Chünte

Us der alemannische Wikipedia, der freie Dialäkt-Enzyklopedy
Chünte
Wappe vo Chünte
Wappe vo Chünte
Basisdate
Staat: Schwiiz
Kanton: Aargau (AG)
Bezirk: Badew
BFS-Nr.: 4031i1f3f4
Poschtleitzahl: 5444
UN/LOCODE: CH KNN
Koordinate: 667445 / 249366Koordinate: 47° 23′ 30″ N, 8° 19′ 55″ O; CH1903: 667445 / 249366
Höchi: 425 m ü. M.
Flächi: 4.89 km²
Iiwohner: 1858 (31. Dezämber 2021)[1]
Website: www.kuenten.ch
Charte
Charte vo ChünteTurgiWürenlosDeutschlandKanton ZürichBezirk BremgartenBezirk BruggBezirk LaufenburgBezirk LenzburgBezirk ZurzachBaden AGBaden AGBellikonBergdietikonBirmenstorfEhrendingenEnnetbadenFislisbachFreienwilGebenstorfKillwangenKüntenMägenwilMellingen AGNeuenhof AGNiederrohrdorfOberrohrdorfObersiggenthalRemetschwilSpreitenbachStetten AGTurgiUntersiggenthalWettingenWohlenschwilWürenlingenWürenlos
Charte vo Chünte
www

Chünte (hochdütsch Künten) isch e Gmeind im Bezirk Bade im Schwiizer Kanton Aargau. Si ligt im Rüüsstal zwüsche Mellige u Brämgarte. De Ortsteil Sulz isch bis zum Johr 1973 e eigeschtändigi Ortsgmeind gsi.

Geographii[ändere | Quälltäxt bearbeite]

Chünte isch uf de Oschtsite vo de Rüüss uf eme Sattel zwüschem Weschtabhang vom Heitersbärg un em Talhau, eme bewaldete Moränehügel, wo am End vo de Würniisziit bim Rückzug vom Rüüssgletscher entschtanden isch. De Gmeindbann isch 489 Hektare gross, dodervo sin 132 Hektare mit Wald zuegwachse u 62 Hektare überbaut. Di höchsti Schtell isch uf 530 Meter, di tüfschti uf 354 Meter.

Nachbargmeinde sin Remetschwil im Norden, Bellike im Oschten, Eggewil u Fischbach-Göslike im Süde, Niderwil im Weschten u Schtette im Nordweschte.

Gschicht[ändere | Quälltäxt bearbeite]

di katholischi Chile Heilig Chrüz

Chünten und Sulzo si s erschti Mol im Johr 1160 in de Acta Murensia erwähnt. Do hei si zum Bsitz vom Chloschter Muri ghört. Verschidnigi Fund zeiget, dass s Gmeindsgebiet scho vorher isch bsidlet gsi. Me het nämlich bi Usgrabige Münze, Scherbe, Bronze- und Iisegrät us de Römerziit Siedlung gfunde u bi Sulz hei Archäologe en Grabhügel entdeckt.

Im Mittelalter het d Region zum Gebiet vo de Habsburger ghört un isch im 1415i vo de Eidgenosse eroberet worde. So isch Chünte en Teil vom Amt Rohrdorf in de Grafschaft Bade worde, ere Gmeine Herrschaft. Im 1529 het me d Reformation iigführt, nach de Niderlag im Zweite Kappelerchrieg im 1531 hets d Gmeind wider müesse katholisch werde. Im März 1798 sin d Franzose in d Schwiiz iimarschiert un hei di Helvetisch Republik usgrüeft. Chünte het in dere Ziit zum Kanton Bade ghört, wo 1803 im noie Kanton Aargau ufgange isch.

Am 10. Juni 1866 sin z Chünte durch en Grossbrand 14 Hüser, wo mit Stroh deckt si gsi, verbrunne.

Weblink[ändere | Quälltäxt bearbeite]

 Commons: Künten – Sammlig vo Multimediadateie

Fuessnote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023


Dä Artikel basiert uff ere fräie Übersetzig vum Artikel „Künten“ vu de dütsche Wikipedia. E Liste vu de Autore un Versione isch do z finde.