Bùùrdlef

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Bùùrdlef
Wappe vo Bùùrdlef
Basisdate
Staat: Schwiiz
Kanton: Bärn (BE)
Verwautigschreis: Emmental
BFS-Nr.: 0404i1f3f4
Poschtleitzahl: 3400–3402
UN/LOCODE: CH BGF
Koordinate: 614265 / 21178647.0569447.626393533Koordinaten: 47° 3′ 25″ N, 7° 37′ 35″ O; CH1903: 614265 / 211786
Höchi: 533 m ü. M.
Flächi: 15,60 km²
Iiwohner: i16'280 (31. Dezämber 2017)[1]
Arbetslosequote: 4,0 % (2010)[2]
Uusländeraateil: 14,4 % (Dezember 2006)[3]
Stadtpräsidentin: Elisabeth Zäch (SP)
Website: www.burgdorf.ch
Schloss Bùùrdlef

Schloss Bùùrdlef

Charte
BrienzerseeKanton LuzernKanton SolothurnKanton SolothurnVerwaltungskreis Bern-MittellandVerwaltungskreis Interlaken-OberhasliVerwaltungskreis SeelandVerwaltungskreis ThunVerwaltungskreis OberaargauAefligenAffoltern im EmmentalAlchenstorfBätterkindenBurgdorf BEDürrenrothEggiwilErsigenHasle bei BurgdorfHeimiswilHeimiswilHellsauHindelbankHöchstetten BEKernenriedKirchberg BEKoppigenKrauchthalLangnau im EmmentalLauperswilLützelflühLützelflühLützelflühLyssachMötschwilNiederöschOberburg BEOberburg BEOberburg BEOberöschRöthenbach im EmmentalRüderswilRüdtligen-AlchenflühRüegsauRumendingenRüti bei LyssachSchangnauSignauSumiswaldTrachselwaldTrubTrubschachenUtzenstorfWiler bei UtzenstorfWilladingenWynigenZielebachCharte vo Bùùrdlef
Iber des Bild
w

D Stadt Bùùrdlef (amtlech hochdütsch Burgdorf, französisch Berthoud), s sogenannte „Tor zum Ämmitau“, isch e Stadt u Ywonergmeind, ca. 20 Kilometer vor Stadt Bärn. Si het öppe 15'000 Ywoner (Stand April 2007).[4]

Gschicht[ändere | Quälltäxt bearbeite]

Bùùrdlef isch zum erschte Mal gnennt worde im Jahr 1236 aus in oppido Burchtorff. D Stadt isch vo de Zähringer ggründet worde. 1384 isch si zur Stadt Bärn choo, u syt 1803 isch si e Gmeind vom modärne Kanton Bärn.

Bevöukerig[ändere | Quälltäxt bearbeite]

Ywoner[ändere | Quälltäxt bearbeite]

Jahr 1850 1860 1870 1880 1888 1900 1910 1920
Ywoner 3636 4199 5049 6549 6847 8404 9367 9447
Jahr 1930 1941 1950 1960 1970 1980 1990 2000
Ywoner 9772 10197 11586 13936 15888 15379 15373 14714

Dr Ussländeraateil isch 2010 bi 12,9 % gläge.

Religion[ändere | Quälltäxt bearbeite]

67,5 % vo de Ywoner si evangelisch-reformiert, 13,5 % si römisch-katholisch (Stang 2000).

Sprach u Dialäkt[ändere | Quälltäxt bearbeite]

Bir Voukszeuuig 2000 hei vo de 14714 Ywoner 88,9 % Dütsch aus Houptsprach aagää, 0,8 % Französisch u 2,7 % Italiänisch.

Z Bùùrdlef redt me Bärndütsch, u zwar ir nördleche Variante – me seit aso Sprooch und Johr, nid Spraach und Jahr wie wyter südlech.

Politik[ändere | Quälltäxt bearbeite]

Bi de Nationauraatswahle 2011 het s das Ergebnis gää: BDP 14,3 %, CVP 2,0 %, EVP 6,3 %, FDP 9,6 %. GLP 5,6 %, GP 11,5 %, SP 24,0 %, SVP 19,7 %, Suschtigi 7,0 %.

Gmeindspresidäntin vo Bùùrdlef isch dr Stefan Berger vor SP (Stang 2018).

Stadtbiud[ändere | Quälltäxt bearbeite]

Schloss[ändere | Quälltäxt bearbeite]

Ds Schloss Burgdorf isch ds Wahrzeiche vo Bùùrdlef, ou der Name chunnt vo dem Schloss. Gnöier gnoh isch es ender e Burg, aber es isch zu Zähringerszyte vor auem aus Schloss brucht worde. Im Schloss obe si drü verschidäni Musee, ds Goldmuseum, ds Vöukerchundemuseum, und ds Schlossmuseum. Vom Schloss us chame e Grossteil vo Bùùrdlef gseh.

