Schönengrund

Schönegrond

Schönengrund
Basisdate
Staat:	Schwiiz
Kanton:	Appezell Usserrhode (AR)
Bezirk:	(de Kanton kännt sit 1995 ke Bezirk me)w
BFS-Nr.:	3003i1f3f4
Poschtleitzahl:	9105
UN/LOCODE:	CH SHB
Koordinate:	735174 / 24326547.326399.226942844
Höchi:	844 m ü. M.
Flächi:	5.19 km²
Iiwohner:	508 (31. Dezämber 2011)
Website:	www.schoenengrund.ch
Karte
www

Schönegrond ischd e politischi Gmeend im Henderland vom Kanton Appezäll Osserroode i de Schwiz.

Geografii

Schönegrond lid bhabe a de Hoptstross Nr. 8 zwösched Peterzäll ond de Waldstatt. Es wörd o uf däre Strecki dor s Postauto erschlosse.

Nochbergmeende sönd Neckertal, Schwöllbronn, Urnäsch ond Hemberg. Es ischd bis 1992 en Sesselilift uf de Hochhamm, em 1'275 m höche Husberg vo Schönegrond, ufi gfaare. Hüt louft me hald ufi und cha dobe bi schönem Wätter d Uusicht vor oder i de Wörtschaft gnüüsse.

Gschicht

Im Johr 1268 werd de Ort Zem Schönengrund s erschtmol erwähnt. Dozmol häts no zo Urnäsch ghört, wo gad of de andere Site vom Hochhamm lit ond mit eme chlinne Strössli z erreiche ischt. D Gmeend i de hütige Form ischt entstande, wo sich 1836 de Hushalt vo de reformierte Cherchgmeend und s Guet vo de öffentliche Gmeend trennt häd. Da ischd im Osserroodische di erscht Gmeend gse, wo dia Trennig gmacht häd.

D Schüeler vo de Primarschuel werdid noch em Sangaller Lehrplan onderichted, wel si sed 1868 för d Oberstufe uf Peterszäll i d Sekundarschuel gönd. Wel s Nochberdorf Wald SG sid em 19. Johrhondert all me gwachse ond mit Schönegrond praktisch zämegwachse ischd, häd me 1973 de Zwäckverband Primarschuel Schönegrond-Wald gröndet. S Schuelhuus met em Chindergarte stohd z Schönegrond. Dia kantonsübergrifend Zämeärbed ischd schono näbis Bsondrigs.

Näbed em Vercheersverein gids no me Verein i dem Doppeldorf, wo i erem Name beedi Dorfnäme dinne hend, also Schönegrond-Wald.

Bevölkerig

Bevölkerigsentwicklig

Johr	1734	1850	1870	1900	1950	1970	1980	2000	2010
Iiwohner	400	609	792	661	502	384	404	459	496

D Cherche vo Schönegrond

Weblinks

 Allmänd (Commons): Schönegrond – Sammlig vo witere Multimediadateie

• Offizielli Website vo de Gmeend Schönegrond
• Artikel Schönengrund im Historische Lexikon vo dr Schwiiz

Einzelnochwiis

Im Dorf Schönegrond