Obersiggenthal
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Bade |
| BFS-Nr.: | 4038 |
| PLZ: | 5415 |
| Koordinate: | 47.490275 n. Br. 8.297224 ö. L. |
| Höchi: | 420 m ü. M. |
| Flächi: | 8.36 km² |
| Iwohner: | 8.191 (31. Dezämber 2010) [1] |
| Website: | www.obersiggenthal.ch |
| Karte | |
 |
|
Obersiggetal (offiziell: Obersiggenthal) isch e Gmeind im Bezirk Bade im Schwiizer Kanton Aargau. Si ligt nördlich vom Bezirkshauptort Bade a de Limmat u het drü Ortsteil: Nussbaume, Kirchdorf u Riede.
[ändere] Geographii
D Gmeind ligt uf de öschtliche Site vom Siggetal, ere Schotterterrasse am nördliche Limmatufer, wo sich gäge Nordweschte uswitet. Im Norden isch de Siggebärg di natürlich Gränz zum Surbtal, die Limmat trännt d Gmeind vo Bade.
Im Oschte isch de Ortsteil Riede, uf em Steilhang drüber de Wiler Hertestei. Nussbaume, s Zentrum vo de Gmeind, ligt in derte, wos Tal aafangt breiter z werde. Im Weschte, Richtig Undersiggetal, isch Kirchdorf, öpper ein Kilometer vo de Limmat ewäg. Am Hang oberhalb vo Kirchdorf ligt de Wiler Tromsbärg. Riede u Nussbaume sin zämmegwachse, zwüsche Nussbaume u Kirchdorf isch e Sidligslücke.
De Gmeindsbann isch 839 Hektare gross, dodervo sin 365 Hektare Wald u 165 Hektare überbaut.
Nachbargmeinde sin Ändige u Lengnau im Norde, Freyewil im Nordoschte, Ännetbade im Oschte, Bade im Süde, Turgi im Südweschte, Undersiggetal im Weschte u Würelinge im Nordweschte.
[ändere] Gschicht
Uf em Gebiet vom Siggetal gits Sidligsfund us de Jungsteiziit un de Bronzeziit.
Im 1252i wird zum erschte Mol e Brugg in ere Urkund gnennt u de Turm, wo zum Schutz ve dere Brugg bauet worde-n-isch, isch in de Bsitz vo de Grafe vo Habsburg cho. D Habsburger hei im Siggetal Land gha, un hei en Teil dervo 1337 em Chloschter St. Galle überträge. Zäme mit em hütige Gebiet vo Undersiggetal hets im 15. Johrhundert insgsamt 42 Höf gäh, wo me 1415 im Amt Siggetal zämegfasst het.
Am Beginn vo de Helvetik isch s Amt Siggetal im 1798i zum Kanton Bade cho un im 1803 zum neugründete Kanton Aargau. Ab 1803 het me d Höf uf di beide Gmeinde Ober- un Undersiggetal verteilt.
[ändere] Netzgleicher
Allmänd (Commons): Obersiggetal — Witeri Mulitimediadateie zum Artikel- D offizielli Website vo de Gmeind Obersiggetal
- Artikel Obersiggetal im Historische Lexikon vo dr Schwiiz
Dr Artikel basiert uf 'ra freie Ibersetzung vum Artikel „Obersiggenthal“ us dr dytsche Wikipedia.
E Lischte mit de dörtige Autore kasch dörte aluege
