Hondwil

Us der alemannische Wikipedia, der freie Dialäkt-Enzyklopedy
Hundwil
Wappe vo Hundwil
Wappe vo Hundwil
Basisdate
Staat: Schwiiz
Kanton: Appezell Usserrhode (AR)
Bezirk: (de Kanton kännt sit 1995 ke Bezirk me)w
BFS-Nr.: 3002i1f3f4
Poschtleitzahl: 9064
Koordinate: 742081 / 247782Koordinate: 47° 21′ 56″ N, 9° 19′ 11″ O; CH1903: 742081 / 247782
Höchi: 791 m ü. M.
Flächi: 23,94 km²
Iiwohner: 944 (31. Dezämber 2021)[1]
Website: www.hundwil.ch
Hondwil vor de Hondwiler Höchi und em Säntis
Hondwil vor de Hondwiler Höchi und em Säntis

Hondwil vor de Hondwiler Höchi und em Säntis

Charte
Charte vo HundwilKantoo Appezöll InneroodeKantoo Appezöll InneroodeKantoo SanggalleKantoo SanggalleBezirk MittellandBezirk VorderlandHerisouHondwilSchönegrondSchwöllbronnStää ARUrnäschWaldstatt
Charte vo Hundwil
ww

Hondwil isch e politischi Gmäänd i de Region Henderland vom Kanton Appezäll-Osseroode i de Schwiiz.

Geografii[ändere | Quälltäxt bearbeite]

Hondwil lit a de Strecki vo Appezäll noch Herisou. Zwösched Hondwil und Waldstatt flüüsst d Urnäsch ime Tobel, wo d Hoptstrooss über e imposanti Bogebrogg öberi füert. Südlich vo Hondwil isch Hondwiler Höchi, en 1'305 m höche Bärg mit ere Wertschaft dobe. Bekannter und höcher isch secher de Säntis, wo aber Hondwil mit anderne Gmäände tääle mos. S langzoge Gebiet vo de Gmäänd Hondwil goht vo de Urnäsch bes uf d Schwägalp ui.

D Nochbergmäände send im Uhrzeigersenn ommi; Urnäsch, Waldstatt, Herisou und Stää im Kantoo Appezäll Osserroode, Schlatt-Hasle, Gonte und Schwendi im Inneroode, dezue no d Sangaller Gmäände Wildhuus-Alt Santihann und Nesslou.

Gschecht[ändere | Quälltäxt bearbeite]

Im Johr 921 taucht de Name Huntwilare s erstmol uf. D Gmäänd bestoht näbet em Dorf no us äme Huffe chlinne Wiiler und Hööf. Bis 1749 hät ono Stää dezue ghört. Vo 1611 bes 1997 hät jedes zwoote Johr, abwägsligswes mit Troge, d Landsgmäänd uf em Platz vor de Cherche im Dorf Hondwil stattgfonde.

Bevölkerig[ändere | Quälltäxt bearbeite]

Quälle: Bundesamt für Statistik 2005[2]

Joor 1850 1860 1870 1880 1888 1900 1910 1920
Iiwohner 1500 1532 1521 1544 1642 1523 1626 1583
Joor 1930 1941 1950 1960 1970 1980 1990 2000
Iiwohner 1378 1208 1290 1246 1069 943 1035 1038

Dr Uusländeraatääl isch 2010 bi 5,6 % gläge.

Religion[ändere | Quälltäxt bearbeite]

22 % vo de Iiwooner sönd em Joor 2000 römisch-katholisch gsii, 66 % evangelisch-reformiert.

Politik[ändere | Quälltäxt bearbeite]

D Gmäändspresidäntin vo Hòndwiil isch d Margrit Müller-Schoch (Stand November 2017).

Wertschaft[ändere | Quälltäxt bearbeite]

D Arbetslosigkäät isch em Joor 2011 bi 0,4 % gläge.

Sprooch ond Dialekt[ändere | Quälltäxt bearbeite]

Bi de Volkszellig 2000 hend vo de 1038 Iiwoner 97,2 % Düütsch als Hòuptsprooch aagèè, 0,2 % Franzöösisch, 0,2 % Italienisch ond 2,4 % anderi Sprooche.

De hochalemannisch Dialäkt vo Hòndwiil ghöört zue de Oschtschwiizer Dialekt.

Persönlichkeite[ändere | Quälltäxt bearbeite]

  • Jakob Künzler (1871 – 1949), Arzt und Katastrofehölfer
  • Jakob Alder (1915 – 2004), Komponist
  • Marlies Schoch (1940 – 2016), Werti uf de Hondwiler Höchi, Frauerechtlere und parteilosi Politikeri

Weblink[ändere | Quälltäxt bearbeite]

 Commons: Hondwil – Sammlig vo Multimediadateie

Fuessnoote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  2. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)