Migros

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Migros-Genossenschafts-Bund
Migros-Logo
Unternähmensform Gnosseschaft
Gründig 1925
Sitz Züri, Schwiiz
Leitig

Herbert Bolliger
(Präsident vo dr Generaldiräktion)
Andrea Broggini
(Präsident vo dr Verwaltig)
Ursula Nold
(Präsidentin vo dr Delegierteversammlig)

Mitarbeiter 86'393 (2011)
Umsatz 24,859 Mrd. CHF (2011)
Branche Handelskonzärn
Uffdritt im Netz www.migros.ch

De Migro (offiziell: die Migros) isch s gröscht gnosseschaftlige Einzelhandelunternähme vo dr Schwiiz. Es isch 1925 vom Gottlieb Duttwiler gründet worde.

De Name Migros bedütet: Mittelgrosshandel und söll för die ursprönglichi Positionierig vom Onternähme stoh, als prislech i dr Mitti zwöschet en-détail (Detailhandel) und en-gros (Grosshandel) legend; «demi-gros» (Halbgrosshandel), churz «mi-gros» («Mettelhandel») het druf aagspelt, dass d Priise fasch we bi Engros-Produkt siged.[1]

M-Budget[ändere | Quälltäxt bearbeite]

s Migro-Hoochhuus am Limetplatz s Züri.

1996 sind zerschtemol sibezg M-Budget-Produkte ( Migro-Büdsche ) i dä Filiale abotte worde. Zäh Johr sin grad 380 Artikel zur Uswahl gstande.

Es het 1996 z Auschtralie agfange. Am Migros-Projektleiter sind i sine Feriä verschidenartige Produkte ufgfalle, wo üsserlich alle glich usgsend. Zrügg im Büro, het er es Konzept verfasst. Er het denn em Verpackigsdissainer de Uftrag gee, as d M-Budget-Produkt möglichst billig usgsee mönd. Wa use cho isch, isch en aifache Buechstabesolot us grüe, wyss, wenig schwarz und em orangschne Migro-Logo. Da noiji günschtigi Produktsortiment isch bi vilne Lüt beliebt. En Absicht vom M-Budget söll sii, as chinderriichi Familie finanziell entlaschtet werde sölet. Die Idee isch au entstande, well absehbar gsi isch, dass die dütsche Grosischte Aldi und Lidl in dr Schwiz wärde Filiale eröffne und me friehzytig hett welle Konkurränzproduggt etabliere. De Coop het druffabe mit Prix Garantie e eigni Billigmarke kreiert. 2005 resp. 2009 hän Aldi und Lidl denn au tatsächli Läde in dr Schwiiz eröffnet.

Sit de Iifüerig im Joor 1996 het sich de Umsatz und s Agebot vo de M-Budget-Produkt starch entwicklet und de Umsatz het im Joor 2005 ganzi 475 Millione Franke bitrait.

Zahle & Fakte[ändere | Quälltäxt bearbeite]

D Zahle und Fakte vo de Migro-Gruppe im Johr 2011 (i Chlammere d Veränderig gegenüber em Vorjohr):

  • Umsatz (2011): 24.859 Mrd. CHF (− 0,9 %)
  • Gwünn (2011): 846 Mio. CHF (+ 20,8 %)
  • Aagstellti (2010): 83'780 Persone (− 0,4 %)
  • Aigekapital (2010): 13'363 Mrd. CHF oder 26,3 % vo de Bilanzsumme (+ 9,1 %)
  • Filialnetz (2011): 623 Standort (inkl. Fachmäärt) (+ 2,1 %)

Uuftäilig vo de Migro-Läbesmettelmärt i dr Schwiz 2011:

  • 297 M-Migros (dorchschnettlech 650 m²)
  • 214 MM-Migros (dorchschnettlech 2'250 m²)
  • 39 MMM-Migros (dorchschnettlech 8'500 m²)
  • 46 Fachmärtcenter ond M-Parcs
  • 23 Spezialläde
  • 4 Gastronomibetriib (eigeständig)
  • 185 M-Restorants (i de Lademärt integriert)
  • 174 Migrolino-Shops (Convenience-Shop)

Kultur und Bildig[ändere | Quälltäxt bearbeite]

Dr Gottlieb Duttweiler het s Kulturprozänt iigfüehrt, ä chliine Deil vom Umsatz wird für kulturelli Zwäck iigsetzt, wie d Verbilligung vo Theaterabonnement, d Unterstützig vom L'arc – Littérature et atelier de réflexion contemporaine – wo Kulturschaffende as Arbets- und Wiiterbildigsort dient, odr d Migros Klubschuele, wo mä cha Kürs in Musig, Choche, Danze, Theater, Fitness, Sport, Sproche usw. näh.

Literatur[ändere | Quälltäxt bearbeite]

  • Katja Girschik, Albrecht Ritschl, Thomas Welskopp (Hrsg.): Der Migros-Kosmos. Zur Geschichte eines aussergewöhnlichen Schweizer Unternehmens. hier + jetzt, Verlag für Kultur und Geschichte, Baden 2003 ISBN 3-906419-64-9
  • Sibylle Brändli: Der Supermarkt im Kopf. Konsumkultur und Wohlstand in der Schweiz nach 1945. Böhlau Verlag, Wien 2000 ISBN 3-205-99264-4
  • Alfred A. Häsler: Das Abenteuer Migros. Migros Genossenschaftsbund im Verlag der Migros Presse, Zürich 1985

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Wie ist der Name Migros entstanden? uf migros.ch - abgruefe am 22. März 2014