Remetschwil
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Bade |
| BFS-Nr.: | 4039 |
| PLZ: | 5453 |
| Koordinate: | 47.411111 n. Br. 8.331949 ö. L. |
| Höchi: | 524 m ü. M. |
| Flächi: | 3.88 km² |
| Iwohner: | 2.017 (31. Dezämber 2010) [1] |
| Website: | www.remetschwil.ch |
| Karte | |
 |
|
Remetschwil isch e Gmeind im Bezirk Bade im Schwiizer Kanton Aargau. Si ligt zwüsche Bade u-n-em Mutschälle.
[ändere] Geographi
D Gmeind het drü Ortsteil. D Hauptsidlig Remetschwil ligt überm Rüüstal am Weschthang vom Heitersbärg. E chli höcher, uf öpper 660 Meter en Kilometer witer im Oschte isch de Wiler Sennhof. En Kilometer weschtlich, durch en tüüfe Tobel vo Remetschwil trännt, isch de Ortsteil Busslinge uf 410 Meter, wo mit de Nachbargmeind Schtette zämmegwachse-n-isch.
De Gmeindsbann isch 388 Hektare gross, dodervo sin 93 Hektare bewaldet u 63 Hektare überbaut. Di tüüfscht Stell vo de Gmeind ligt uf 405 Meter, di höchscht uf 695 Meter.
Nachbargmeinde sin Niderrohrdorf u Oberrohrdorf im Norde, Schpreitebach im Oschte, Bällike u Chünte im Süde u Schtette im Weschte.
[ändere] Gschicht
Im 1948i het ma z Remetschwil es helvetischs Grab us em 1. Johrhundert n. Chr. gfunde, wo also us de Ziit vo de römische Besatzig isch. Ma het könne nachwiise, dass d Römer am Weschthang vom Heitersbärg Wiibau betribe hei. D Alemanne hei ab em 7. oder 8. Johrhundert d Gegend besidlet. Di erscht urkundlichi Erwähnig vo Remirswilare isch us em Johr 1184 in eme Urbar vom Chloschter Engelbärg. D Landesherre sin zerscht d Kyburger gsi, schpöter - ab em 1264i - d Habsburger. Die gröschte Lehnsherre z Remetschwil sin s Chloschter Oetenbach z Zürich s Chloschter Wettige u s Schpital z Bade gsi. Au verschidnigi Bürger vo Bade hei Landbsitz z Remetschwil gha. De gröscht Lehnsherr z Busslinge isch s Chloschter Muri gsi.
Im 1415i hei Eidgenosse de Aargau erobert u e so het Remetschwil ab do zum Amt Rohrdorf vo de Grafschaft Bade ghört, ere gemeine Herrschaft. Im März 1798 sin d Franzose in d Schwiiz iimarschiirt u-n-hei di Helvetisch Republik usgruefe. Remetschwil het in dere Ziit zum Kanton Bade ghört, wo 1803 zum noie Kanton Aargau cho isch. Im 1805i hei di Gmeinde Busslinge, Niderrohrdorf, Oberrohrdorf, Remetschwil u Staretschwil zu de noie Gmeind Rodleff (offiziell: Rohrdorf) fusioniirt u-n-am 22. Mai 1854 het ma Rohrdorf in drü Gmeinde teilt. Saretschwil isch derbi mit Oberrohrdorf zämme blibe un Busslinge bi Remetschwil.
[ändere] Weblinks
Allmänd (Commons): Remetschwil — Witeri Mulitimediadateie zum Artikel
Dr Artikel basiert uf 'ra freie Ibersetzung vum Artikel „Remetschwil“ us dr dytsche Wikipedia.
E Lischte mit de dörtige Autore kasch dörte aluege
