Im Schönegrond

Us der alemannische Wikipedia, der freie Dialäkt-Enzyklopedy
Schönengrund
Wappe vo Schönengrund
Wappe vo Schönengrund
Basisdate
Staat: Schwiiz
Kanton: Appezell Usserrhode (AR)
Bezirk: (de Kanton kännt sit 1995 ke Bezirk me)w
BFS-Nr.: 3003i1f3f4
Poschtleitzahl: 9105
UN/LOCODE: CH SHB
Koordinate: 735174 / 243265Koordinate: 47° 19′ 35″ N, 9° 13′ 37″ O; CH1903: 735174 / 243265
Höchi: 844 m ü. M.
Flächi: 5,19 km²
Iiwohner: 533 (31. Dezämber 2021)[1]
Website: www.schoenengrund.ch
Charte
Charte vo SchönengrundKantoo Appezöll InneroodeKantoo Appezöll InneroodeKantoo SanggalleKantoo SanggalleBezirk MittellandBezirk VorderlandHerisouHondwilSchönegrondSchwöllbronnStää ARUrnäschWaldstatt
Charte vo Schönengrund
www

Im Schönegrond ischd e politischi Gmeend im Henderland vom Kanton Appezäll Osserroode i de Schwiz.

Geografii[ändere | Quälltäxt bearbeite]

Im Schönegrond lid bhabe a de Hoptstross Nr. 8 zwösched Peterzäll ond de Waldstatt. Es wörd o uf däre Strecki dor s Postauto erschlosse.

Nochbergmeende sönd Neckertal, Schwöllbronn, Urnäsch ond Hemberg. Es ischd bis 1992 en Sesselilift uf de Hochhamm, em 1'275 m höche Husberg vom Schönegrond, ufi gfaare.[2] Hüt louft me hald ufi und cha dobe bi schönem Wätter d Uusicht vor oder i de Wörtschaft gnüüsse.

D Cherche vo Schönegrond
Im Dorf Schönegrond

Gschicht[ändere | Quälltäxt bearbeite]

Im Johr 1268 werd de Ort Zem Schönengrund s erschtmol erwähnt. Dozmol häts no zo Urnäsch ghört, wo gad of de andere Site vom Hochhamm lit ond mit eme chlinne Strössli z erreiche ischt. D Gmeend i de hütige Form ischt entstande, wo sich 1836 de Hushalt vo de reformierte Cherchgmeend und s Guet vo de öffentliche Gmeend trennt häd. Da ischd im Osserroodische di erscht Gmeend gse, wo dia Trennig gmacht häd.

D Schüeler vo de Primarschuel werdid noch em Sangaller Lehrplan onderichted, wel si sed 1868 för d Oberstufe uf Peterszäll i d Sekundarschuel gönd. Wel s Nochberdorf Wald SG sid em 19. Johrhondert all me gwachse ond mit Schönegrond praktisch zämegwachse ischd, häd me 1973 de Zwäckverband Primarschuel Schönegrond-Wald gröndet. S Schuelhuus met em Chindergarte stood z Schönegrond. Dia kantonsöbergrifend Zämeärbed ischd schono näbis Bsondrigs.

Näbed em Vercheersverein gids no me Verein i dem Doppeldorf, wo i erem Name beedi Dorfnäme dinne hend, also Schönegrond-Wald. D Poststöll ond Raiffisebank vo Schönegrond stönd öbrigens uf Walder Bode. Di verböndend Gränze zwösched de beede Dörfer Schönegrond und Wald ischd mit wenige Uusnaame de Tüüfebach.

Bevölkerig[ändere | Quälltäxt bearbeite]

Quälle: Bundesamt für Statistik 2005[3]

Joor 1850 1860 1870 1880 1888 1900 1910 1920
Iiwohner 609 727 792 727 736 661 699 637
Joor 1930 1941 1950 1960 1970 1980 1990 2000
Iiwohner 538 451 502 450 384 404 434 459

Dr Uusländeraatääl isch 2010 bi 4,2 % gläge.

Religion[ändere | Quälltäxt bearbeite]

15,5 % vo de Iiwooner sönd em Joor 2000 römisch-katholisch gsii, 73,4 % evangelisch-reformiert.

Politik[ändere | Quälltäxt bearbeite]

De Gmäändspresidänt vom Schönegrònd isch de Hans Brunner (Stand November 2017).

Wertschaft[ändere | Quälltäxt bearbeite]

D Arbetslosigkäät isch em Joor 2011 bi 2 % gläge.

Sprooch ond Dialekt[ändere | Quälltäxt bearbeite]

Bi de Volkszellig 2000 hend vo de 459 Iiwoner 97,8 % Düütsch als Hòuptsprooch aagèè, 0 % Franzöösisch, 0 % Italienisch ond 2,2 % anderi Sprooche.

De hochalemannisch Dialäkt vom Schönegrònd ghöört zue de Oschtschwiizer Dialekt.

Weblink[ändere | Quälltäxt bearbeite]

 Commons: Schönegrond – Sammlig vo Multimediadateie

Fuessnoote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  2. Foti vome Bilet alpinforum.ch, abgruefe am 3. September 2012
  3. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)