Bellikon
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Baden |
| BFS-Nr.: | 4022 |
| PLZ: | 5454 |
| Koordinate: | 47.390277 n. Br. 8.34723 ö. L. |
| Höchi: | 597 m ü. M. |
| Flächi: | 4.94 km² |
| Iwohner: | 1.576 (31. Dezämber 2010) [1] |
| Website: | www.bellikon.ch |
| Karte | |
 |
|
Bällike (offiziell: Bellikon) isch e Gmeind im Bezirk Bade im Schwiizer Kanton Aargau. Si ligt zwüsche Bade u-n-em Mutschälle.
Inhaltsverzeichnis |
[ändere] Geographii
S Dorf ligt hoch überm Rüüstal am Südweschthang vom Heitersbärg. Öppe en Kilometer nördlich vom Dorfzentrum isch uf ere Höchi vo 635 Meter de Ortsteil Huuse, wo i de letschte Johr mit Bällike zämegwachse-n-isch.
S Gmeindsgebiet isch 494 Hektaren gross. Dodervo sin 145 Hektare bewaldet u 46 Hektare überbaut. Di höchschti Schtelle ligt uf em Kamm vom Heitersbärg uf ere Höchi vo 787 Meter, di tüfst uf 500 Meter.
D Nachbargmeinde vo Bällike sin Remetschwil im Norde, Schpreitebach im Nordochste, Bärgdietike im Oschte, Wide im Süde, Eggewil im Südweschte u Chünte im Weschte.
[ändere] Gschicht
Scho in de Ziit vo de Römer isch d Gegend vom hütige Bällike bsidlet gsi. D Römerstrass vo Vindonissa (Windisch) uf Turicum (Züri) het hir vorbi gführt. Im 1934i het ma bi Grabige südlich vom Dorf Ziigel us dere Ziit gfunde. De zughörig Guetshof het ma im 1941 usgrabe u dokumentiirt. Kunschtgägeständ, wo ma bi de Grabig gfunde het, zeiget, dass s Huus am End vom 1. Johhundert isch bauet worde u bis zum Aafang vom 4. Johrhundert isch bewohnt gsi.[1] In de Mitti vom 6. Johrhundert het sich en alemannischi Sippe in der Gegend nidergla, het de Wald grodet u di römisch Sidlig zerschtört.
Di erscht urkundlich Erwänig vo Bällike stammt vom 11. Oktober 1064 in eme Schtiftigsbrief vom Chloschter Muri. Bällike u Huuse hei zerscht müsse em Chloschter Murbach im Elsass de Zehnti zahle, schpöter de Habsburger. Im 1415i hei Eidgenosse de Aargau erobert un so het Bällike ab do zum Amt Rohrdorf vo de Grafschaft Bade ghört, ere gemeine Herrschaft. Im März 1798 sin d Franzose in d Schwiiz iimarschiirt un hei di Helvetisch Republik usgruefe. Bällike het in dere Ziit zum Kanton Bade ghört, wo 1803 zum noie Kanton Aargau cho isch. Au Bällike het im 1803 fusioniirt un zwar mim Nachbarort Huuse.
[ändere] Einzelnochwiis
- ↑ Martin Hartmann, Hans Weber: Die Römer im Aargau (S. 164). Verlag Sauerländer, Aarau 1985. ISBN 3-7941-2539-8.
[ändere] Netzgleicher (Weblinks)
Allmänd (Commons): Bellikon — Witeri Mulitimediadateie zum Artikel
Dr Artikel basiert uf 'ra freie Ibersetzung vum Artikel „Bellikon“ us dr dytsche Wikipedia.
E Lischte mit de dörtige Autore kasch dörte aluege
