un Materiaalwissnschafte (M.Sc.)
  • Biotächnology (M.Sc.)
  • Energysischteem un Energymanagement (M.Eng.)
  • Netztächnik un Netzbedriib Gaas, Wasser un Stroomversoorgig (M.Eng.) (näb em Beruef)
  • Umwältschutz (M.Eng.)
Informaatik un Informazioonstächnik
  • IT-Sicherhait (B.Eng.)
  • Softwaretächnik un Meedieninformaatik (B.Eng.)
  • Tächnischi Informaatik (B.Eng.)
  • Wiirtschaftsinformaatik (B.Eng.)
  • Ingenieurpedagoogik Informazioonstächnik-Eläktrotächnik (B.Sc.)
  • Aagwändti Informaatik (M.Sc.)
Maschiine un Sischteem
  • Automatisierigstächnik un Produkzioonsinformaatik (B.Eng.)
  • Maschiineböu (B.Eng.)
  • Ingenieurpedagoogik Maschiineböu-Automatisierigstächnik (B.Sc.)
  • Ressourceneffiziänz im Maschiineböu (M.Sc.)
  • Design and Development for Mechanical and Automotive Engineering (M.Eng.)
  • Mächatroonik (M. Eng.) (näb em Beruef)
  • Wasserstoff- un Brännstoffzälletächnology (M.Eng.) (näb em Beruef)
Mobiliteet un Tächnik
  • Faarzyygtächnik (B.Eng.)
  • Faarzyygsischteem (B.Eng.)
  • Eläktrotächnik (B.Eng.)
  • Ingenieurpedagoogik Eläktrotächnik-Informazioonstächnik (B.Sc.)
  • Ingenieurpedagoogik Faarzyygtächnik-Maschiineböu (B.Sc.)
  • Faarzyygtächnik (M.Eng.)
  • Automotive Systems (M.Eng.)
  • Autonoom Faare (M.Eng.) (näb em Beruef)
  • Eläktromobiliteet (M.Eng.) (näb em Beruef)
  • Beruefligi Bildig/Ingenieurwisseschafte (M.Sc)
Soziaali Aarbet, Bildig un Bflääg
  • Chindhaitspedagoogik / Bildig un Erzieig in dr Chindhait (B.A.)
  • Bfläägpedagoogik (B.A.)
  • Bflääg / Bfläägmanagement (B.A.)
  • Soziaali Aarbet (B.A.)
  • Bflääg (B.Sc. un Beruefszuelossig)
  • Bfläägwisseschafte (M.A.)
  • Aagwändti Soziaalpedagoogischi Bildigsfoorschig (M.A.)
  • Soziaali Aarbet (M.A.)
  • Soziaalwiirtschaft (M.A.) (näb em Beruef)
Wiirtschaft un Tächnik
  • Digital Business (B.Sc.)
  • Digital Engineering (B.Eng.)
  • Mächatroonik (B.Eng.)
  • Internazionaali tächnischi Bedriibswiirtschaft (B.Sc.)
  • Tächnischi Bedriibswiirtschaft / Automobiilinduschtry (B.Sc.)
  • Wiirtschaftsingenieurwääse (B.Eng.)
  • NwT-Leeramt (B.Ed.) (Kooperazioon mit dr Uniwersiteet Dibenga)
  • MechatronikCom (B.Eng.) (näb dr Praxis)
  • MechatronikPlus (B.Eng.) (näb dr Leer)
  • Innovazioonsmanagement (M.Sc.)
  • International Industrial Management (MBA)
  • Mächatroonik / Systems Engineering (M.Eng.)
  • Smart Factory (M.Eng.)
  • Wasserstoffwiirtschaft un Tächnologymanagement (M.Eng.)

Zuesätzli zue dr Fakulteete git s fimf zäntraali wisseschaftligi Ainhaite:

  • Digitaali Transformazioon im Stuudium
  • Foorschig un Transfer
  • International Centre and Graduate School
  • Stuudienyygang un Grundstuudium
  • Wyterbildig: WHE GmbH

Literatuur[ändere | Quälltäxt bearbeite]

  • Ewald Frie (Hrsg.): Die Geschichte der Hochschule Esslingen. Ein Lesebuch zum 100-jährigen Jubiläum; als Projekt des Hauptseminars „Regionale Hochschulgeschichte des 19. und 20. Jahrhunderts“ im Sommersemester 2013. Hochschule Esslingen, Esslingen am Neckar 2014, ISBN 978-3-933871-04-6.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. ↑ Statistischer Bericht - Statistik der Studierenden - Sommersemester 2023, Tabelle 21311-07. (XLSX; 1,1 MB) Statistisches Bundesamt, abgruefen am 20. April 2024.
  2. ↑ 2,0 2,1 Statistischer Bericht - Statistik des Hochschulpersonals 2022, Tabelle 21341-10. (XLSX; 1,5 MB) Statistisches Bundesamt, abgruefen am 20. April 2024.
  3. ↑ Webseite Hochschule Esslingen. Abgruefen am 1. März 2021.
  4. ↑ Hochschule Esslingen: Hochschule Esslingen – Nah an Mensch und Technik. In: Hochschule Esslingen. 2023, abgruefen am 14. November 2023 (ger).
  5. ↑ Gemeinsames Amtsblatt Baden-Württemberg (GABl.) Nr. 6 (2022) vom 29. Juni 2022, S. 419 ff.
  6. ↑ Wirtschaftlichkeit kleinerer Fachhochschulen, Drucksache 13/613 (9. Januar 2002), Landtag von Baden-Württemberg, S. 2.
  7. ↑ Geschichte. Hochschule Esslingen, abgruefen am 17. Mai 2012.
  8. ↑ Weiterbildungscampus der Hochschule Esslingen. Hochschule Esslingen, 1. Februar 2022, abgruefen am 21. März 2022.
  9. ↑ Neues Strukturmodell tritt in Kraft. Hochschule Esslingen, 26. Februar 2021, abgruefen am 14. März 2022.
  10. ↑ Baustart für den Neubau der Hochschule Esslingen. 14. Oktober 2020, abgruefen am 18. Oktober 2023.
  11. ↑ Eßlinger Zeitung ONLINE-Das Nachrichtenportal für die Region Esslingen – Eßlinger Zeitung: Der Rohbau der Hochschule Esslingen steht: Richtfest am neuen Campus Weststadt - Esslinger Zeitung. Abgruefen am 18. Oktober 2023.
  12. ↑ Webseite Hochschule Esslingen. Abgruefen am 18. Oktober 2023.
Universitete un Hochschuele z Bade-Wirttebärg
Staatligi Universitete

Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm

{{{Bild-Beschreibung}}}
Privati Universitete

Friedrichshafe

Pedagogischi Hochschuele

Friburg • Haidelberch • Kallsruh • Ludigburg • Gmend • Waegaade

Chunschthochschuele (inkl. Musikhochschuele)

Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga

Staatligi (Fach-)Hochschuele

Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge

Chilchligi un Privati (Fach-)Hochschuele

Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia)

Duali Hochschule Bade-Wirttebärg

Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge

Koordinate: 48° 44′ 17″ N, 9° 18′ 39,7″ O

Dä Artikel basiert uff ere fräie Übersetzig vu dere Version vum Artikel „Hochschule_Esslingen“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Hochschule_Esslingen&oldid=1057127"