Hessen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Land Hesse
Hessen
Landeswappen Hessen
Karte Berlin Bremen Bremen Hamburg Niedersachsen Bayern Saarland Schleswig-Holstein Schleswig-Holstein Land Brandenburg Sachsen Thüringen Sachsen-Anhalt Mecklenburg-Vorpommern Baden-Württemberg Hessen Nordrhein-Westfalen Rheinland-Pfalz
Iber des Bild

Landeswappen Hessen

Landeshauptstadt Wysbade
Flechi 21.114,94 km²
Iiwohnerzahl 6.070.425 (30. Juni 2007)
Bevölkerigsdichti 287,4 Iiwohner pro km²
Arbetslosequote 6,6 % (Mai 2008)
Schulde 32,6 Mrd. €
ISO 3166-2 DE-HE
Kontakt:
Offizielli Websiite: www.hessen.de
Politik:
Ministerpräsident: Volker Bouffier (CDU)
Regierendi Parteie: CDU und die Grüene
Sitzverteilig im Landtag: CDU 47
SPD 37
Grüne 14
Linke 6
FDP 6
Letsti Wahl: 22. Septämber 2013
Neggsti Wahl: Herbst 2018
Parlamentarischi Vertretig:
Stimme im Bundesroot: 5
Hessen topografisch Relief Karte.png

Hesse (dt. Hessen) isch e Bundesland in de Mitti vo Dütschland. S hät etwa 6 Millione Ywohner und e Flächi vo 21'000 km². Hauptstadt isch Wysbade.

Geografy[ändere | Quälltäxt bearbeite]

Lag[ändere | Quälltäxt bearbeite]

Hesse hät e maximali Nord-Süd-Usdehnig vo 260 Kilometer und e maximali Ost-West-Usdehnig vo 170 Kilometer.[1] D Flächi isch 21.114,94 km². Hesse gränzt an d Bundesländer Thüringe, Bayern, Bade-Württeberg, Rhyland-Pfalz, Nordrhy-Westfale und Nydersachse.[1]

Underdeilig[ändere | Quälltäxt bearbeite]

Mer underdeilt Hesse y in:

  • 3 Regierigsbezirk: Darmstadt, Kassel, Gieße
  • 5 kreisfreii Städt
  • 21 Landkreis
  • 426 kreiszüeghörigi Gmeinde.

Nadur[ändere | Quälltäxt bearbeite]

E Deil vo de Mitteldütsche Gebirgsschwelle ghört zu Hesse. Wäge denne losst sich s in sechs Gebirgslandschafte ydeile:

  • Westerwald
  • Volgelsberg
  • Meißner
  • Taunus
  • Odenwald
  • nördliche Deil vom Spessart

Hesse hät e rächt milds Klima.

Hesse under de dütsche Bundesländer hät mit 40% de höchst Adeil an Wald.

Gwässer sin de Rhy im Weste, d Lahn, de Main und d Werra.[1]

Gschicht[ändere | Quälltäxt bearbeite]

Bis 1264 isch Hesse vo de Ludowinger regiert worre. D Sofie vo Brabant hät s rych Hesse vo Thüringe abtrännt. Kassel isch 1277 Hauptstadt worre. Denooch isch Hesse mehrmols deilt worre.

Under em Philipp em Großmietige, Landgraf vo 1509/1518 bis 1567, isch Hesse widdervereinigt und evangelisch worre. De Landgraf hät au Universitäte ygfiehrt.

1866 isch s Kurfürschtetum Hesse-Kassel im Nordtäil vo Hesse nach em Tüütsche Chrieg vo de Prüüßen annektiert woorde. S Grooßherzogtum Hessen-Darmstadt im Süüdtäil häts aber na bis 1918 ggää, und us däm isch doo nach der Uusrüeffig vo de Republik 1918 de Volchsstaat Hesse woorde.

Im Zweite Wältchrieg isch Hesse dütlig meh zerstört worre wie im Erschte. Di Alliierte hän 1945 vor allem Frankfurt bombardiert.

1946 isch s hüttig Land Hesse ggründt woorde. Zeerscht häts de Name „Großhessen“ ghaa, wils us em früenerige Grooßherzogtum bzw. Volchsstaat Hesse-Darmstadt (ooni Rhyhesse), em früenerige Kurfürschtetum Hesse-Kassel, em Oschttäil vom früenerige Herzogtum Nassau – Kassel und Nassau sind ab 1866 zur prüüßische Provinz Hessen-Kassel zämegschlosse gsy – und em früenerige Fürschtetum Waldeck zämegstiflet woorden isch. Sit de Gründig vo de Bundesrepublik Tüütschland im Jaar 1949 isch Hesse es Bundesland daadevoo.

Wirtschaft[ändere | Quälltäxt bearbeite]

Noch re Umfrog under 3000 Undernehme isch festgstellt worre, dass Infrastruktur und Förderigspolitik z Hesse dütschlandwit am meiste gschätzt werde; usserdem sin d Undernehmer z Hesse zimli optimistisch (16% erwarte z Hesse e Verbesserig, Durchschnitt isch 12%). Wäge de Wirtschaftspolitik git s gnüeg Areiz zum Gründe vo Undernehme. Im Erfolgsindex[2] stoht Hesse vor Bade-Württeberg an erschter Stell.

Lut re Studie wird sich Hesse in de nächschte Johr witer steigre.[3]

Verchehr[ändere | Quälltäxt bearbeite]

Frankfurt am Main isch für Hesse bezüglig Verchehr am wichtigste. Do git s zum Bispyl de Flughafe und de Frankfurter Hauptbahnhof mit durchschnittlig 150'000 bzw. 350'000 Gäst däglig. S Frankfurter Chrüz durchfahre pro Dag etwa 330'000 Fahrzüg.[4]

Dialäkt[ändere | Quälltäxt bearbeite]

De hessisch Dialäkt isch e dütschi Mundart, wo durch de Adeil an de hochdütsche Lutverschiebig als mittelhochdütschi Mundart kennzeichnet isch. Hessisch bildet zämme mit em Pfälzische uff de eine und me Mischgebiet zwüsche Hessisch, Pfälzisch, Alemannisch und Ostfränkisch im Rhy-Main-Neckar-Ruum uff de andere Site s Rhyfränkisch. Au Lothringisch wird deilwis zum Rhyfränkische zällt.

S Fehle vom Übergang vo p >(p)f (Appel statt Apfel) kennzeichnet s Rhyfränkisch zämme mit em Moselfränkische und em Ripuarische als westmitteldütschi Mundart.[5]

Weblink[ändere | Quälltäxt bearbeite]

 Allmänd (Commons): Hesse – Sammlig vo witere Multimediadateie

Quelle und Füeßnote[ändere | Quälltäxt bearbeite]

  1. 1,0 1,1 1,2 www.survol.de
  2. De Erfolgsindex misst d Attraktivität vo me Land als Standort
  3. www.hessen.de/Wirtschaft
  4. www.hessen.de/Verchehr
  5. de:Hessischer Dialekt