Interdiscount
| Interdiscount | |
|---|---|
| |
| Unternähmensform | Division vo dè Coop (bis 2002 Aktiègsellschaft) |
| ISIN | nit vorhandè |
| Gründig | 1970 |
| Sitz | Jegischtorf, Schwiz |
| Leitig |
Pierre Wenger |
| Branche | Elegtronikdiscounter |
| Uffdritt im Netz | www.interdiscount.ch |
Interdiscount (ID) isch è rächtlich unsèlbschtändigi schwizer Elegtronik-Handelschetti. Si ghört dè Coop-Gnossèschaft, drèttèt am Markt abber eigèschtändig uff. Mit öppè 190 Filialè isch Interdiscount dè gröschte Elegtronikdiscounter i dè Schwiz un biètet è breiti Produktpalettè vo Artikel aa, sèll gòt vo namhaftè Hèrschteller bis zuè No-Name-Broduktè, welli unter m Label Intertronic aabotè wörrèd.
Firmègschicht[ändere | Quälltäxt bearbeite]
Interdiscount hèt dè Markènammè Carena i dè 1970er-Johr kauft un hèt sit dèm Foto- un Filmkameras unter sèllèm Namen vodribbè. 1982 hèt d Interdiscount d Meerheit a dè Firmèaadeil vo dè Photo Porscht übbernõ. Diè gröscht Fusion i dè Firmègschicht isch s Zämmèduè vo dè Interdiscount AG mit èm Radio TV Steiner gsi. Beflügelt durch dè Schwung uss dèrrè Fusion hèt d Interdiscount i dè 1990er Johr vosuècht, i s europäische Uusland z expandyrè, z. B. nõch Frankrych, Dütschland, d Benelux-Staatè un sogar nõch Ungarn. Sèllèwäg hèt s in Budapescht è Interdiscount-Filialè gää. D Expansionsschtrategy isch abber für d ID nit uffgangè, d Firma isch in è bedrohlichi, finanzièlli Schièflaag chò.
S Unternämmè ghört sit 1996 zuè dè Coop, aafangs zämmè mit dè Microspot i dè Coop-Döchter Simeco integryrt. Mitti 2002 sin d Aktivitätè vo dè Interdiscount AG uff d Coop übberdrait un d Aktiègsellschaft liquidyrt worrè. Interdiscount isch sit dèm rächtlich un organisatorisch unsèlbschtändig, diè gschützt Bezeichnig wörd vo Coop witterhy für dè sèlbschtändige Uffdritt vo dè Elegtronikhandelschetti bruucht. 2003 wurden fascht alli Filialè umbaut worrè. Im Johr 2007 isch dè Markènammè Microspot als microspot.ch vo dè ID reaktivyrt worrè, dè Düèfschtpriisaabièter firmyrt sit dèm unter eignem Markènammè im schwizer Online-Heimelegtronik-Discounter-Markt. Im Johr 2015 sin alli Kassèsischteem uff dè Coop-Standard umgrüschtet worrè.
Weblinggs[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Interdiscount“ vu de dütsche Wikipedia. E Liste vu de Autore un Versione isch do z finde. |