Nationalroot

Dä Artikel sich über de Nationalroot vo de Schwiz. Witeri Bedütige findt me under Nationalrat.

Dr Nationalroot (abgchürzt: NR) isch di gross Chammer vom Schwizer Parlament.

D Wortprotokoll werde sit 1891 im amtliche Bulletin veröffentlicht, sit 1995 äu im Internet uf dr Website vom Parlament.

Wahlverfahre

E Legislaturperiode duret vier Jaar. En Nationalroot oder e Nationalröti wird sit 1919 mittels Proporzwaal (nach äre Volksinitiative igfüert) gwäält. Die Kantön, wo nume ei Vertreter chönet schicke, wäälet mittels Majorzwaal. Früecher (sit 1848) hets pro 20'000 Iwohner 1 Sitz im NR gee, aber sit 1963 feschti 200 Sitz, wo uf de Bevölkerigsateil vo de Kantön verteilt werde.

E Abwaal oder en Usschluss weerend de Legislaturperiode vom ne Mitgliid isch nit müglich.

Sitzzueteilig

Z letscht apasst worde 2023:

Züri: 36
Bärn: 24
Lozern: 9
Uri: 1
Schwyz: 4
Obwalde: 1
Nidwaude: 1
Glaris: 1
Zug: 3
Friiburg: 7
Soledurn: 6
Basel Stadt: 4
Basel Land: 7
Schaffuuse: 2
Appezell Usserode: 1
Appezöll Innerode: 1
Sanggalle: 12
Graubünde: 5
Aargau: 16
Tuurgau: 6
Tessin: 8
Waadt: 19
Wallis: 8
Nöieburg: 4
Gämf: 12
Jura: 2

Sitzverteilig nach Parteie

Noch de Wahle vo 2023:

Schwizerischi Volkspartei (SVP): 62
Sozialdemokratischi Partei vo de Schwiz (SP): 41
D Mitti: 31
FDP.Di Liberale (FDP): 28
Grüeni Partei vo de Schwiz (GPS): 23
Grüenliberali Partei (glp): 10
Evangelischi Volkspartei (EVP): 2
Eidgenössisch-Demokratischi Union (EDU): 2
Mouvement Citoyens Genevois: 2
Christlichsoziali Partei Obwalde (CSP OW): 1
Lega dei Ticinesi: 1

Persone

Lueg Liste der Mitglieder des Schweizer Nationalrats in der 52. Legislaturperiode.

Kompetenze

Dr Vorsitzendi vom Nationalrat isch dr Nationalratspräsident, er wird jedes Jaar noi gwällt. Me seit em ou «Höchste Schwizer». Di beide Chamere National- und Ständerat sind völlig glichwertig: en Beschluss muess vo beide Rät ir gliche Fassig bestätigt werde. Chöi sich d Rät nit nach drü mal einige, muess e Einigungskonferenz iberuefe werde.

National- und Ständerat bilde zeme d Bundesversammlig.

Weblink

d Website vom Parlament