Oberstadt[ändere | Quälltäxt bearbeite]

D Oberstadt (oder Autstadt) isch ufeme Hoger obe und het no richtig historischi Hüser. Ir Oberstadt si di meiste traditionelle Läde vo Bùùrdlef, wi unger angerem ds Chino Chrone, de Spilwarehändler Buchmann, de Mässermacher Chlötzli, ds Teegärtli und anderi. Ou di rächt moderni Stadtbibliothek, e Postfiliale, d UBS, d Polizei und d Stadt- und Ywohnerkontrolle si hie. I de letschte Johr isch d Oberstadt allerdings immer wie weniger beläbt, ds Zentrum vo Burgdorf het sech gäng meh richtig Ungerstadt verschobe. Di wirtschaftlechi Situation isch rächt schwirig, e paar Läde wi z. B. de Manor hei scho müesse zuetue.

Ungerstadt[ändere | Quälltäxt bearbeite]

D Ungerstadt isch hütt s Zentrum vo Bùùrdlef. Es git sehr vili verschideni Läde, z nenne si d Migros und de Denner im Neumarkt, und de Interdiscount, de Brodman und d Vögele Shoes im Mergele. Da Ungerstadt d Oberstadt aus Stadtzentrum abglöst het, isch vermuetlech vor auem em Houptbahnhof u überhoupt dr bessere Verchehrslaag zuezschribe. Zudäm hei vili Banke dört ihri Filiale, d UBS isch aus einzigi Bankfiliale vo Bùùrdlef ir Altstadt gläge. Ou a Kultur und Unterhaltig fääuts nid, für Kunschtinteressierti gits ds Franz-Gertsch-Museum, und im Chino Rex chöme immer die nöischte Fiume.

Wirtschaft[ändere | Quälltäxt bearbeite]

Es git e paar grossi Firmenä z Bùùrdlef, wie unger angerem Roche, YpsoMed, Aebi, RONDO Burgdorf AG oder ESA.

D Arbetslosigkeit isch im Jahr 2011 bi 3,3 % gläge.

Veraastautigsort u Fäscht[ändere | Quälltäxt bearbeite]

Markthalle[ändere | Quälltäxt bearbeite]

D Markthalle isch es Verastaltigsort, wo unger angerem Ussteuige, Konzärt, Märite und angers stattfinge wie zum Byspiu ou ds Barfestival und ds Gymfest. Vor dr Markthalle isch aube ou no Vehmärit.

Solätte[ändere | Quälltäxt bearbeite]

D Solenität (vom latinische sollemnis „alljährlich gefeiert“) isch es traditionells Schuelfest, wo all Jahr stattfingt und me nume z Bùùrdlef und z Murte gchennt. Es git zwee grossi Umzüg düre Tag und e Feschtete am Oobe. De Morgeumzug geit dür d Altstadt bis zur reformierte Chile ufe, wos e Gottesdienst git und wo jede Erstklässler e prägti Gedänkmünze überchunt. Dr Namitagsumzug geit vor Altstadt uf d Schützematt, wo d Schüeler jewils Tänz vorfüere, Staffete renne oder säuber yschtudierte Reige uuffüere. Wichtig bi dene Umzüg isch aube, dass d Meitli wyssi Röckli und Bluemechränz träge und d Giele schwarzwyss agleit si. Agfüert wärde beedi Umzüg vo de Bùùrdlefer Kadette. Der Oobe ändet mit Schüelerkonzärt und eme allgemeine Volksfest ir Oberstadt.

Persone[ändere | Quälltäxt bearbeite]

Es git viu lokal und schwyzwyt bekannti Prominänz z Bùùrdlef:

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Burgdorf – Sammlig vo Multimediadateie

Fuessnote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.
  2. Mitarbeiter: Gemeindesuche. In: Offizielle Webseite. Bundesamt für Statistik, 2011, S. 1. Archiviert vom Original am 2006-06-19. Abgrüeft am 2011-08-28. (HTML, Deutsch, Eingabe Burgdorf. Jahresdurchschnitt)
  3. Mitarbeiter: Entwicklung der Wohnbevölkerung in der Gemeinde Burgdorf. In: Offizielle Webseite. Stadtmarketing Burgdorf, 2011-12-31, S. 1. Abgrüeft am 2011-08-28. (HTML, Deutsch, seit 2006 nicht mehr nachgeführt)
  4. http://www.burgdorfer-innopreis.ch/index.php?id=18&backPID=18&tt_news=519 (Site cha nüme abgrüeft wärde; Suche im Webarchiv)[1] [2] Vorlage:Toter Link/www.burgdorfer-innopreis.ch