Viola Amherd

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Viola Amherd im 2018

D Viola Amherd (* 7. Juni 1962 z Brig im Kanton Wallis) isch e Schwiizer Politikeri (CVP). Vo 2000 bis 2012 isch si Stadtpräsidenti vo Brig-Glis gsi und sit em 2005 isch si Mitglid vom Nationalrot. Bi de Bundesratswahl am 5. Dezember 2018 isch si im erschte Wahlgang zur Nochfolgerin vo de Doris Leuthard gwählt worde.

Läbe[ändere | Quälltäxt bearbeite]

D Viola Amherd het vo 1969 bis 1978 di obligatorisch Schuelziit a de Primar- und de Sekundarschuele z Brig-Glis verbrochd und isch vom 1978 bis 1982 am Latingymnasium z Brig gsi, wo si im 1982 mit de Maturität Typus B abgschlosse het. Vo 1982 bis 1987 het si a de Universität Fryburg Jus gstudiird und mit em Lizentiat abgschlosse. Im 1990 het si s Notarsdiplom vom Kanton Wallis übecho und im 1991 s Aawaltsdiplom und s Aawaltspatent. Sit em 1991 isch si Advokatin und Notarin mit em Büro z Brig-Glis.

Politik[ändere | Quälltäxt bearbeite]

Vo 1992 bis 2012 isch d Amherd Mitglid vom Brig-Gliser Stadtrot gsi, daderbi sit em 1996 als Vizepräsidenti und ab em 2000 als Präsidenti. Im 2005 isch si in de Nationalrot nachegrütscht, wo de Jean-Michel Cina vo dete in d Kantonsregiirig gwechseld het. Si isch im Nationalrot Mitglid i de Kommission für Vercher- und Färnmeldewese, Mitglied vo de Kommission für Rechtsfroge, Mitglid vom Büro vom Nationalrot und sit em 2011 Vizepräsidenti vo de CVP-Bundeshusfraktion. Zudem isch si im Präsidium vo de CVP Oberwallis.

Bi de Bundesrotswahle am 5. Dezember 2018 isch si zur Nachfolgri vo de Doris Leuthard gwählt worde und isch dadermit di 8. Frau überhaupt, wo i de Bundesrot gwählt worde isch.[1][2][3][4][5]

Weblink[ändere | Quälltäxt bearbeite]

 Commons: Viola Amherd – Sammlig vo Multimediadateie

Fuessnoote[ändere | Quälltäxt bearbeite]

  1. Die Resultate auf einen Blick d Bundesrotersatzwahl uf srf.ch vom 5. Dezember 2018
  2. En réalisant une élection parfaite, Viola Amherd se révèle elle, tout comme un nouveau Valais, uf lenouvelliste.ch
  3. Viola Amherd: Die diskrete Politikerin, uf bilanz.ch
  4. Landesmutter Viola Amherd, uf blick.ch
  5. Walliser Bote: Viola Amherd im ersten Wahlgang mit 148 Stimmen gewählt, uf 1815.ch