Ehrendingen
| Ehrendingen | |
|---|---|
 |
|
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Baden |
| BFS-Nr.: | 4049 |
| Poschtleitzahl: | 5420 |
| Koordinate: | 668250 / 26142147.4999988.344445450Koordinate: 47° 30′ 0″ N, 8° 20′ 40″ O; CH1903: 668250 / 261421 |
| Höchi: | 450 m ü. M. |
| Flächi: | 7.31 km² |
| Iiwohner: | 4243 (31. Dezämber 2011)[1] |
| Website: | www.ehrendingen.ch |
| Karte | |
 |
|
Äredinge (offiziell: Ehrendingen) isch e Gmeind im Bezirk Bade im Schwiizer Kanton Aargau. Si ligt drei Kilometer nordöschtlich vom Bezirkshauptort. D Gmeind isch am 1. Jänner 2006 entschtande, wo d Gmeinde Oberäredinge u Underäredinge, wo sich im 1825i trännt hei gha, fusioniirt hei.
Inhaltsverzeichnis |
Geographi [ändere]
S Dorf ligt am Nordfuss vo de Lägere zwüsche Höhtal un Surbtal. Di beide Ortsteil sin nahtlos zämmegwachse u folget em Dorfbach, wo an de Lägere sini Quelle hät.
Di tüüfschti Schtell isch uf 425 Meter an de Surb, di höchschti uf em 859 Meter hohe Burghorn, em Teil vo de Lägere. De Gmeindsbann isch 731 Hektare gross, dodervo sin 210 Hektare bewaldet u 99 Hektare überbaut.
Nachbargemeinden sin Schneisige im Norde, Niderwennige im Oschte, Wettige im Süde, Ännetbade im Südweschte, Freyewil im Weschte u Lengnau im Nordweschte.
Gschicht [ändere]
Einzelni Fund zeiget, dass d Gägend im Norde vo de Lägere scho in de Jungsteiziit u in de Bronzeziit besidelt isch gsi. Di erschti urkundlichi Erwähnig vo Aradingen isch us em Johr 1040. De Näme het sin Ursprung bi de Alemanne u bedütet «bi de Lüt vom Arinrat». Im 11. Johrhundert het s Chloschter Eisidle grosse Grundbsitz z Äredinge gha. Im 1150 wird au s Chloschter Elchige bi Ulm als Landbsitzer gnennt, wo sin Bsitz mim Chloschter Sankt Blasie im Schwarzwald tuuscht het. Mit de Ziit isch s Chloschter Wettige zum gröschte Grundbsitzer worde. Mit de Bezeichnig in Eredingen villa inferiori findt me in ere Urkund vom 1261i s erscht Mol en Unterscheidig zwüsche Under- u Oberäredinge. D Landesherre sin d Habsburger gsi.
Im 1415i hei Eidgenosse de Aargau erobert u e so hei Ober- u Underäredinge zum Amt Äredinge vo de Grafschaft Bade ghört, ere gemeine Herrschaft. Im März 1798 sin d Franzose in d Schwiiz iimarschiirt u-n-hei di Helvetisch Republik usgruefe. Äredinge het in dere Ziit zum Kanton Bade ghört, wo 1803 zum noie Kanton Aargau cho isch. Im 1825 het me Äredinge in zwei Gmeinde trännt. Beidi Dörfer sin i dere Ziit au rüümlich no trännt gsi. Wo d Bevölkerig ab de 1950er Johr gwachse isch, sin au di Dörfer mit de Ziit zämegwachse u hei e gmeinsami Identität entwicklet. So het me im 2003 e Fusion bschlosse, wo uf de 1. Jänner 2006 realisiirt worde-n-isch.
Fuessnote [ändere]
Weblinks [ändere]
Allmänd (Commons): Äredinge – Sammlig vo witere Multimediadateie
| Dä Artikel basiert uff ere fräie Übbersetzig vum Artikel „Ehrendingen“ vu de dütsche Wikipedia.
E Liste vu de Autore un Versione isch do z finde. |
