Simonetta Sommaruga
.jpg)
D Simonetta Sommaruga (* 14. Mai 1960 z Zug, heimetbrächtigt z Lugano un Eggiwil) isch e Schwyzer Bolitikeri (SP). Am 22. Septämber 2010 isch si in de Schwyzer Bundesrot gwählt worde.
Läbe
[ändere | Quälltäxt bearbeite]D Sommaruga isch mit zwee Brieder un eire Schweschter z Sins, Kanton Aargau, ufgwachse. Si isch uf s Gymnasium z Immesee, Kanton Schwyz gange, un het s mit dr Matura abgschlosse. Derno het si sich z Lozärn, z Kalifornie un z Rom zur Pianischti uusbildet. Vu 1988 bis 1991 het si an dr Universität Friburg Anglischtik un Romanischtik studiert.
Uusgangspunkt vu ihre bolitische Karriere isch ihri Detigkeit as Gschäftsfiereri vu dr Stiftig fir Konsumänteschutz gsi, wu si vu 1993 bis 1999 uusgiebt het un wu si in dr Dytschschwyz effetli bekannt gmacht het. Si isch hite Presidänti vu däre Stiftig un vu dr Entwickligshilfeorganisation Swissaid.
Vu 1998 bis 2005 het d Sommaruga em Gmeirot vu Köniz aaghert. Vu 1999 bis 2003 isch si Nationalreti gsi. Syt 2003 ghert si em Ständerot aa.
Am 22. Septämber 2010 isch si bi dr Bundesrots-Ersatzwahl fir dr Moritz Leuenberger mit 159 Stimme im vierte Wahlgang in dr Bundesrot gwehlt wore. Ihres Amt het si am 1. November 2010 übernoh und s Eidgenössisch Juschtiz- und Polizeidepartement (EJPD) übernoh.
Am 5. Dezember 2013 isch d Sommaruga mit 180 vo 205 gültige Stimme zue de Vize-Bundespräsidentin für s Johr 2014[1] und am 3. Dezember 2014 mit 181 vo 246 Stimme zur Bundespresidänti für s Jahr 2015 gwählt worde.[2]
Mit dr Ernöierigswahle vom Bundesrot Endi 2018 häts e Rochade i dr Departementsverteilig gee. Sit em 1. Jänner 2019 isch d Simonetta Sommaruga Vorsteheri vum Eidgenössische Departement fir Umwelt, Verchehr, Energii und Kommunikazion (UVEK).[3] Im 2020 isch si zum zwöitemol Bundespresidänti gsi.
D Simonetta Sommaruga isch mit em Schriftsteller Lukas Hartmann ghyrote un wohnt z Spiegel bi Bärn. Wu ire Mann en Schlagaafall iberchuu het, het d Sommaruga am 2. Novämber 2022 ire Ruggdritt us em Bundesrat per Ändi 2022 aagchindet.[4] Zu ihrere Nochfolgeri isch am 7. Dezember 2022 d Élisabeth Baume-Schneider gwählt worde.
Vereffentlichunge
[ändere | Quälltäxt bearbeite]- Gurtenmanifest für eine neue und fortschrittliche SP-Politik (mit Henri Huber, Tobias Kästli, Wolf Linder). Gurten, 10. Mai 2001; Dokument online (PDF; 236 KB)
- Für eine moderne Schweiz. Ein praktischer Reformplan (hrsg. mit Rudolf H. Strahm). Nagel & Kimche, München 2005, ISBN 3-312-00356-3
Literatur
[ändere | Quälltäxt bearbeite]- Simonetta Sommaruga im Munzinger-Archiv (Artikelaafang frei abruefbar)
Weblink
[ändere | Quälltäxt bearbeite]
Commons: Simonetta Sommaruga – Sammlig vo Multimediadateie- d Simonetta Sommaruga bim Eidgenössische Departement fir Umwelt, Verchehr, Energii und Kommunikazion (UVEK) (admin.ch)
- Simonetta Sommaruga uf dr Websyte vo dr Bundesversammlig
- Politprofil Simonetta Sommaruga (Abstimmigsverhalte im Nationalrat, 46. Legislatur)
Fueßnote
[ändere | Quälltäxt bearbeite]- ↑ Didier Burkhalter ist neuer Bundespräsident Artikel im Tagi vom 5. Dezember 2013
- ↑ Bundespräsidium: Sommaruga mit gutem Ergebnis gewählt Artikel i dr NZZ vom 3. Dezember 2014
- ↑ Rochade im Bundeshaus: So sieht die neue Departementsverteilung aus Artikel i dr NZZ vom 10. Dezember 2018
- ↑ Bundesrätin Simonetta Sommaruga tritt zurück. In: SRF.ch, 2. Novämber 2022.
| Vorgänger Moritz Leuenberger |
Mitglid im Schwyzer Bundesrot 2010–2022 |
Nochfolgeri Élisabeth Baume-Schneider |
|
Dä Artikel basiert uff ere fräie Übersetzig vum Artikel „Simonetta_Sommaruga“ vu de dütsche Wikipedia. E Liste vu de Autore un Versione isch do z finde. |