Untersiggenthal
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Bade |
| BFS-Nr.: | 4044 |
| PLZ: | 5417 |
| Koordinate: | 47° 30' n. Br. 8° 15' ö. L. |
| Höchi: | 375 m ü. M. |
| Flächi: | 8.36 km² |
| Iwohner: | 6.692 (31. Dezämber 2010) [1] |
| Website: | www.untersiggenthal.ch |
| Karte | |
 |
|
Undersiggetal isch e Gmeind im Bezirk Bade in de Schwiiz.
Inhaltsverzeichnis |
[ändere] Geographi
S Dorf Undersiggetal ligt uf ere Schotterebeni zwüschem Siggebärg un de Limmat, öschtlich vom Wasserschloss vo de Schwiiz. Nachbargmeinde sin Obersiggetal im Oschte, Turgi un Gäbischtorf im Süde, Brugg un Villige im Weschte un Würelinge im Norden. Zu Undersiggetal ghöre näber em Dorf un de Überbauige direkt a de Limmat au en Deil vo Siggetal-Station, wo de Bahnhof isch, un de Wiler Steinebühl uf em Siggebärg.
[ändere] Politik
Z Undersiggetal gits füf Gmeindröt. Es sind das für d' Periode vo 2009-2013:
d' Koller Marlène ide SVP
de Eberle Ueli ide CVP
de Hitz Adrian ide CVP
de Stichert Norbert ide FDP
und d' Grob Moretti Jeanine ide SP
[ändere] Verchehr
Dür Undersiggetal füehrt di vill befahreni Houptstrass K114 wo vo Bade dürs oberi Aaretal nach Choblänz füehrt.
Undersiggetal isch mit dä Linie 2 u 6 ou a z'Verchehrsnetz vo dä RVBW bunde. Es gyt all 10 minute e verbindig uf Bade zue. Ou nach Turgi fahrt drü mal stündlich es Postauto nämlich d'Linie 357.
Bis uf Bade sinds öppe 6 Kilometer, uf Züri ungfähr 30 Kilometer.
[ändere] Bildig
Z Undersiggetal gits vier Chindergärte. Dr näbet hets aber no vier Schuelhüser, wo öbe 600 Schüeler z Schuel gönd. Es werdet alli Stufe, das heisst Primar-, Sekundar- und Realschuel, unterrichtet, osser Bezirksschuel, die wär den in Turgi.
[ändere] Gschicht
Uf em Gebiet vo Untersiggetal gits Sidligsfund us de Jungsteiziit un de Bronzeziit. Zäme mit em hütige Gebiet vo Obersiggetal hets im 15. Johrhundert insgsamt 42 Höf gäh, wo me 1415 im Amt Siggetal zämegfasst het. Im 1252i wird zum erschte Mol e Brugg in ere Urkund gnennt un de Turm, wo zum Schutz ve dere Brugg bauet worden isch, isch in de Bsitz vo de Grafe vo Habsburg cho. D Habsburger hei im Siggetal Land gha, un hei en Teil dervo 1337 em Chloschter St. Galle überträge un d Feschtig Freudenau im Johr 1361 verchauft. D Freudenau het vo 1466 bis zum Aafang vom 20. Johrhundert de Fährlüt vo Stilli ghört, wo an dere Stell e Fähri über d Aare betribe hei. Am Beginn vo de Helvetik isch Amt Siggetal im 1798i zum Kanton Bade cho un im 1803 zum neugründete Kanton Aargau. Ab 1803 het me au d Höf uf di beide Gmeinde Ober- un Undersiggetal verteilt.
[ändere] Literatur
- Volker Reinhardt: Handbuch historische Stätten. Schweiz und Liechtenstein, Stuttgart 1996.
- Untersiggenthaler Ortsgeschichte: Rückblick auf die Geschichte von Untersiggenthal anlässlich der 1175 Jahr-Feier im Jahre 2007, 2007
[ändere] Webgleicher
Allmänd (Commons): Undersiggetal — Witeri Mulitimediadateie zum Artikel
