Simonetta Sommaruga

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Simonetta Sommaruga (2011)

D Simonetta Sommaruga (* 14. Mai 1960 z Zug, heimetbrächtigt z Lugano un Eggiwil) isch e Schwyzer Bolitikeri (SP). Am 22. Septämber 2010 isch si in de Schwyzer Bundesrot gwählt worde. Am 5. Dezember 2013 isch d Sommaruga mit 180 vo 231 mögliche und 205 gültige Stimme zue de Vize-Bundespräsidentin für s Johr 2014 gwählt worde.[1]

Läbe[ändere | Quälltäxt bearbeite]

D Sommaruga isch mit zwee Brieder un eire Schweschter z Sins, Kanton Aargau, ufgwachse. Si isch uf s Gymnasium z Immesee, Kanton Schwyz gange, un het s mit dr Matura abgschlosse. Derno het si sich z Lozärn, z Kalifornie un z Rom zur Pianischti uusbildet. Vu 1988 bis 1991 het si an dr Universität Friburg Anglischtik un Romanischtik studiert.

Uusgangspunkt vu ihre bolitische Karriere isch ihri Detigkeit as Gschäftsfiereri vu dr Stiftig fir Konsumänteschutz gsi, wu si vu 1993 bis 1999 uusgiebt het un wu si in dr Dytschschwyz effetli bekannt gmacht het. Si isch hite Presidänti vu däre Stiftig un vu dr Entwickligshilfeorganisation Swissaid.

Vu 1998 bis 2005 het d Sommaruga em Gmeirot vu Köniz aaghert. Vu 1999 bis 2003 isch si Nationalreti gsi. Syt 2003 ghert si em Ständerot aa.

Am 22. Septämber 2010 isch si bi dr Bundesrots-Ersatzwahl fir dr Moritz Leuenberger mit 159 Stimme im vierte Wahlgang in dr Bundesrot gwehlt wore. Ihres Amt het si am 1. November 2010 übernoh und s Eidgenössisch Juschtiz- und Polizeidepartement (EJPD) übernoh.

D Sommaruga isch mit em Schriftsteller Lukas Hartmann ghyrote un wohnt z Spiegel bi Bärn.

Vereffentlichunge[ändere | Quälltäxt bearbeite]

  • Gurtenmanifest für eine neue und fortschrittliche SP-Politik (mit Henri Huber, Tobias Kästli, Wolf Linder). Gurten, 10. Mai 2001; Dokument online (PDF; 236 KB)
  • Für eine moderne Schweiz. Ein praktischer Reformplan (hrsg. mit Rudolf H. Strahm). Nagel & Kimche, München 2005, ISBN 3-312-00356-3

Literatur[ändere | Quälltäxt bearbeite]

Weblink[ändere | Quälltäxt bearbeite]

 Allmänd (Commons): Simonetta Sommaruga – Sammlig vo witere Multimediadateie

Fueßnote[ändere | Quälltäxt bearbeite]

  1. Didier Burkhalter ist neuer Bundespräsident, Tagesanzeiger, 5. Dezember 2013


Dä Artikel basiert uff ere fräie Übersetzig vum Artikel „Simonetta_Sommaruga“ vu de dütsche Wikipedia.

E Liste vu de Autore un Versione isch do z finde.